I Pot 12:16 - Sơ̆p Hlabơar Nơ̆r 'Bok Kei-Dei

¹⁶ Lăp lu bơngai Isơrael 'bôh pơtao ưh pă mơ̆ng lu sư bơih, lu kon pơlei pơla khan kơ pơtao “Lu nhôn hăm đei kiơ lăm Đawit? Nhôn hăm đei yua tơmam kiơ lăm kon drŏ-nglo Jese. Ơ lu bơngai Isơrael! Iĕm athei brŏk tơ bơsŭn iĕm kơdih. Ơ Đawit! Ih athei lăng bĕ kơ hnam ih kơdih.” Na lu bơngai Isơrael wih brŏk tơ bơsŭn lu sư kơdih.

I Pot 12:16 ပူးပေါင်းရင်းမြစ်များ

II Sam 15:13

Đei bơngai năm roi tơbăt ăn kơ Đawit: “Kon pơlei Isơrael kiơ̆ khŭl Apsalôm.”

II Sam 16:11

Đawit khan dơ̆ng kơ Abisai păng đĭ lu bơngai jang kơ sư: “To, kon inh kơdih, đơ̆ng blu pôih inh pơjing, oei 'maih pơrăm tơdrong arih inh 'mơ̆i; pơma kiơ kơ bơngai Bênjamin 'nâu! Lê̆ sư loh lê̆ sư hiap inh, yua kơ Kră Yang athei sư.

II Sam 20:1

Tơ noh đei minh 'nu bơngai pơm pơrŭng, anăn sư Seba, kon drŏ-nglo Bikri, bơngai Bênjamin; Seba hlôm keng păng krao: “Lu bơ̆n ưh kơ đei kiơ gah Đawit, kư̆m ưh kơ đei yua kiơ hăm kon drŏ-nglo Jese! Ơ 'nhŏng oh Isơrael, rim 'nu athei brŏk tơ hnam kơdih”

I Pot 11:11

Na Kră Yang khan kơ Sôlômôn: “Yua kơ ih pơm tơdrong 'nâu, ih ưh kơ wei răk tơdrong Inh pơgơ̆p păng tơdrong juăt Inh tơtă kơ ih, na Inh gô hek lê̆ teh đak mă ih pơgơ̆r 'nâu, asong ăn kơ đĭch đam ih.

I Pot 11:13

Mă-lei Inh ưh kơ hek asong pơđĭ hloi ôh; mă-lei Inh gô 'măn lê̆ minh adrĕch adrung ăn kơ sư yua kơ Đawit đĭch đam Inh păng yua kơ pơlei Jêrusalem, pơlei mă Inh đei rơih.”

I Pot 11:34

“Mă-lei ră Inh ưh kơ iŏk đĭ ôh teh đak đơ̆ng tơpang ti Sôlômôn, lê̆ kơ sư oei pơgơ̆r đĭ chăl arih sư, yua kơ Đawit đĭch đam Inh, Inh rơih iŏk boih, sư boih wei răk nơ̆r Inh tơtă păng pơm kiơ̆ dôm tơdrong juăt Inh.

I Pot 11:35

Mă-lei inh gô iŏk teh đak đơ̆ng kon drŏ-nglo sư, na ăn kơ ih pơgơ̆r mơjĭt adrĕch adrung.

I Pot 11:36

Inh gô ăn minh adrĕch adrung kơ kon drŏ-nglo sư wă kơ Đawit đĭch đam Inh oei đei minh pôm ŭnh kơđeng ling-lang 'bơ̆t anăp Inh, lăm pơlei Jêrusalem, pơlei mă Inh rơih iŏk wă 'măn Anăn Inh lăm noh.

I Pot 11:39

Thoi ei na inh gô phak lu adrĕch adrung Đawit mă-lei ưh kơ ling-lang ôh.”

I Pot 22:17

Mikai khan: “Inh 'bôh đĭ-đăng bơngai Isơrael tơklah tơklang jơ̆p kơ kông kŏ thoi triu ưh kơ đei bơngai wei; păng Kră Yang khan: ‘Lu sư ưh kơ đei tơ'ngla, rim 'nu kơ lu sư athei brŏk tơ hnam kơdih hăm tơdrong hiôk-hian.’ ”

I Pot 22:36

Lăp 'năr wă mơ̆t bơih đei nơ̆r pơma rơ̆n đơ̆ng lăm lu linh khan: “Rim 'nu athei brŏk tơ pơlei sư kơdih păng rim 'nu athei weh tơ char sư kơdih!”

