I Pot 12:4 - Sơ̆p Hlabơar Nơ̆r 'Bok Kei-Dei

⁴ “'Bă ih tơ'băk ăn kơ nhôn 'long ăt trăp dêh, mă-lei dang ei apinh ih ăn kơ nhôn hơiơch 'biơ̆ dôm tơdrong jang gleh trăp păng 'long ăt trăp mă 'bă ih tơ'băk ăn kơ nhôn, na nhôn gô bơ̆jang kơ ih.”

I Pot 12:4 ပူးပေါင်းရင်းမြစ်များ

I Pot 12:3

Đe athei bơngai năm krao sư đơ̆ng noh, na Jêrôbôam păng đĭ-đăng bơngai Isơrael năm tơ Rôbôam păng khan kơ sư:

I Pot 4:7

Sôlômôn đei mơjĭt-'bar 'nu bơngai pơm yŏng wei-lăng đĭ-đăng lu bơngai Isơrael, lu jang gah tơmam sa kơ pơtao minh khei minh 'nu lăm minh Sơnăm.

I Pot 9:15

'Nâu tơdrong Sôlômôn chă ra đơ̆ng đĭ-đăng bơngai wă pơm Hnam akŭm Kră Yang păng hnam pơtao sư, pơm milô, păng dur pơlei Jêrusalem, Hasor, pơlei Mêgiđô păng Geser.

Mathiơ 23:4

Lu sư pơkă kơ iĕm lơ tơdrong juăt kiơ̆ kơ lu sư tơchĕng kơdih, kư̆m dang lĕ lu sư tơpŭ kơ iĕm tơmam trăp hloh kơ ai tơ̆p pă kĕ gơrŭn, dah wă kiơ̆ pơđĭ tơdrong juăt noh, iĕm ưh kơ kĕ ôh păng lu sư ưh kơ tơgŭm iĕm hơya tŏ sĕt.

I Yo 5:3

Dah bơ̆n 'mêm kơ 'Bok Kei-Dei lei bơ̆n athei răk dôm tơdrong Sư pơkă. Dôm tơdrong Sư pơkă noh ưh kơ gleh ôh.