I Pot 14:16 - Sơ̆p Hlabơar Nơ̆r 'Bok Kei-Dei

¹⁶ Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

I Pot 14:16 ပူးပေါင်းရင်းမြစ်များ

I Pot 12:30

Tơdrong noh jing tơdrong yoch, lu kon pơlei pơla năm tơ pơlei Đan kơkuh kơ minh pôm rup yang rơmo tơ noh.

I Pot 13:34

Tơdrong 'nâu jing tơdrong yoch kơnê̆ tih kơ adrĕch hnam Jêrôbôam pơm ăn kơ dêh char sư pơchah pơchek păng đe pơlôch đĭ-đăng đơ̆ng kơpal teh đak âu.

I Pot 15:26

Sư pơm tơdrong yoch kơnê̆ 'bơ̆t anăp Kră Yang, năm kiơ̆ trong pơm yoch thoi 'bă sư đei pơm bơih, pơm kơ lu bơngai Isơrael pơm yoch kiơ̆.

I Pot 15:30

Tơdrong noh yua kơ đơ̆ng tơdrong yoch Jêrôbôam pơm kơ lu bơngai Isơrael dai pơm yoch păng pơm tơblĕk Kră Yang 'Bok Kei-Dei đe Isơrael.

I Pot 15:34

Sư pơm tơdrong yoch kơnê̆ 'bơ̆t anăp Kră Yang, sư năm kiơ̆ trong Jêrôbôam păng tơdrong yoch sư, sư kư̆m pơm ăn kơ bơngai Isơrael dai wang pơm yoch kiơ̆.

I Pot 16:13

yua kơ tơdrong yoch Baasa păng Êlah kon drŏ-nglo sư đei pơm, păng tơdrong sư pơm ăn kơ lu bơngai Isơrael dai wang pơm yoch rok sư, tơblĕk Kră Yang 'Bok Kei-Dei Isơrael hăm tơdrong lu sư pơm kơkuh kơ rup yang.

I Pot 16:19

'Noh yua kơ đơ̆ng tơdrong yoch sư pơm, pơm tơdrong kơnê̆ 'bơ̆t anăp Kră Yang, rok kiơ̆ trong Jêrôbôam, kơdih akâu sư pơm yoch păng pơm ăn kơ Isơrael jing yoch kiơ̆.

I Pot 16:2

Inh tơiung atŏk ih đơ̆ng 'mui teh ăn kơ ih pơm pơtao lu kon pơlei pơla Isơrael Inh. Mă-lei ih năm kiơ̆ trong Jêrôbôam păng pơm kơ lu bơngai Isơrael kon pơlei pơla Inh pơm yoch, pơm tơblĕk Inh hăm tơdrong yoch lu sư.

I Pot 16:27

Tơdrong jang nai mă Ômri pơm, păng tơdrong sư gơh pơgơ̆r, đe đei chih bơih lăm sơ̆p hla bơar hơ'mon lu pơtao đe Isơrael.

I Pot 21:22

Inh gô ăn kơ adrĕch hnam ih đei tơdrong răm truh thoi adrĕch hnam Jêrôbôam, kon drŏ-nglo Nêbat păng thoi adrĕch hnam Baasa kon drŏ-nglo Ahija.’ Yua kơ ih pơm tơblĕk wă kơ inh hil păng pơhlŭ bơngai Isơrael pơm yoch.

I Pot 22:53

Sư pơm lơ tơdrong yoch kơnê̆ 'bơ̆t anăp Kră Yang, kiơ̆ trong 'bă sư păng mĕ sư păng kiơ̆ trong Jêrôbôam kon drŏ-nglo Nêbat, bơngai mă pơhlŭ lu bơngai Isơrael pơm yoch.

II Pot 10:31

Mă-lei Jêhu ưh kơchăng đĭ jơhngơ̆m pơm kiơ̆ tơdrong juăt Kră Yang 'Bok Kei-Dei Isơrael, sư ưh kơ weh achăng lê̆ đơ̆ng tơdrong yoch Jêrôbôam, bơngai mă pơhlŭ lu bơngai Isơrael pơm yoch.

II Pot 13:2

Sư pơm tơdrong kơnê̆ 'bơ̆t anăp Kră Yang; sư pơm rok tơdrong yoch Jêrôbôam, kon drŏ-nglo Nêbat, noh tơdrong mă pơm kơ Isơrael pơm yoch; sư ưh kơ achăng lê̆ ôh tơdrong yoch noh.

II Pot 13:6

Mă-lei, lu sư kuă kơ achăng lê̆ ôh tơdrong yoch Jêrôbôam, tơdrong mă pơtao noh hlôi pơm bơih kơ đe Isơrael pơm yoch; lu sư oei hơnơ̆ng kơ pơm yoch đĕch; dĭng mah rup man yang Asêra oei pơdơ̆ng lê̆ dơ'nhơ̆ng lăm pơlei Samari.

II Pot 14:24

Sư pơm kơnê̆ 'bơ̆t anăp Kră Yang, sư ưh kơ achăng lê̆ ôh tơdrong yoch Jêrôbôam kon drŏ-nglo Nêbat pơm kơ Isơrael pơm yoch.

II Pot 15:18

Sư pơm kơnê̆ 'bơ̆t anăp Kră Yang; đĭ chăl arih sư, ưh kơ achăng lê̆ dôm lu tơdrong yoch Jêrôbôam, kon drŏ-nglo Nêbat noh jơ̆ tơdrong yoch mă pơm kơ lu bơngai Isơrael pơm yoch.

