I Pot 14:30 - Sơ̆p Hlabơar Nơ̆r 'Bok Kei-Dei

³⁰ Rôbôam hăm Jêrôbôam bre sư tơblah băl ling-lang ưh kơ pơdơh.

I Pot 14:30 ပူးပေါင်းရင်းမြစ်များ

II Sam 3:1

Đei tơdrong tơblah đunh tơpă khŭl Đawit hăm khŭl Sôl, gah khŭl Đawit rai đunh rai pran, na gah khŭl Sôl rai đunh rai rơdu tơrăn.

I Pot 12:21

Lăp Rôbôam truh tơ pơlei Jêrusalem bơih, sư krao akŭm đĭ-đăng adrĕch Juđa păng adrĕch adrung Bênjamin đei minh-hrĕng tơhngam-jĭt rơbâu 'nu linh tơblah, wă tơblah hăm bơngai Isơrael, wă iŏk tơwih teh đak 'noh ăn kơ Rôbôam, kon drŏ-nglo Sôlômôn.

I Pot 12:24

'Nâu Kră Yang khan: 'Nĕ kơ năm tŏk blah lu bơngai Isơrael 'nhŏng oh iĕm. Rim 'nu athei brŏk bĕ tơ hnam sư kơdih, yua kơ tơdrong 'nâu lĕch đơ̆ng Inh.” Lu sư chu nơ̆r Kră Yang khan, brŏk tơ hnam sư kơdih kiơ̆ thoi nơ̆r Kră Yang bơtho tơ'bôh.

I Pot 14:19

Dôm tơdrong jang nai mă Jêrôbôam đei pơm, tơdrong sư tơblah păng tơdrong sư pơgơ̆r, đei chih bơih lăm sơ̆p hla bơar hơ'mon lu pơtao Isơrael.

I Pot 15:16

Asa pơtao đe Juđa, Baasa pơtao đe Isơrael, bre sư tơblah băl hơnơ̆ng truh đĭ chăl arih bre sư.

II Ho 12:15

Dôm tơdrong jang Rêhôbôam pơm đơ̆ng blŭng-a truh tơ tôch đei chih lăm sơ̆p hla bơar Sêmaia bơngai khan lê̆ adrol păng Iđô bơngai roi lê̆ adrol chih, gah adrĕch 'bok sư Rêhôbôam păng Jêrôbôam tơblah băl hơnơ̆ng đĭ chăl bre sư pơgơ̆r.