I Pot 14:23 - Sơ̆p Hlabơar Nơ̆r 'Bok Kei-Dei

²³ Lu bơngai Juđa kư̆m dai pơm ăn kơ lu sư kơdih hnam kơkuh kơ lu rup yang tơ anih kơjung, pơm gơ̆ng soi păng tơmo, lu gơ̆ng rup yang Asêrim yang drŏ-kăn tơ anih groi kơjung tơ ala rim tơnơm 'long.

I Pot 14:23 ပူးပေါင်းရင်းမြစ်များ

I Pot 12:31

Jêrôbôam kư̆m đei pơm lơ hnam yang tơ kơpal anih kơjung păng sư rơih bơngai đơ̆ng lăm kon pơlei mă ưh kơ khŭl Lêwi, athei lu sư pơm 'bok soi.

I Pot 14:15

Kră Yang gô teh pơrăm lu bơngai Isơrael thoi 'nhĕt trang gơlăr hoch lăm đak, sư gô buch lê̆ đơ̆ng rơh lu bơngai Isơrael đơ̆ng lăm char 'lơ̆ng rŏ, mă Kră Yang ăn kơ 'bok kơdră lu sư păng pơm kơ lu sư tơklah tơklang tơ pah to đak krong Ơphrat, yua kơ lu sư pơm gơ̆ng rup yang Asera wă tơblĕk Kră Yang.

I Pot 15:12

Sư pơpuh tơlĕch lu bơngai drŏ-nglo ngôi kư̆ kă pơm đi đơ̆ng lăm char sư pơgơ̆r păng teh pơchah pơđĭ lu rup yang mă đêl lu 'bok kơdră sư pơm.

I Pot 20:23

Lu đam Siri bơ̆jang kơ pơtao siri khan kơ pơtao sư: “Yang lu sư 'noh yang kông, thoi noh na lu sư pran hloh kơ bơ̆n. Mă-lei tơdah bơ̆n tơblah hăm lu sư tơ lăm thŭng dơnă, lei sĭt bơ̆n pran hloh kơ lu sư.

I Pot 3:2

Lu kon pơlei oei pơyơ̆r tơmam soi tơ anih groi kơjung 'mơ̆i, yua kơ kơplah noh pơtao tam mă pơm hnam akŭm kơkuh kơ anăn Kră Yang.

I Pot 3:3

Sôlômôn 'mêm yom kơ Kră Yang păng yak kiơ̆ dôm lu tơdrong juăt Đawit, 'bă sư, mă-lei sư pơyơ̆r tơmam soi păng soh 'long 'bâu phu tơ anih groi kơjung.

II Pot 10:26

Lu sư yuih lê̆ gơ'bang soi đơ̆ng lăm hnam yang Baal; na soh lê̆.

II Pot 16:4

Sư kư̆m soi sơmah păng soh 'long 'bâu phu tơ lu anih kơkuh kơ yang đe pơm tơ kơpal groi păng ala tơnơm 'long kơdrơ̆ng.

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

II Pot 17:19

Khŭl Juđa kư̆m lei-lăi ưh kơ chu răk dôm nơ̆r Kră Yang 'Bok Kei-Dei lu sư tơtă mơ̆n; na lu sư pơm kiơ̆ tơdrong juăt mă lu bơngai Isơrael chă pơjing kơdih.

II Ho 24:18

Lu sư achăng lê̆ Hnam Kră Yang 'Bok Kei-Dei 'bok lu sư, na kơkuh kơ yang Asêra păng kơkuh kơ lu rup man; đơ̆ng tơdrong yoch 'nâu, na đei Kră Yang 'Bok Kei-Dei hil mĭl kơ lu bơngai Juđa păng kon pơlei Jêrusalem.

II Ho 28:4

Lu sư pơyơ̆r tơmam soi păng soh 'long 'bâu phu tơ lu anih kơjung, tơ kơpal groi păng tơ ala tơnơm 'long đei yơ̆p Să.

Le 34:13

Ih athei pơrăm lê̆ chơnang soi teh pơchah lê̆ gơ̆ng păng kăl tơpăk lê̆ rup yang Asêrim lu sư.

Êsai 57:5

Lu iĕm tơhưch băl 'bơ̆t tơm 'long kôih. Ala kơ yơ̆p hơmŭl 'long hơdrih; pơlôch kon sâu pơm tơmam soi tơ lăm thŭng thong, tơ lăm trôm tơmo tih.

