I Pot 13:9 - Sơ̆p Hlabơar Nơ̆r 'Bok Kei-Dei

⁹ Yua kơ Kră Yang khan kơ inh: ‘Ih 'nĕ kơ sŏng sa dah nhă đak păng ih kư̆m 'nĕ kơ brŏk rok trong đêl ih năm.’ ”

I Pot 13:9 ပူးပေါင်းရင်းမြစ်များ

I Pot 13:1

Đơ̆ng Nơ̆r Kră Yang wơh na minh 'nu bơngai mă jang kơ Kră Yang 'Bok Kei-Dei lĕch đơ̆ng char Juđa năm tơ pơlei Bethel, kơplah Jêrôbôam oei dơ̆ng 'bơ̆t chơnang soi wă soh pơgang 'bâu phu.

I Pot 13:10

Thoi noh, sư wih brŏk trong nai, sư ưh pă năm rok trong đêl, sư năm tơ pơlei Bethel.

I Pot 13:16

Mă-lei bơngai 'noh tơl sư: “Inh ưh kơ gơh brŏk hơdai ih. Kŭm ưh kơ gơh sŏng sa dah nhă đak hơdai hăm ih tơ anih 'nâu mơ̆n.

I Pot 13:19

Thoi ei bơngai mă Kră Yang 'Bok Kei-Dei yua ei chu kiơ̆, sŏng sa nhă đak tơ hnam sư.

I Pot 13:8

Mă-lei bơngai mă Kră Yang 'Bok Kei-Dei yua ei tơl pơtao khan: “Mă ih ăn kơ inh minh puăt dêh char ih, inh kư̆m ưh kơ năm hơdai ih păng inh kư̆m ưh kơ sŏng sa dah nhă đak tơ âu.

Jop 23:12

Inh ưh kơ tơklah kơ nơ̆r tơtă đơ̆ng 'bơ̆r Sư. Inh răk lăm jơhngơ̆m inh nơ̆r đơ̆ng 'bơ̆r Kră Yang hloh kơ tơmam sŏng sa.a

Horiso 141:4

Apinh 'nĕ ăn kơ jơhngơ̆m inh wă kơ tơdrong kơnê̆. Păng pơm tơdrong kơnê̆ hơdai hăm lu bơngai kơnê̆. 'Nĕ ăn kơ inh et sa tơmam 'lơ̆ng đơ̆ng lu sư.

Jo 16:26

Sư khan kơ tơpôl kon pơlei akŭm thoi âu: Dang ei athei weh bĕ ataih đơ̆ng anih bơsŭn lu bơngai pơm kơnê̆ âu păng kư̆m 'nĕ kơ hơtŭt 'bơm tơmam kiơ lu sư, kơnh hli kơ iĕm lôch yua kơ tơdrong yoch lu sư.

Yo 13:17

Na dang ei iĕm băt boih tơdrong 'noh, yua kơ Inh bơtho. Dah iĕm răk tơdrong 'noh lei iĕm gô hiôk chơt tơduă iĕm tơpă.

Yo 15:14

Dah iĕm răk dôm tơdrong Inh pơkă lei iĕm buăl juăt Inh tơpă.

Rom 16:17

Ơ 'nhŏng oh, iĕm athei kơchăng hli kơ iĕm lui jrok kiơ̆ lu bơngai lui ưh kơ tat, hli kơ iĕm achăng lê̆ tơdrong lui tơpăt mă đe juăt kơ bơtho; na iĕm athei weh 'biơ̆ đơ̆ng lu sư. Lu sư wă pơrăm lu bơngai lui bơ̆n, chă pơjah pơjăng păng bơ̆n.

I Kor 5:11

Kơthơ inh chih kơ iĕm ki, inh khă kuă ăn iĕm tơbôl păng bơngai mă lui ră, mă sư ưh kơ kiơ̆ tơdrong lui tơpă. Sư oei pơm pơyô kư̆ kă, sư oei 'nhĕng kơ mŭk tơmam đe, sư kơkuh kơ rup yang, sư oei hiĕk achơ̆ kơ đe ling-lang, sư oei et sik suai, sư oei tơtông mŭk tơmam đe; dôm lu bơngai thoi noh inh kuă ăn iĕm tơbôl păng kuă ăn sŏng sa hơdai.

Êphêsô 5:11

Iĕm 'nĕ pă kiơ̆ tơdrong măng mu, tơdrong noh tơdrong ưh kơ yua kơ bơ̆n. Bơ̆n athei tơbăt kơ đe tơdrong yoch noh mơ̆n.

Tơdrông Tơ'bôh 18:4

Đơ̆ng noh inh kơtơ̆ng 'bơ̆r nai sư kư̆m pơma đơ̆ng plĕnh thoi âu: “Ơ lu kon Inh, iĕm jah lĕch jăk tơ nai hli kơ iĕm hơdai yoch thoi sư, kơnh pŭ tơdrong gleh pơmat thoi sư noh.

I Sam 15:22

Samuel khan: Kră Yang lăp đon kơ pơyơ̆r tơmam soi 'buh noh hloh kơ chu yom kơ nơ̆r Sư dah ưh? Chu yom kiơ̆ nơ̆r 'lơ̆ng hloh kơ tơmam soi, mơ̆ng pơm kiơ̆ 'lơ̆ng hloh kơ rơmă triu tơno.