I Pot 14:6 - Sơ̆p Hlabơar Nơ̆r 'Bok Kei-Dei

⁶ Lăp akăn Jêrôbôam truh 'bơ̆t 'măng, na Ahija kơtơ̆ng re jơ̆ng sư nơnăm na khan kơ sư: “Ơ akăn Jêrôbôam mơ̆t bĕ. Yua kơ kiơ ih pơm bơngai nai? Đei nơ̆r tơtă kơ inh athei inh khan tơbăt kơ ih minh tơdrong sơ'ngon tih krưp.

I Pot 14:6 ပူးပေါင်းရင်းမြစ်များ

I Pot 14:2

Na Jêrôbôam khan kơ akăn sư. “Ih pơm thoi bơngai nai, wă kơ đe ưh kơ băt ih akăn inh. Na năm tơ Pơlei Silô, Ahija bơngai khan Lê̆ adrol oei tơ noh, sư đei khan lê̆ adrol gah inh gô pơm pơtao lu kon pơlei pơla 'nâu.

I Pot 14:5

Kră Yang khan kơ Ahija: “To akăn Jêrôbôam năm jet ih gah kon drŏ-nglo sư jĭ, na ih athei khan kơ sư păng tơl sư thoi âu. Mưh sư truh, sư pơm bơngai nai.”

I Pot 14:7

Roi bĕ kơ Jêrôbôam 'nâu Kră Yang 'Bok Kei-Dei Isơrael khan: “Inh pôk atŏk ih đơ̆ng lăm kon pơlei pơla, ăn kơ ih pơm pơtao Isơrael kon pơlei pơla inh.

I Pot 20:42

Bơngai khan lê̆ adrol 'noh khan kơ pơtao Isơrael: “Kiơ̆ thoi nơ̆r Kră Yang khan: ‘Yua kơ ih achăng bơngai mă Inh jao ăn kơ ih wă kơ ih pơlôch sư. Na tơdrong arih ih gô tơplih tơdrong arih sư, păng tơdrong arih lu kon pơlei ih gô tơplih tơdrong arih lu kon pơlei pơla sư.’ ”

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

Jop 5:13

Sư rôp lu bơngai hơgei 'bơ̆r đon huŏng lăm tơdrong kơnê̆ lu sư wă pơm. Sư kư̆m pơtôch lê̆ 'bônh đĕch tơdrong lu bơngai kơnê̆ wă pơm.

Horiso 33:10

Kră Yang pơrăm lê̆ lu dêh char chă đon wă pơm kơnê̆. Tơhiong lê̆ tơdrong kon bơngai pơđâu wă pơm.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Markôs 14:21

Inh Kon Bơngai gô lôch 'blep trŏ thoi đe chih roi lê̆ hơdrol lăm sơ̆p hla bơar 'Bok Kei-Dei. Mă-lei mơnat kơ bơngai mă plơ̆ plĕch Inh noh đĕch pŭ tơdrong pơmat, 'lơ̆ng hloh đe dah lê̆ kơ tơpŭ kơ sư sơ̆.”

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

I Sam 15:16

Samuel khan kơ Sôl: Thôi! Gô Inh roi ăn kơ ih dôm tơdrong Kră Yang khan boih kơ inh măng âu Sôl tơl: Roi bĕ.

I Sam 15:26

Samuel khan hăm Sôl: Inh ưh pă wih tơ jê̆ ih dơ̆ng; yua kơ ih achăng lê̆ nơ̆r Kră Yang, na Kră Yang kư̆m achăng lê̆ ih, ưh kơ pă wă ih pơm pơtao lu bơngai Isơrael dơ̆ng.

I Sam 28:18

Ih ưh kơ chu kiơ̆ nơ̆r kư̆m ưh kơ pơm kiơ̆ phak lu bơngai Amalek kiơ̆ thoi tơdrong Kră Yang; hil mĭl thoi noh năr 'nâu Kră Yang pơm kơ ih thoi âu,