I Pot 14:13 - Sơ̆p Hlabơar Nơ̆r 'Bok Kei-Dei

¹³ Đĭ-đăng lu kon pơlei Isơrael gô nhơ̆m hmoi păng 'bŭ sư; lăm hnam dơnŏ Jêrôbôam lăp minh 'nu đĕch 'bŭ lăm bơsat, yua kơ lăm hnam Jêrôbôam lăp minh 'nu sư đĕch đei jơhngơ̆m 'lơ̆ng 'biơ̆ hăm Kră Yang 'Bok Kei-Dei Isơrael.

I Pot 14:13 ပူးပေါင်းရင်းမြစ်များ

I Pot 14:18

Đe 'bŭ sư, đĭ-đăng Isơrael nhơ̆m hmoi kơ sư, 'blep thoi nơ̆r Kră Yang yua 'bơ̆r Ahija 'bok khan lê̆ adrol đei khan bơih noh.

II Ho 12:12

Đơ̆ng pơtao băt tơjur akâu tơbral, na Kră Yang, ưh pă hil ưh kơ đei pơrăm đĭ; tơpă kư̆m đei tơdrong 'lơ̆ng mơ̆n lăm char Juđa.

II Ho 19:3

Mă-lei lăm ih kư̆m đei tơdrong 'lơ̆ng, ih đei pơrăm lê̆ boih lu gơ̆ng rup yang Asêra đơ̆ng lăm char ih păng ih kư̆m đei pơkă wă chă Kră Yang 'Bok Kei-Dei!”

Jop 19:28

Kơplah lu iĕm chă đon khan: “Bơ̆n wă pơm kơnê̆ kơ sư liơ 'nâu?” Păng khan, tơm tơdrong pơmat 'nâu lĕch đơ̆ng sư đĕch.

Je 22:10

'Nĕ hmoi kơ pơtao lôch păng kư̆m 'nĕ pă nhơ̆m hmach kơ sư, jah nhơ̆m hmoi bĕ kơ pơtao mă đe rôp pơm bơnă đơ̆ng iĕm, yua kơ sư ưh pă wih brŏk tơ iĕm dơ̆ng. Ưh pă wă 'bôh dêh char sư âu dơ̆ng.

Je 22:18

Thoi noh, 'nâu Kră Yang khan gah Jêhôiakim, kon drŏ-nglo Jôsia pơtao đe Juđa: Ưh kơ đei bu nhơ̆m hmoi kơ sư khan: Hô̆ lah 'nhŏng inh! Hô̆ lah mŏ inh! Ưh kơ đei bu nhơ̆m hmoi kơ sư khan: Hô̆ lah yŏng inh kah, hô̆ lah pơtao 'lơ̆ng rŏ inh kah!

Jo 20:29

Đĭ-đăng kon pơlei Isơrael akŭm 'bôh Arôn kơtĕch jơhngơ̆m boih, na nhơ̆m hmoi grong pơdong sư lăm pêng-jĭt năr.

Phil 1:6

Inh kư̆m ling-lang krao khan kơ 'Bok Kei-Dei ăn kơ ih đei đon gơh mơnat kơ đe tơdŏng đe wă kơ đe 'bôh dôm tơdrong Yêsu Krist ăn kơ ih băt mơnat kơ đe. Thoi noh na đe băt kơ ih lui kơjăp tơpă.