II Ho 10:16

Wă đĭ-đăng kon pơlei Isơrael 'bôh pơtao Rêhôbôam ưh pă iŏk nơ̆r lu sư boih, lu sư tơl pơtao. “Lu nhôn hăm đei kiơ lăm Đawit? Lu nhôn hăm đei kiơ hăm kon drŏ-nglo Jese Ơ kon pơlei Isơrael wih brŏk bĕ tơ hnam lu iĕm. Ơ Đawit lăng bĕ hnam ih kơdih,” Na đĭ-đăng kon pơlei wih đĭ tơ hnam lu sư.

Horiso 132:17

Tơ noh inh gô ăn hơke Đawit bluh chăt; Inh đei hơmet lê̆ ŭnh kơđeng kơ bơngai mă inh đei tuh đak rơmă.

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Tơdrông Pơđơk 15:1

Nơ̆r tơl rơngơp chhơp ngach tơdrong hil. Nơ̆r pơma arăng pơdrŭt tơdrong blĕk.

Êsai 7:17

Kră Yang gô ăn tơdrong truh kơ ih, kon pơlei ih păng hnam 'bă ih, đơ̆ng năr mă Êphraim tơklah đơ̆ng Juđa kư̆m tam mă đei 'bôh thoi noh wă khan sư gô chông ba pơtao Asiri truh.”

Êsai 7:2

Đei bơngai năm roi ăn kơ hnam Đawit khan: “Siri pơgơ̆p hăm Êphraim.” Na kơplah noh Ahas păng kon pơlei Juđa hli tơrơ hyĭng hyơ̆ng dang lĕ kial tơthu 'long lăm bri.

Je 33:21

lei na gơh pơrăm nơ̆r pơgơ̆p Inh hăm Đawit, đĭch đam Inh, wă khan sư ưh pă đei kon sâu drŏ-nglo wă pơm pơtao pơgơ̆r dơ̆ng păng pơrăm nơ̆r pơgơ̆p Inh hăm lu 'Bok soi, bơngai Lêwi, lu bơngai jang kơ Inh kư̆m lei-lăi.

Êsêkiên 37:16

“Ơ kon bơngai, ih athei iŏk minh pôm 'long jra păng chih tơ noh: Juđa păng adrĕch adrung Isơrael pơgơ̆p hăm sư. Athei iŏk minh pôm 'long jra nai dơ̆ng păng chih tơ noh: Jôsep, noh tơmam Êphraim hăm lu adrĕch Isơrael jing pơgơ̆p hơdai.

Markôs 3:24

Dah minh pôm teh đak tơblah dih băl, teh đak noh gô pơchah hiong,

Luka 19:14

Đe băt kơ sư năm boih na lu tơring tơrang hil areh kơ sư, đe ưh kơ wă kơ sư pơm pơtao kơ lu sư; na lu sư wơh đe pơtruh kơ 'bok pơtao tơm, lu tơring tơrang ưh kơ wă kơ bơngai noh pơm pơtao lu sư.

Luka 19:27

Gah lu bơngai mă ayăt kơ inh, ưh kơ wă kơ inh pơm pơtao pơgơ̆r lu sư, iĕm dui anhăk lu sư tơ âu, pơlôch lu sư 'bơ̆t anăp inh.’ ”

Yo 13:8

Pêtrôs khan: “Inh ưh kơ hơnhŏ Ih ôp jơ̆ng inh na inh ưh kơ layơ ăn Ih ôp jơ̆ng ôh.” Yêsu khan: “Dah Inh ưh kơ ôp jơ̆ng ih, lei ih ưh pă pơm jơ̆ng 'bang Inh boih.”

Lu 8:35

Lu sư kư̆m ưh kơ đei jơhngơ̆m 'lơ̆ng tŏ sĕt hăm hnam Jêrup Baal noh Giđêôn, wă 'mong kơ dôm tơdrong hiôk 'lơ̆ng mă sư đei pơm boih kơ bơngai Isơrael.

Lu 9:28

Gaal kon drŏ-nglo Êbêt khan: Abimêlek sư bu? Sichem bơ̆n yă kiơ na lu bơ̆n bơwih bơwăn kơ sư? Hăm trŏ kơ sư kon drŏ-nglo Jêrup Baal? Sêbul hăm trŏ kơ bơngai kơiĕng sư ưh? Athei bơwih bơwăn kơ bơngai Hamôr, sư 'bă kơ bơngai Sichem; na liơ bơ̆n bơwih bơwăn kơ lu Abimêlek hai?