I Pot 12:28 - Sơ̆p Hlabơar Nơ̆r 'Bok Kei-Dei

²⁸ Thoi noh pơtao pơđâu athei đe pơm 'bar tŏ rup rơmo păng maih, pơtao khan kơ kon pơlei pơla: “Lu iĕm tŏk năm chă kiơ tơ pơlei Jêrusalem ataih dêh! Ơ lu bơngai Isơrael 'nâu bơih yang lu iĕm, mă chông tơlĕch lu iĕm đơ̆ng char Êyiptơ.”

I Pot 12:28 ပူးပေါင်းရင်းမြစ်များ

I Pot 14:9

Ih pơm kơnê̆ dêh hloh kơ đĭ-đăng lu bơngai adrol kơ ih, pơm kơdih yang plơ̆ng man lu rup yang, wă kơ Inh hil păng hŭt lê̆ Inh tơ rŏng.

I Pot 15:26

Sư pơm tơdrong yoch kơnê̆ 'bơ̆t anăp Kră Yang, năm kiơ̆ trong pơm yoch thoi 'bă sư đei pơm bơih, pơm kơ lu bơngai Isơrael pơm yoch kiơ̆.

I Pot 16:19

'Noh yua kơ đơ̆ng tơdrong yoch sư pơm, pơm tơdrong kơnê̆ 'bơ̆t anăp Kră Yang, rok kiơ̆ trong Jêrôbôam, kơdih akâu sư pơm yoch păng pơm ăn kơ Isơrael jing yoch kiơ̆.

II Pot 10:29

Mă-lei, sư ưh kơ achăng lê̆ ôh tơdrong yoch Jêrôbôam, kon drŏ-nglo Nêbat noh bơih mă hlôi pơm kơ lu bơngai Isơrael pơm yoch. Noh kơkuh kơ rup yang rơmo đe pơm hăm maih tơ pơlei Bethel păng tơ Pơlei Đan.

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

II Pot 17:8

yak kiơ̆ tơdrong juăt lu adrĕch adrung mă Kră Yang hlôi puh tơweh lu sư đơ̆ng anăp lu bơngai Isơrael păng yak kiơ̆ tơdrong juăt mă lu pơtao đe Isơrael hơmet bơih.

II Ho 11:14

Lu bơngai Lêwi mă achăng lê̆ pơlei hăm teh jang sa lu sư năm oei tơ char Juđa păng pơlei tih Jêrusalem, yua kơ Jêrôbôam hăm lu kon drŏ-nglo sư pơpuh lu sư, ưh pă ăn kơ lu sư pơm 'bok soi jang kơ Kră Yang dơ̆ng.

II Ho 11:15

Jêrôbôam chă pôk pơjing lu 'bok soi sư kơdih tơ lu anih kơjung, kơ lu rup yang sư man noh bơbe tơno păng kon rơmo

II Ho 13:8

Na dang ei lu iĕm tơchĕng khan kĕ mơ̆n hă tơblah hăm char mă Kră Yang đei jao ăn boih kơ lu kon Đawit? Mă khan lu iĕm đei linh lơ chĕp ba rup man rơmo hăm maih mă Jêrôbôam đei man pơm yang iĕm.

II Ho 15:3

Đunh boih lu bơngai Isơrael ưh kơ đei Kră Yang 'Bok Kei-Dei sĭt tơpă. Ưh pă đei 'bok soi bơtho tơ'bôh, kư̆m ưh pă đei khôi juăt;

II Ho 17:4

mă-lei chơchă Kră Yang 'bă sư pơm kiơ̆ wei răk nơ̆r Kră Yang tơtă, ưh kơ pơm kiơ̆ ôh thoi lu bơngai Isơrael pơm.

II Ho 21:6

Sư yak kiơ̆ trong lu pơtao Isơrael, kiơ̆ thoi Ahap đei pơm boih, yua kơ sư iŏk oei kơ kon adruh Ahap pơm akăn; sư pơm tơdrong kơnê̆ dêh 'bơ̆t anăp Kră Yang.

II Ho 33:7

Sư tah rup yang đe traih lăm hnam Kră Yang tơ anih mă Kră Yang 'Bok Kei-Dei đei khan hăm Đawit păng Sôlômôn kon drŏ-nglo sư khan: “Lăm hnam 'nâu păng pơlei Jêrusalem pơlei, mă inh đei rơih iŏk boih đơ̆ng lăm adrĕch bơngai Isơrael, wă 'măn anăn Inh lăm âu ling-lang;

Le 1:10

Na bơ̆n athei iŏk đon hlôh wao gơh hơgei wă pơm kơ lu sư, hli kơ lu sư rai lơ, tơ anăp kơnh tơdah đei tơdrong tơblah lu sư pơgơ̆p hăm lu ayăt kơ bơ̆n blah bơ̆n păng kơdâu jăk hloi đơ̆ng dêh 'nâu.

Le 20:4

Iĕm 'nĕ kơ pơm lu rup man kơdih, kư̆m 'nĕ pơm rup ayơ nhen thoi tơmam tơ kơpal plĕnh ti, dah tơ ala teh âu, dah tơ lăm ala đak sŭng.

Le 32:25

Môis 'bôh kon pơlei pơla đei tơdrong rơngei pơm kư̆ kă mơ̆ng kơ lu sư wă, ưh kơ đei bơngai wei-lăng lu sư, yua kơ Arôn lê̆ lu sư rơngei dĭng mah đei tơdrong lu ayăt pơjăm lu sư.

