I Pot 14:15 - Sơ̆p Hlabơar Nơ̆r 'Bok Kei-Dei

¹⁵ Kră Yang gô teh pơrăm lu bơngai Isơrael thoi 'nhĕt trang gơlăr hoch lăm đak, sư gô buch lê̆ đơ̆ng rơh lu bơngai Isơrael đơ̆ng lăm char 'lơ̆ng rŏ, mă Kră Yang ăn kơ 'bok kơdră lu sư păng pơm kơ lu sư tơklah tơklang tơ pah to đak krong Ơphrat, yua kơ lu sư pơm gơ̆ng rup yang Asera wă tơblĕk Kră Yang.

I Pot 14:15 ပူးပေါင်းရင်းမြစ်များ

I Pot 14:9

Ih pơm kơnê̆ dêh hloh kơ đĭ-đăng lu bơngai adrol kơ ih, pơm kơdih yang plơ̆ng man lu rup yang, wă kơ Inh hil păng hŭt lê̆ Inh tơ rŏng.

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

II Pot 17:11

Tơ noh lu sư soh pơyơ̆r tơmam soi kơpal kông, thoi lu adrĕch adrung mă Kră Yang đei puh tơweh boih đơ̆ng lu sư; lu sư pơm kơnê̆ păng tơblĕk Kră Yang.

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

II Pot 17:17

Lu sư 'buh kon drŏ-nglo kon drŏ-kăn lu sư lăm ŭnh pơm tơmam soi sơmah kơ yang, lui kiơ̆ kơ pơjâu tơwir păng pơjâu lăng ti lu sư tĕch akâu lu sư kơdih pơm kơnê̆ 'bơ̆t anăp Kră Yang, wă tơblĕk Kră Yang.

II Pot 17:23

dĭng mah Kră Yang puh tơweh lê̆ lu sư đơ̆ng anăp Kră Yang thoi Sư hlôi yua 'bơ̆r lu đĭch đam Sư bơngai khan lê̆ adrol đei khan lê̆ bơih. Thoi noh na lu đe Isơrael, Kră Yang puh tơweh lu sư đơ̆ng dêh sư kơdih, phak lu sư tơ dêh Asiri dĭng truh tơ dang ei.

II Ho 7:20

lei Inh gô buch hŭt lê̆ lu iĕm đơ̆ng lăm teh đak mă Inh đei ăn kơ lu iĕm; Inh gô achăng lê̆ hnam akŭm âu đơ̆ng anăp Inh, hnam mă Inh 'măn lê̆ 'lơ̆ng rơgoh kơ Anăn Inh boih, Inh gô ăn kơ sư jing nơ̆r đe pơđơ̆k pơjăm pơjuă lăm kon pơlei nai.

Horiso 52:5

Kră Yang 'Bok Kei-Dei gô pơrăm ih hlŏng hloi, Sư gô rôp ih, dui tơlĕch đơ̆ng anih ih. Păng buch lê̆b ih đơ̆ng teh lu bơngai arih. Sêla

Tơdrông Pơđơk 2:22

Mă-lei lu bơngai kơnê̆ đe pơlôch lê̆ đơ̆ng teh đak, Păng lu bơngai hơlĕnh pơdăr gô buch lê̆ đơ̆ng teh noh.

Je 24:10

Inh gô ăn kơ lu sư lôch kơ đao gưm, lôch kơ pơngot rơwĕt, lôch hơbuh, pơrăm pơlôch pơgoh lu sư đơ̆ng lăm teh mă Inh đei ăn kơ lu sư păng lu 'bok yă lu sư sơ̆.”

Je 28:8

Lu 'bok khan lê̆ adrol, adrol kơ ih hăm adrol kơ inh, đơ̆ng sơ̆ lu sư khan lê̆ adrol boih kơ tơdrong tơblah wang, tơdrong pơrăm, jĭ lôch hơbuh, pơngot rơwĕt, truh tơ lơ dêh char păng tơ lăm dêh char tih.

Lêwi 26:43

Yua kơ char lu sư hlôi achăng lê̆ bri juơ, gô đei dôm sơnăm Sa'bat, kiơ̆ kơ lu sư đei achăng lê̆ dôm yơ noh; lu sư gô chu iŏk tơdrong bơtho pơjĭ yua kơ tơdrong yoch lu sư kơdih, yua kơ lu sư sơngah ưh kơ kiơ̆ nơ̆r Inh tơtă păng areh kơ tơdrong juăt Inh.

Am 2:9

Mă-lei ră, inh pơrăm boih bơngai Amôrit 'bơ̆t anăp lu sư, khŭl bơngai mă tih kơjung dang 'long Sêđar păng pran thoi tơm 'long kôih. Inh pơrăm boih lu plei sư kơpal păng rơh lu sư tơ ala sŭng.

Am 5:27

Yua kơ thoi noh, gô rôp ba lu iĕm jing pơm đĭch tơ pah to pơlei Đamas, Kră Yang khan thoi noh, anăn sư Kră Yang 'Bok Kei-Dei Tih hloh.

Jêphania 2:4

Sĭt tơpă Gasa gô lê̆ bri, Askalon gô juơ rơhiăng; đe gô pơpuh kon pơlei Asdôt kơplah 'năr dơ̆ng păng Ekrôn đe gô buch lê̆.

Mathiơ 11:7

Lăp lu bơngai pơhrăm păng Yôhan wih boih, na Yêsu pơma kơ lu bơngai tơpôl mă oei kiơ̆ ei: “Iĕm năm tơ Yôhan tơ char glă sơ̆ iĕm chă kiơ? Ưh kơ sĭ iĕm năm chă bơngai ngĭl ngŭl tơchĕng đon 'bar pah thoi lĕ hla kial thu wơ̆t lăk ôh.

Mathiơ 15:13

Na Yêsu pơma pơjuang kơ lu bơngai ei thoi âu: “'Long kiơ 'Bă Inh tơ plĕnh ti ưh kơ đei pơtăm, 'long noh Sư buch tŭk pơđĭ.

Luka 7:24

Lăp lu bơngai pơhrăm păng Yôhan wih boih, na Yêsu pơma kơ tơpôl đe ei gah tơdrong Yôhan: “Iĕm năm tơ Yôhan tơ char glă sơ̆, iĕm chă kiơ? Ưh kơ sĭ iĕm năm chă bơngai ngĭl ngŭl tơchĕng đon 'bar pah thoi lĕ hla kial thu wơ̆t lăk ôh.

Jang 7:43

Iĕm tung ba hnam yang Malŏk noh, păng rup sơnglŏng yang Rapan; dôm lu rup âu iĕm pơm kơdih wă kơkuh kơ sư đĕch, na Inh gô pơpuh lê̆ iĕm jăk oei tơ pah to Pơlei Babilôn.’

Both 28:36

Kră Yang gô puh iĕm păng pơtao mă iĕm rơih pôk kơdih, truh tơ minh adrĕch adrung mă iĕm hăm 'bok iĕm tam lah băt. Tơ noh iĕm gô kơkuh kơ lu yang nai, pơm păng 'long dah păng tơmo.

I Sam 12:25

Mă-lei tơdah lu iĕm hrăn oei pơm kơnê̆ ling-lang, lei lu iĕm păng pơtao lu iĕm tơpă gô hiong răm.