I Pot 12:21 - Sơ̆p Hlabơar Nơ̆r 'Bok Kei-Dei

²¹ Lăp Rôbôam truh tơ pơlei Jêrusalem bơih, sư krao akŭm đĭ-đăng adrĕch Juđa păng adrĕch adrung Bênjamin đei minh-hrĕng tơhngam-jĭt rơbâu 'nu linh tơblah, wă tơblah hăm bơngai Isơrael, wă iŏk tơwih teh đak 'noh ăn kơ Rôbôam, kon drŏ-nglo Sôlômôn.

I Pot 12:21 ပူးပေါင်းရင်းမြစ်များ

I Pot 11:32

Mă-lei yua kơ Đawit đĭch đam Inh păng Jêrusalem pơlei mă Inh rơih iŏk boih, đơ̆ng rim adrĕch adrung Isơrael Inh gô lê̆ kơ sư minh adrĕch.

I Pot 14:30

Rôbôam hăm Jêrôbôam bre sư tơblah băl ling-lang ưh kơ pơdơh.

I Ho 21:5

Jôap roi ăn gơsô̆ kơ̆l kon bơngai kơ pơtao Đawit. Đĭ kơ bơngai Isơrael đei minh-triê̆u minh-hrĕng rơbâu bơngai drŏ-nglo gơh chĕp đao hơlă lăm noh bơngai Juđa đei puăn-hrĕng tơpơh-jĭt rơbâu 'nu bơngai gơh chĕp đao hơlă.

II Ho 14:11

Asa krao apinh Kră Yang 'Bok Kei-Dei sư khan: “Ơ Kră Yang, ưh kơ đei bu thoi Ih tơgŭm lu bơngai tơrăn kĕ jei đơ̆ng bơngai pran; Ơ Kră Yang 'Bok Kei-Dei nhôn, apinh Ih dŏng tơgŭm lu nhôn, lu nhôn gơnang kơ Ih; nhôn yua hăm anăn Ih na năm blah lu bơngai linh lơ âu. Ơ Kră Yang! Ih boih Kră Yang 'Bok Kei-Dei lu nhôn; 'nĕ ăn kơ kon bơngai jei hloh kơ Ih”

II Ho 14:8

Asa đei pêng-hrĕng rơbâu linh đơ̆ng bơngai Juđa đei khêl tih păng tơju; đei 'bar-rơbâu 'nu linh đơ̆ng bơngai Bênjamin chĕp khêl iĕ păng hră; đĭ-đăng lu sư tă kơ linh nuih kơtang ngăl.