I Pot 12:20 - Sơ̆p Hlabơar Nơ̆r 'Bok Kei-Dei

²⁰ Lăp lu kon pơlei Isơrael kơtơ̆ng ang Jêrôbôam brŏk bơih, lu sư wơh bơngai năm krao sư akŭm hơdai păng pôk sư pơm pơtao pơgơ̆r lu bơngai Isơrael. Ưh kơ đei bơngai bu kiơ̆ adrĕch Đawit lăp adrĕch Juđa đĕch kiơ̆.

I Pot 12:20 ပူးပေါင်းရင်းမြစ်များ

II Sam 20:2

Đĭ-đăng bơngai Isơrael achăng lê̆ pơtao Đawit, kiơ̆ Seba kon drŏ-nglo Bikri; mă-lei bơngai Juđa oei kơjăp hăm pơtao sư kơdih, năm kiơ̆ pơtao đơ̆ng đak Krong Jôrđăn brŏk tơ Jêrusalem.

I Pot 11:13

Mă-lei Inh ưh kơ hek asong pơđĭ hloi ôh; mă-lei Inh gô 'măn lê̆ minh adrĕch adrung ăn kơ sư yua kơ Đawit đĭch đam Inh păng yua kơ pơlei Jêrusalem, pơlei mă Inh đei rơih.”

I Pot 11:26

Jêrôbôam kon drŏ-nglo Nêbat, bơngai Êphraim oei tơ pơlei Sêrêđa, sư đĭch đam Sôlômôn; mĕ sư adro, anăn Sêrua; sư wă iung blah pơtao Sôlômôn mơ̆n.

I Pot 11:32

Mă-lei yua kơ Đawit đĭch đam Inh păng Jêrusalem pơlei mă Inh rơih iŏk boih, đơ̆ng rim adrĕch adrung Isơrael Inh gô lê̆ kơ sư minh adrĕch.

I Pot 11:35

Mă-lei inh gô iŏk teh đak đơ̆ng kon drŏ-nglo sư, na ăn kơ ih pơgơ̆r mơjĭt adrĕch adrung.

I Pot 11:36

Inh gô ăn minh adrĕch adrung kơ kon drŏ-nglo sư wă kơ Đawit đĭch đam Inh oei đei minh pôm ŭnh kơđeng ling-lang 'bơ̆t anăp Inh, lăm pơlei Jêrusalem, pơlei mă Inh rơih iŏk wă 'măn Anăn Inh lăm noh.

I Pot 11:37

Inh rơih iŏk ih, ăn kơ ih pơm pơtao pơgơ̆r lu bơngai Isơrael, ih gô pơgơ̆r đĭ-đăng kiơ̆ kơ jơhngơ̆m ih wă.

I Pot 12:17

Mă-lei lu bơngai oei tơ lu pơlei lăm Juđa. Rôbôam oei pơgơ̆r lu sư.

II Pot 17:21

Kơplah Kră Yang tơklah lê̆ lu bơngai Isơrael đơ̆ng adrĕch Đawit, lu sư pôk Jêrôbôam, kon drŏ-nglo Nêbat pơm pơtao; sư pơhlŭ đe Isơrael tơklah đơ̆ng Kră Yang, pơm kơ lu sư pơm yoch tih.

Hôsia 11:12

Lu bơngai Êphraim hơlĕnh kơ Inh lu kon pơlei Isơrael pơm plơ̆ plĕch. Mă-lei lu bơngai Juđa oei kiơ̆ Kră Yang 'Bok Kei-Dei, oei kiơ̆ Tơ'ngla 'lơ̆ng rơgoh tơpă sĭt.

Hôsia 8:4

Lu sư pôk boih pơtao kơdih mă ưh kơ trŏ đơ̆ng Inh, lu sư kư̆m rơih iŏk lu bơngai pơgơ̆r mă-lei kư̆m ưh kơ đei pơdrơ̆ng inh. Lu sư iŏk jên hu, maih lu sư man boih rup yang jing tơdrong pơrăm blơ̆ lu sư kơdih.

I Sam 10:24

Samuel khan kơ kon pơlei: Lu iĕm lăng 'nâu bơngai mă Kră Yang rơih iŏk? Lăm đĭ-đăng kon pơlei hoh-hoy ưh kơ đei bu dang sư ôh. Đĭ-đăng kon pơlei jreo păng ôr khan: Ăn kơ pơtao arih ling-lang!