I Pot 14:10 - Sơ̆p Hlabơar Nơ̆r 'Bok Kei-Dei

¹⁰ Yua kơ tơdrong 'noh na Inh gô ăn tơdrong truh pơmat kơ hnam adrĕch Jêrôbôam, Inh gô pơlôch đĭ lu bơngai drŏ-nglo, mă bơngai rơngei dah đĭch lăm khŭl Isơrael, Inh gô soh hơpuih pơgoh hnam adrĕch Jêrôbôam, thoi đe soh tơmam 'mê̆ dĭng mă goh.

I Pot 14:10 ပူးပေါင်းရင်းမြစ်များ

I Pot 13:34

Tơdrong 'nâu jing tơdrong yoch kơnê̆ tih kơ adrĕch hnam Jêrôbôam pơm ăn kơ dêh char sư pơchah pơchek păng đe pơlôch đĭ-đăng đơ̆ng kơpal teh đak âu.

I Pot 16:11

Lăp Simri tŏk pơm pơtao, sư pơlôch pơđĭ bơngai lăm hnam Baasa ưh kơ lê̆ minh 'nu drŏ-nglo ayơ, mă khan lăm adrĕch adrung dah buăl juăt.

I Pot 16:3

Yua kơ thoi noh na Inh gô pơlôch pơgoh lê̆ Baasa, păng đĭ hnam dơnŏ adrĕch sư, Inh gô pơm kơ hnam sư răm đĭ, thoi hnam Jêrôbôam kon drŏ-nglo Nêbat.

I Pot 21:21

‘Inh gô ăn tơdrong gleh truh kơ ih. Inh gô tơhiong pơtôch lê̆ ih, păng pơrăm pơđĭ hnam Ahap truh tơ đĭ-đăng đĭch dah bơngai rơngei lăm dêh char Isơrael;

II Pot 14:26

Yua kơ Kră Yang 'bôh bơih lu bơngai Isơrael đei tơdrong pơmat-tat ơh sơ'ngon dêh, lăm Isơrael mă bơngai rơngei, dah đĭch pă đei bu dŏng tơgŭm.

II Pot 21:13

Inh gô iŏk tơlei đơ̆ng pơtŏ dêh Samari păng tơlei đơ̆ng pơtŏ adrĕch Ahap, dăng lăm pơlei Jêrusalem dơ̆ng, inh gô sŭt pơgoh lê̆ pơlei Jêrusalem thoi đe ôp sŭt pơnhan, đơ̆ng noh gơsŭp lê̆ sư.

II Pot 9:37

Păng atâu sư noh gô hĕch hoch nhen mơ̆r 'bơ̆t teh, tơ lăm mir chŭn Pơlei Jêsreel, dĭng đe mă pă gơh khan: “'Nâu bơih Jêsebel.”

Jop 20:7

Sư gô hiong hach ling-lang thoi ĭch sư kơdih. Lu bơngai mă juăt kơ 'bôh sư jet; “sư tơ yơ bơih?”

Horiso 83:10

Đe pơlôch lu sư tơ Endôr, jing pơm mơ̆r kơ teh.

Êsai 14:19

Mă-lei đe klơ̆m lê̆ ih tơ 'nguaih kơ bơsat ih, thoi dơng 'long bŭk đơ̆ng đe chre tŭk lê̆ đơ̆ng tơm, akâu ih klơ̆p 'bĕnh kơ bơngai lôch, đe 'bet hăm đao gưm đe tơlơ̆ lăm sơlŭng tơmo jrŭ, thoi akâu bơngai lôch đe juă gơhlơ̆r tơ ala jơ̆ng!

Êsai 14:23

“Inh gô pơm kơ teh đak lu sư jing anih lu jơma oei, jing đak dơnâu 'nhĕt, Inh gô pơlôch pơrăm păng hơpuih pơgoh lê̆ sư.” Kră Yang Tih Hloh khan thoi noh.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Je 32:18

Ih tơ'bôh boih tơdrong Ih 'mêm rơbâu rơngan jơhnơr, mă-lei gô phak tơpŭ tơdrong yoch đơ̆ng 'bă kơ lu kon sâu sư đơ̆ng rŏng. Ih boih Kră Yang, 'Bok Kei-Dei, Tơ'ngla mơsêh mơyang tih, anăn Ih Kră Yang Tih Hloh.

Je 8:2

Đe gô sơ̆k kơting noh tơ tŏ măt 'năr măt khei păng lu sơnglŏng đơ̆ng plĕnh ti, noh tơmam mă lu sư 'mêm kơeng, chơchă kơkuh awih awăn, kiơ̆. Lu kơting noh đe ưh pă đei dônh pơpôi, ưh pă 'bŭ dơ̆ng; gô jing thoi mơ̆r kơpal teh.

Êsêkiên 26:4

Lu sư gô pơrăm dur pơlei Tirơ păng teh pơchah lê̆ hnam gak kơjung. Inh gô hơpuih kôch pơgoh lu teh đơ̆ng lăm pơlei, lê̆ sư jing kông tơmo.

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Jêphania 1:17

Inh gô ba tơdrong gleh truh kơ kon bơngai. Lu sư gô yak nơnăm thoi lu bơngai măt tol, yua kơ lu sư đei pơm yoch hăm Kră Yang; đe gô 'bet lu sư. Pham lu sư lĕch thoi 'mui teh păng sĕch lu sư thoi 'mê̆ mơ̆r.

Malachi 2:3

Tơpă, Inh gô chrih kơ adrĕch lu iĕm rei, kon sâu iĕm păng Inh gô săi 'mê̆ tơ muh măt lu iĕm, wă khan 'mê̆ đơ̆ng ĭch đơ̆ng sem dơrong lu iĕm pơyơ̆r; na Inh gô puh tơweh lu iĕm đơ̆ng anăp Inh.

Both 32:36

Trŏ boih Kră Yang gô sek tơlang kơ kon pơlei Sư. 'Mêm mơnat kơ đĭch đam Sư. Kơplah Kră Yang 'bôh jơhngơ̆m lu sư gleh lap đĭ boih, ưh pă đei bu oei đĭch dah yŏng tơ'ngla lu sư.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.

I Sam 25:22

Hơpơi kơ Kră Yang 'Bok Kei-Dei phak inh thoi âu dah mă trăp hloh! Tơdah truh tơ dơning inh oei lê̆ minh 'nu bơngai drŏ-nglo ayơ oei arih lăm hnam dơnŏ sư.

I Sam 25:34

Tơpă Kră Yang 'Bok Kei-Dei mă arih ling-lang lu bơngai Isơrael, jơ̆ Kră Yang găn inh ưh ăn kơ inh pơrăm ih, tơdah ih ưh kơ hăt hot tơ'bơ̆p inh, na truh pơgê dơning ưh kơ đei minh 'nu bơngai drŏ-nglo ayơ mă oei arih lăm hnam Nabal.