Le 32:4

Arôn iŏk tơmam lu noh đơ̆ng ti lu sư, sư hling maih noh, klaih kơ noh, sư tuh hling rup kon rơmo, na lu sư khan: Ơ bơngai Isơrael, 'nâu yang lu iĕm, tơ'ngla mă tơlĕch chông iĕm đơ̆ng char Êyiptơ.

Le 32:8

lu sư đĭ hăt kơ tơklah boih đơ̆ng trong Inh đei tơtă ăn kơ lu sư. Lu sư man pơm rup kon rơmo kơdih lu sư bơih, lu sư kơkuh păng pơyơ̆r tơmam soi kơ rup noh, klaih kơ noh lu sư khan; Ơ bơngai Isơrael, 'nâu yang ih, tơ'ngla mă đei chông tơlĕch ih đơ̆ng char Êyiptơ!

Tơdrông Pơđơk 14:12

Đei minh pôm trong gơlong kon bơngai khan trŏ. Mă-lei tuch-luch đei tă ba tơ trong tơdrong lôch.

Êsai 30:1

Kră Yang khan: “Răm-'băm dêh kơ lu kon hơ'lơ̆p arăng kơ̆l 'maih chă đon mă ưh kơ trŏ tơdrong Inh wă, pơm tơdrong pơgơ̆p mă ưh kơ đơ̆ng Yang bơhngol 'lơ̆ng Inh, thim tơdrong yoch rai dêh dơ̆ng.

Êsai 30:10

Lu sư khan kơ lu bơngai đei tơdrong tơ'bôh: “'Nĕ pă 'bôh;” khan kơ lu bơngai khan lê̆ adrol: “'Nĕ pă khan lê̆ adrol kơ lu nhôn gah tơdrong sĭt. Pơma roi bĕ kơ lu nhôn tơdrong nhôn lăp đon chơt, roi bĕ kơ lu nhôn tơdrong 'bôh ưh kơ đei tơpă.

Êsêkiên 16:26

Ih đei pơm pơyô kư̆ kă hăm lu bơngai Êyiptơ, lu bơngai mă oei jê̆ ih 'bĕnh hăm tơdrong kư̆ kă; ih kư̆m pơm pơyô kư̆ kă lơ tơdrong wă pơm tơblĕk Inh.

Êsêkiên 23:8

Sư ưh kơ lê̆ tơdrong pơm pơyô kư̆ kă mă sư pơtơm lu bơngai Êyiptơ, đơ̆ng sư oei 'lơ̆p đe 'bĭch hơdai hăm sư boih, đe pơm pơhiah lê̆ hơdruh hơnĭl sư păng tuh tơdrong kơnê̆ 'mê̆ kơ sư.

Da 3:1

Pơtao Nebukatnessar man minh pôm rup hăm maih, kơjung tơdrâu-jĭt hơgăt păng tih sư tơdrâu hơgăt; man pơdơ̆ng tơ lăm thŭng glă Dura, lăm char Babilôn.

Hôsia 10:10

Layơ Inh wă, Inh gô phak pơjĭ lu sư; păng lu dêh đe gô iung blah phak lu sư, yua kơ lu sư đei pơm yoch 'bar hơtăl.

Hôsia 10:8

Lu anih kơjung tơ Awen, wă khan anih đei tơdrong yoch lu bơngai Isơrael, đe gô pơrăm đĭ, 'long jơla, păng jơla bơmrôm gô chăt hro tơ kơpal chơnang soi lu sư. Kơplah noh lu sư gô khan kơ kông: Klơ̆p lê̆ nhôn bĕ păng khan kơ lu groi. Gom đơ̆p lê̆ lu nhôn bĕ!

Am 5:5

Lê̆ pă chă pơlei Bethel, 'nĕ pă mơ̆t lăm pơlei Gilgal, dah 'nĕ pă năm rok trong pơlei Bêrsêba. Yua kơ pơlei Gilgal đe gô puh pơm bơnă đĭ, pơlei Bethel gô jing minh anih pơchah pơchek.

Am 8:14

Đĭ-đăng lu bơngai tơhlâu kơ Asima char Samari păng pơkă pơkăm: Ơ Đan, thoi yang ih oei arih! Thoi yang pơlei Bêrsêba oei arih! Đĭ-đăng lu bơngai kơkuh kơ yang gô pơ̆k păng ưh pă kĕ iung dơ̆ng.

II Pet 2:19

'Bok bơtho hơlĕnh pơdăr noh, lu sư khan wă ăn kơ lu bơngai noh rơngei, mă-lei tă kơ lu sư dơ̆ng jing đĭch, yua kơ lu sư ưh kơ kĕ gơ̆t kơ tơdrong pơm yoch, jing wă pơrăm akâu kơdih. Tơdrong kiơ bơ̆n ưh kơ kĕ pơgơ̆t, tơdrong noh bơ̆n oei đĭch.

I Sam 27:1

Đawit tơchĕng lăm đon khan: Tơpă lăm minh năr ayơ kơnh, inh gô lôch kơ tơpang ti Sôl. Ưh kơ đei kiơ 'lơ̆ng hloh kơ inh năm kơdâu ôn lăm dêh Philistin, na Sôl huay pă chă inh lăm teh đak lu bơngai Isơrael dơ̆ng. Thoi noh na, inh gơh klĕch lĕch hlôi đơ̆ng tơpang ti sư.