II Pot 15:9

Sư pơm kơnê̆ 'bơ̆t anăp Kră Yang thoi lu 'bok kơdră sư hlôi pơm sơ̆ mơ̆n sư ưh kơ achăng lê̆ ôh tơdrong yoch Jêrôbôam, kon drŏ-nglo Nêbat noh jơ̆ tơdrong yoch pơm kơ lu bơngai Isơrael pơm yoch.

II Pot 17:21

Kơplah Kră Yang tơklah lê̆ lu bơngai Isơrael đơ̆ng adrĕch Đawit, lu sư pôk Jêrôbôam, kon drŏ-nglo Nêbat pơm pơtao; sư pơhlŭ đe Isơrael tơklah đơ̆ng Kră Yang, pơm kơ lu sư pơm yoch tih.

II Pot 17:23

dĭng mah Kră Yang puh tơweh lê̆ lu sư đơ̆ng anăp Kră Yang thoi Sư hlôi yua 'bơ̆r lu đĭch đam Sư bơngai khan lê̆ adrol đei khan lê̆ bơih. Thoi noh na lu đe Isơrael, Kră Yang puh tơweh lu sư đơ̆ng dêh sư kơdih, phak lu sư tơ dêh Asiri dĭng truh tơ dang ei.

II Pot 21:16

Hloh kơ noh dơ̆ng, Manase kư̆m pơlôch lơ bơngai ưh kơ đei yoch dĭng mah pham 'bĕnh-'bang kơ pơlei Jêrusalem, đơ̆ng pah âu truh tơ pah to, 'nguaih kơ tơdrong pơm kơ lu bơngai Juđa pơm yoch păng pơm kơnê̆ 'bơ̆t anăp Kră Yang hai dơ̆ng.

II Pot 23:15

Sư kư̆m teh pơchah lê̆ chơnang soi tơ Pơlei Bethel păng hnam kơkuh kơ yang mă Jêrôbôam, kon drŏ-nglo Nêbat hlôi pơm, bơngai noh pơm kơ lu bơngai Isơrael pơm yoch; sư teh pơchah lê̆ chơnang soi, soh rŭk lê̆ Hnam kơkuh kơ yang tơ anih kơjung, teh pơhĕch lê̆ dĭng kơ'mey. Sư kư̆m soh lê̆ rup yang yă Asêra.

II Pot 3:3

Mă khan lei ră, sư kư̆m hưch hanh kiơ̆ tơdrong yoch Jêrôbôam, kon drŏ-nglo Nêbat, noh jơ̆ yoch mă hlôi pơm ăn kơ lu bơngai Isơrael pơm yoch. Sư ưh kơ chu achăng lê̆.

II Ho 28:19

Yua kơ đơ̆ng Ahas, pơtao đe Isơrael,a na Kră Yang tơhuŏng lu bơngai Juđa, yua kơ Ahas pơm kơnê̆ lăm Juđa, ưh kơ chu Kră Yang.

Horiso 81:12

Thoi noh, Inh achăng lê̆ lu sư pơm kiơ̆ kơ jơhngơ̆m arăng kơ chu lu sư. Kiơ̆ kơ tơdrong lu sư chă đon kơdih.

Le 32:21

Môis khan kơ Arôn: Kon pơlei đei pơm kiơ kơ ih na dĭng ih mah pơm ăn kơ kon pơlei pơla pơm yoch tih krưp thoi noh.

Le 32:25

Môis 'bôh kon pơlei pơla đei tơdrong rơngei pơm kư̆ kă mơ̆ng kơ lu sư wă, ưh kơ đei bơngai wei-lăng lu sư, yua kơ Arôn lê̆ lu sư rơngei dĭng mah đei tơdrong lu ayăt pơjăm lu sư.

Le 32:35

Kră Yang phak kon pơlei pơla hăm tơdrong jĭ apoh, yua kơ lu sư yoch pơm rup kon rơmo maih mă Arôn tuh hling.

Êsai 40:24

Lu sư thoi 'nao pơtăm, 'nao rei, 'long 'nao chăt rơh lăm teh, Kră Yang tơthu na sư jô kro; kial phŭt huơ̆r bơbơ̆t đĭ lu sư thoi hơkam 'ba.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Mi 6:16

Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.

Mathiơ 18:7

Tơpă yơh bơ̆n gô đei tơdrong đe pơhlŭ bơ̆n pơm yoch, mă-lei lu bơngai pơhlŭ bơ̆n noh, ning-mônh 'Bok Kei-Dei gô phak pơmat lu sư kal dêh.

Rom 14:13

Bơ̆n băt tơdrong noh thoi noh boih, na bơ̆n 'nĕ pă chă sek tơlang dih băl khan bơngai yoch bơngai ưh, bơ̆n 'nĕ kơ pơm kơ sư hơwơ̆l hli kơ sư jing yoch.

Both 32:30

Tơdah Kră Yang Tơmo Tih ưh kơ đei tĕch lu sư, kư̆m ưh kơ jao lu sư kơ lu bơngai ayăt, pơm liơ lăp minh 'nu đĕch gơh druh puh lê̆ minh-rơbâu 'Bar 'nu gơh druh mơjĭt-rơbâu 'nu kơdâu?