I Pot 13:32 - Sơ̆p Hlabơar Nơ̆r 'Bok Kei-Dei

³² Yua kơ dôm nơ̆r sư pơma chu nơ̆r Kră Yang pơma blah chơnang soi lăm Pơlei Bethel păng lu hnam pơm yang tơ kơjung lăm dêh Samari, gô 'blep trŏ tơpă.

I Pot 13:32 ပူးပေါင်းရင်းမြစ်များ

I Pot 12:29

Sư dan minh pôm rup yang lăm pơlei Bethel, minh pôm rup nai sư dan lăm pơlei Đan.

I Pot 12:31

Jêrôbôam kư̆m đei pơm lơ hnam yang tơ kơpal anih kơjung păng sư rơih bơngai đơ̆ng lăm kon pơlei mă ưh kơ khŭl Lêwi, athei lu sư pơm 'bok soi.

I Pot 13:2

Bơngai 'noh ôr khan kơ chơnang soi kiơ̆ thoi nơ̆r Kră Yang khan: “Ơ chơnang soi, chơnang soi! 'Nâu nơ̆r Kră Yang khan: 'Nâu đe gô tơpŭ kơ minh 'nu kon drŏ-nglo ăn kơ adrĕch hnam Đawit anăn sư Jôsia. Sư gô pơyơ̆r tơmam soi kơpal ih, lu 'bok soi đơ̆ng anih kơjung, lu 'bok soi noh bơngai mă soh tơmam 'bâu phu kơpal ih tơ rim anih kơjung păng đe gô soh kơting bơngai kơpal ih.”

I Pot 16:24

Sư răt groi Samari đơ̆ng 'bok Sêmer 'bar hlak talâng hu; tơ kơpal groi 'noh sư pơjing minh pôm pơlei kơjăp sư anăn pơlei 'noh Samari, anăn kiơ̆ tơ'ngla groi noh.

II Pot 17:29

Mă-lei rim kơ adrĕch adrung, pơm pơjing yang lu sư kơdih, dan lu yang noh lăm anih kơjung mă kon pơlei Samari hlôi pơdơ̆ng pơjing, rim adrĕch adrung lu sư, dan lê̆ yang lu sư kơdih lăm pơlei mă lu sư oei.

II Ho 25:13

Gah lu linh mă Amasia tơbrŏk, ưh kơ ăn năm tơblah hơdai sư noh, mơ̆t blah lăm lu pơlei Juđa đơ̆ng pơlei Samari truh tơ pơlei Bêt Hôrôn, na pơlôch pêng-rơbâu 'nu kon pơlei tơ noh păng blah tơgar iŏk lơ mŭk tơmam.

Esơra 4:10

păng lu kon pơlei nai mă Ônapba bơngai yŏng mơng đe pơyom chông ba, wă ăn arih jang sa lăm pơlei Samari păng lăm tơring nai mă oei gah bơmơ̆t kơ đak krong.a

Lêwi 26:30

Inh gô pơrăm đĭ lu chơnang soh tơmam 'bâu phu tơ anih kơjung iĕm, teh pơchah lê̆ rup măt 'năr iĕm păng dan akâu lôch iĕm kơpal lu rup yang iĕm man păng Inh gô hil areh krưp kơ iĕm.

Jang 8:14

Lu jơ̆ng 'bang Yêsu tơ Pơlei Jêrusalem kơtơ̆ng ang đe Samri lui kơ 'Bok Kei-Dei boih. Na lu jơ̆ng 'bang Yêsu wơh Pêtrôs păng Yôhan năm tơ dêh Samari wă krao khan kơ lu bơngai 'nao lui, apinh 'Bok Kei-Dei ăn kơ sư Yang Bơhngol 'Lơ̆ng,