I Pot 14:4 - Sơ̆p Hlabơar Nơ̆r 'Bok Kei-Dei

⁴ Akăn Jêrôbôam pơm kiơ̆ thoi noh. Sư iung, năm truh tơ hnam Ahija Pơlei Silô. Măt Ahija ưh kơ bang yua kơ sư đĭ kră bơih.

I Pot 14:4 ပူးပေါင်းရင်းမြစ်များ

Bl 27:1

Yua kơ Isăk kră boih, măt đĭ pă bang boih, na sư krao Êsâu, kon kơdră sư păng khan thoi âu: Ơ dăm! Êsâu tơl: Đei inh tơ âu.

Bl 48:10

Măt Isơrael ưh kơ bang yua kơ kră, jing pă đei 'bôh kiơ Jôsep năm ba bre kon sư năm jê̆, Jakôp kuăr chŭm.

I Pot 11:29

Kơplah 'noh Jêrôbôam lĕch đơ̆ng pơlei Jêrusalem rok trong, Ahija bơngai khan lê̆ adrol pơlei Silô tơ'bơ̆p sư, Ahija hrŭk minh blah ao tai 'nao, 'bar 'nu măr sư đĕch oei tơ 'noh.

I Pot 14:2

Na Jêrôbôam khan kơ akăn sư. “Ih pơm thoi bơngai nai, wă kơ đe ưh kơ băt ih akăn inh. Na năm tơ Pơlei Silô, Ahija bơngai khan Lê̆ adrol oei tơ noh, sư đei khan lê̆ adrol gah inh gô pơm pơtao lu kon pơlei pơla 'nâu.

Horiso 90:10

Sơnăm lu nhôn arih kư̆m lăp truh tơpơh-jĭt. Dah đei pran 'biơ̆ truh tơ tơhngam-jĭt. Mă-lei tơdrong pơang lu sư, jơ̆ lăp pơmat-tat păng ơh sơ'ngon. Yua kơ tơdrong arih lu nhôn 'bônh kơ tôch, đơ̆ng noh lu nhôn păr hiong.

Bôk Bơthô 12:3

Bơngai gak đĭ tơtơ̆ tơtey lu bơngai pran đĭ gu rŏng, lu bơngai adruh đĭ pơdơh kơ peh yua kơ bơngai tŏ sĕt lu sư tơmang băl trong 'măng-'mŏk gŏk lăng đĭ pă bang.

Both 34:7

Môis lôch, kơplah sư đei minh-hrĕng 'bar-jĭt sơnăm; măt sư oei hơdah 'lơ̆ng, jơhngơ̆m sư oei pran.

Jôsuê 18:1

Đĭ-đăng kon pơlei Isơrael, đei akŭm tơ pơlei Silô, pơm pơdơ̆ng Bơsŭn anih akŭm blŭng-a tơ noh: Lu sư pơgơ̆r jơ̆p teh đak.

I Sam 3:2

Hêli măt ưh pă bang, pă 'bôh nhen, lăm minh măng ei, sư 'bĭch tơ anih sư juăt kơ 'bĭch tep.

I Sam 4:15

Kơplah noh Hêli đĭ tơsĭn-jĭt tơhngam sơnăm bơih. Măt bơbul, ưh pă gơh 'bôh.