Je 17:2

Kon sâu lu sư kư̆m 'blŏk dơ̆ng kơ chơnang soi păng lu gơ̆ng rup yang Asêra mă đêl lu sư pơm, Tơ yơ̆p 'long hơmŭl. Tơ grôn groi kơjung.

Je 2:20

“Sơ̆ đunh boih iĕm gơ̆ lê̆ 'long ăt păng hrĕch lê̆ tơlei đơ̆ng chô̆ iĕm, Iĕm khan: ‘Nhôn ưh kơ wă chu kiơ̆ Ih.’ Tơpă, tơ rim groi kơjung, tơ ala tơm 'long iĕm drap kơkuh kơ rup yang thoi ngôi pơyô kư̆ kă.

Je 3:13

‘Kư̆ mă ih chu pŭ iŏk tơdrong yoch. Tơdrong mă iĕm blah Kră Yang 'Bok Kei-Dei iĕm; iĕm chă hưch kơ lu yang nai ala tơm 'long hla hơmŭl, păng ưh pă chu yom kơ nơ̆r Inh,’ ” Kră Yang khan.

Êsêkiên 6:13

Đĭ lu iĕm gô băt, Inh boih Kră Yang, kơplah lu bơngai lăm lu iĕm lôch tơ'bĭch 'bơ̆t hơdai rup yang lu iĕm, jum dăr kơ chơnang soi, tơ kơpal kông groi, kơpal kơ̆l kông, ala hơmŭl 'long hơdrih păng lăm rơ̆m 'long kôih, jơ̆p kơ anih mă lu sư pơyơ̆r pơgang 'bâu phu 'bơ̆t anih kơkuh kơ lu rup yang lu sư.

Êsêkiên 6:3

Păng khan: Ơ lu kông Isơrael, mơ̆ng bĕ nơ̆r Kră Yang Tih Hloh 'nâu nơ̆r Kră Yang Tih Hloh khan kơ lu kông, lu groi, lu thong păng lu thŭng dơnă: Âu, Inh gô iŏk đao hơlă blah lu iĕm păng Inh gô pơrăm anih kơjung lu iĕm.

Êsêkiên 6:6

Mă anih ayơ lu iĕm oei, mă pơlei lu iĕm oei kư̆m gô pơrăm, lu anih kơjung lu iĕm juăt kơkuh gô păk. Chơnang soi kư̆m gô pơrăm pă đei, rup yang lu iĕm kư̆m teh pơchah ưh pă đei, gơ̆ng lu iĕm kơkuh kơ rup yang măt 'năr pơchah hơlih, dôm tơdrong jang lu iĕm pơm gô răm đĭ.

Hôsia 10:1

Bơngai Isơrael sơ̆ thoi minh tơnơm hơmu hơdrih 'lơ̆ng, plei sư trem. Lăp plei sư rai trem lơ, lu sư kư̆m pơdơ̆ng chơnang soi rai lơ; kiơ̆ thoi lu sư chăt rai lơ rai mơdrŏng lăm char sư, lu sư pơm rup yang rai lơ thoi noh mơ̆n.

Lêwi 26:1

Lu iĕm 'nĕ kơ man rup yang, dah traih pơm păng 'long dah pơm hăm tơmo, 'nĕ kơ pơdơ̆ng minh pôm tơmo ayơ lăm tơring iĕm đei rup na drap kơkuh 'bơ̆t anăp rup noh, yua kơ Inh boih Kră Yang 'Bok Kei-Dei lu iĕm.

Mi 5:14

Inh gô iung kơting, hil areh păng Inh gô pơm 'mong kơ teh đak mă ưh kơ chu kiơ̆ nơ̆r Inh.

Both 12:2

Pơrăm đĭ lu anih ayơ lu adrĕch adrung, mă lu iĕm gô blah puh lê̆, lu anih kơkuh kơ yang lu sư, tơ kơpal kông kơjung dah tơ kơpal groi dah tơ ala yơ̆p 'long,

Both 16:22

Kŭm ưh kơ gơh pơdơ̆ng pơm minh pôm jrăng tơmo wă kơkuh Kră Yang 'Bok Kei-Dei iĕm areh kơ dôm lu tơmam noh.