I Pot 14:31 - Sơ̆p Hlabơar Nơ̆r 'Bok Kei-Dei

³¹ Rôbôam lôch năm oei hơdai hăm lu 'bok kơdră sư. Đe 'bŭ sư hơdai hăm lu 'bok kơdră sư tơ pơlei Đawit. Mĕ sư anăn Naama, bơngai Ammôn. Abijam kon drŏ-nglo sư pơgơ̆r pơtrơp sư.

I Pot 14:31 ပူးပေါင်းရင်းမြစ်များ

I Pot 11:1

'Nguaih kơ kon hơdruh Pharaôn, pơtao Sôlômôn hưch kơ lơ adruh bơngai tơmoi nai. Noh lu drŏ-kăn bơngai Môap, Ammôn, Eđôm, Siđôn păng Hêlit.

I Pot 11:43

Đơ̆ng noh sư lôch sư năm oei hơdai hăm lu 'bok kơdră sư păng đe 'bŭ sư lăm pơlei Đawit, 'bă sư, Rôbôam kon drŏ-nglo sư pơgơ̆r pơtrơp sư.

I Pot 15:1

Lăm sơnăm mă mơjĭt-tơhngam chăl Jêrôbôam kon drŏ-nglo Nêbat pơgơ̆r, Abijam pơtơm pơm pơtao pơgơ̆r dêh char Juđa.

I Pot 15:24

Asa lôch năm oei hơdai hăm lu 'bok kơdră sư; păng đe 'bŭ sư hơdai hăm lu 'bok kơdră sư tơ pơlei Đawit 'bok sư. Jêhôsaphat kon drŏ-nglo sư pơgơ̆r pơtrơp sư.

I Pot 15:3

Sư năm kiơ̆ đĭ trong tơdrong yoch mă 'bă sư đei pơm bơih adrol kơ sư; lăm jơhngơ̆m sư ưh kơ pơm tơdrong 'lơ̆ng tơpăt 'bơ̆t anăp Kră Yang 'Bok Kei-Dei sư, thoi jơhngơ̆m 'bok kơdră sư pơm.

I Pot 2:10

Klaih kơ noh Đawit lôch, tep hiôk năm oei hơdai hăm lu 'bok yă sư, đe 'bŭ sư tơ pơlei Đawit.

I Pot 22:50

Kơplah noh Ahasia kon drŏ-nglo Ahap khan kơ Jêhôsaphat: “Apinh ih song đĭch đam inh tŏk duk năm hơdai hăm đĭch đam ih,” mă-lei Jêhôsaphat ưh kơ ăn.

I Ho 3:10

Kon drŏ-nglo Sôlômôn noh Rêhôbôam; kon drŏ-nglo Rêhôbôam noh Abija, kon drŏ-nglo Abija noh Asa, kon drŏ-nglo Asa noh Jêhôsaphat,

II Ho 12:16

Rêhôbôam lôch pơdơh hăm lu 'bok yă sư, 'bŭ lăm pơlei Đawit; Abija kon drŏ-nglo sư pơm pơtao pơgơ̆r pơtrơp đơ̆ng sư.

Mathiơ 1:7

Sôlômôn pơjing Rôbôam, Rôbôam pơjing Abijah, Abijah pơjing Asa,

Both 23:3

Bơngai Ammôn kư̆m thoi bơngai Môap kư̆m ưh kơ gơh mơ̆t lăm khŭl kon pơlei Kră Yang, mă khan truh tơ kon sâu mơjĭt jơhnơr kư̆m ưh kơ gơh ôh.