I Pot 13:5 - Sơ̆p Hlabơar Nơ̆r 'Bok Kei-Dei

⁵ Chơnang soi pơchah hloi păng tơnuh tơsĭ tơ teh, 'blep thoi tơdrong đei tơ'bôh hlĭch đơ̆ng bơngai mă Kră Yang 'Bok Kei-Dei yua ei chu nơ̆r Kră Yang bơtho khan.

I Pot 13:5 ပူးပေါင်းရင်းမြစ်များ

I Pot 13:3

Lăm năr noh, 'bok khan lê̆ adrol tơ'bôh minh tơdrong hlĭch, khan: “'Nâu tơdrong tơ'bôh hlĭch mă Kră Yang đei khan bơih: Chơnang soi gô pơchah tơnuh gô tơsĭ huŏng đĭ tơ teh.”

I Pot 13:4

Kơplah pơtao Jêrôbôam kơtơ̆ng bơngai đơ̆ng Kră Yang 'Bok Kei-Dei pơma ôr blah hăm chơnang soi tơ pơlei Bethel, na pơtao Jêrôbôam chro đơ̆ng chơnang soi yơ̆r ti păng khan: “Rôp sư bĕ!” Ti đêl sư chro tơhlâu tơ bơngai mă Kră Yang 'Bok Kei-Dei yua 'noh Kră Yang pơm kơ ti sư arăng kro hloi, ưh pă gơh kơchôt dơ̆ng.

I Pot 13:6

Pơtao khan kơ bơngai đơ̆ng Kră Yang 'Bok Kei-Dei yua: “Apinh ih krao khan bĕ apinh Kră Yang 'Bok Kei-Dei ih, apinh ih krao khan tơgŭm inh, wă kơ ti inh gơh klaih thoi so.” Bơngai mă Kră Yang 'Bok Kei-Dei yua ei krao khan apinh Kră Yang na ti pơtao klaih gơh kơchôt thoi so hloi.

I Pot 17:16

Tơpŭng ưh kơ đĭ đơ̆ng lăm ge, đak rơmă ôliwơ kư̆m ưh kơ đĭ đơ̆ng lăm get, trŏ thoi nơ̆r Kră Yang đei yua Êli bơtho akhan.

I Pot 22:28

Mikai tơl: “Tơdah ih brŏk hiôk-hian lei Kră Yang ưh kơ yua nơ̆r inh pơma ôh.” Sư khan dơ̆ng: “Ơ rim 'nu kon pơlei pơla, iĕm athei 'blŏk nơ̆r inh pơma.”

I Pot 22:35

Lăm năr 'noh đei tơdrong tơblah rai tih; na đei bơngai bơring pơdơ̆ng pơtao lăm gre aseh sư, blah lu kon pơlei Aram. Truh kơsơ̆ sư lôch, pham lĕch 'bĕnh đơ̆ng rơka sư 'bĕnh kơ hơnă gre aseh.

Am 3:14

Lăm năr mă inh wă phak Isơrael yua kơ tơdrong yoch lu sư; Inh gô pơrăm lu chơnang soi tơ pơlei Bethel, dôm lu hơke chơnang soi inh gô chơ̆ng tơhuŏng lê̆ tơ teh.

Markôs 16:20

Klaih kơ noh lu bơngai pơhrăm păng Sư năm chă bơtho jơ̆p-jang. Kră Yang Yêsu kư̆m tơgŭm lu sư jang gơh pơm tôm tơdrong mơsêh wă kơ đe băt kơ lu sư bơtho tơdrong 'Bok Kei-Dei tơpă.

Both 18:22

Tơdah bơngai khan lê̆ adrol yua anăn Kră Yang na pơma, nơ̆r pơma bơngai noh ưh kơ đei truh păng ưh kơ đei pơsĭt 'blep trŏ, noh ưh kơ nơ̆r Kră Yang mă bơtho khan, bơngai khan lê̆ adrol pơma lĕch đơ̆ng tơdrong sư pơang. 'Nĕ hli kơ sư ôh.