I Pot 12:24 - Sơ̆p Hlabơar Nơ̆r 'Bok Kei-Dei

²⁴ 'Nâu Kră Yang khan: 'Nĕ kơ năm tŏk blah lu bơngai Isơrael 'nhŏng oh iĕm. Rim 'nu athei brŏk bĕ tơ hnam sư kơdih, yua kơ tơdrong 'nâu lĕch đơ̆ng Inh.” Lu sư chu nơ̆r Kră Yang khan, brŏk tơ hnam sư kơdih kiơ̆ thoi nơ̆r Kră Yang bơtho tơ'bôh.

I Pot 12:24 ပူးပေါင်းရင်းမြစ်များ

Bl 24:50

La'ban păng Bêthuel tơl thoi âu: “Tơdrong noh lĕch đơ̆ng Kră Yang lu nhôn tam gơh pơma kơ ih, trŏ dah glăi ôh.

I Pot 12:15

Thoi noh, pơtao ưh kơ mơ̆ng ôh nơ̆r kon pơlei pơla pơma, yua kơ tơdrong 'noh truh đơ̆ng Kră Yang ăn, wă pơsĭt nơ̆r Sư mă Kră Yang yua boih Ahija bơngai Silô khan kơ Jêrôbôam, kon drŏ-nglo Nêbat.

I Pot 12:25

Jêrôbôam pơjing hnam tơ Pơlei Sechem kơjăp tơ kơpal groi Êphraim, sư oei hloi tơ noh, sư lĕch đơ̆ng noh năm pơm Pơlei Pênuel.

I Pot 14:30

Rôbôam hăm Jêrôbôam bre sư tơblah băl ling-lang ưh kơ pơdơh.

II Ho 11:4

Kră Yang khan thoi âu: Lu iĕm lê̆ kơ năm tơblah hăm lu 'nhŏng oh iĕm ôh, wih brŏk tơ hnam iĕm bĕ, yua kơ tơdrong 'nâu lĕch đơ̆ng Inh.” Thoi noh lu sư chu kơ nơ̆r Kră Yang khan, wih brŏk kơdih ưh kơ đei năm tơblah hăm Jêrôbôam ôh.

II Ho 22:7

Tơdrong Ahasia năm lăng Jôram jĭ rơka noh đơ̆ng Kră Yang 'Bok Kei-Dei ăn wă phak sư; wă sư năm truh tơ noh, kiơ̆ Jôram năm tơ'bơ̆p Jêhu kon drŏ-nglo Nimsi, bơngai mă Kră Yang rơih, wă kơ sư năm blah pơrăm adrĕch Ahap.

II Ho 25:10

Thoi noh Amasia tơbrŏk lê̆ lu linh đơ̆ng khŭl Êphraim mă năm truh tơ sư boih, lu sư hil dêh kơ bơngai Juđa, na wih brŏk tơ hnam jơhngơ̆m blĕk kơŭl.

Hôsia 8:4

Lu sư pôk boih pơtao kơdih mă ưh kơ trŏ đơ̆ng Inh, lu sư kư̆m rơih iŏk lu bơngai pơgơ̆r mă-lei kư̆m ưh kơ đei pơdrơ̆ng inh. Lu sư iŏk jên hu, maih lu sư man boih rup yang jing tơdrong pơrăm blơ̆ lu sư kơdih.

Jo 14:42

'Nĕ tŏk tơ noh, kơnh hli kơ lu ayăt blah lu iĕm, yua kơ Kră Yang ưh pă oei hơdai iĕm boih.

Lu 14:4

Mĕ 'bă sư ưh kơ băt ôh tơdrong 'noh lĕch đơ̆ng Kră Yang; wă chă tơdrong trŏ wă kơ sư pơm kơ kon pơlei Philistin, yua kơ kơplah 'noh lu bơngai Philistin oei pơgơ̆r lu bơngai Isơrael.