I Pot 14:7 - Sơ̆p Hlabơar Nơ̆r 'Bok Kei-Dei

⁷ Roi bĕ kơ Jêrôbôam 'nâu Kră Yang 'Bok Kei-Dei Isơrael khan: “Inh pôk atŏk ih đơ̆ng lăm kon pơlei pơla, ăn kơ ih pơm pơtao Isơrael kon pơlei pơla inh.

I Pot 14:7 ပူးပေါင်းရင်းမြစ်များ

I Pot 11:28

Jêrôbôam sư minh 'nu bơngai pran hơgei; Sôlômôn 'bôh minh 'nu bơngai tơdăm pơnam hơgei bơ̆jang, na Sôlômôn ăn kơ sư pơm yŏng pơgơ̆r lu bơngai jang apah lăm adrĕch Jôsep.

I Pot 11:35

Mă-lei inh gô iŏk teh đak đơ̆ng kon drŏ-nglo sư, na ăn kơ ih pơgơ̆r mơjĭt adrĕch adrung.

I Pot 11:37

Inh rơih iŏk ih, ăn kơ ih pơm pơtao pơgơ̆r lu bơngai Isơrael, ih gô pơgơ̆r đĭ-đăng kiơ̆ kơ jơhngơ̆m ih wă.

I Pot 12:24

'Nâu Kră Yang khan: 'Nĕ kơ năm tŏk blah lu bơngai Isơrael 'nhŏng oh iĕm. Rim 'nu athei brŏk bĕ tơ hnam sư kơdih, yua kơ tơdrong 'nâu lĕch đơ̆ng Inh.” Lu sư chu nơ̆r Kră Yang khan, brŏk tơ hnam sư kơdih kiơ̆ thoi nơ̆r Kră Yang bơtho tơ'bôh.

I Pot 13:34

Tơdrong 'nâu jing tơdrong yoch kơnê̆ tih kơ adrĕch hnam Jêrôbôam pơm ăn kơ dêh char sư pơchah pơchek păng đe pơlôch đĭ-đăng đơ̆ng kơpal teh đak âu.

I Pot 14:6

Lăp akăn Jêrôbôam truh 'bơ̆t 'măng, na Ahija kơtơ̆ng re jơ̆ng sư nơnăm na khan kơ sư: “Ơ akăn Jêrôbôam mơ̆t bĕ. Yua kơ kiơ ih pơm bơngai nai? Đei nơ̆r tơtă kơ inh athei inh khan tơbăt kơ ih minh tơdrong sơ'ngon tih krưp.

I Pot 16:2

Inh tơiung atŏk ih đơ̆ng 'mui teh ăn kơ ih pơm pơtao lu kon pơlei pơla Isơrael Inh. Mă-lei ih năm kiơ̆ trong Jêrôbôam păng pơm kơ lu bơngai Isơrael kon pơlei pơla Inh pơm yoch, pơm tơblĕk Inh hăm tơdrong yoch lu sư.

Hôsia 13:11

Inh ăn pơhil boih kơ lu iĕm minh 'nu pơtao, păng yua kơ Inh hil na inh pơdrâu lê̆.

I Sam 15:16

Samuel khan kơ Sôl: Thôi! Gô Inh roi ăn kơ ih dôm tơdrong Kră Yang khan boih kơ inh măng âu Sôl tơl: Roi bĕ.