I Pot 12:14 - Sơ̆p Hlabơar Nơ̆r 'Bok Kei-Dei

¹⁴ Sư tơl tơwih kơ lu kon pơlei pơla kiơ̆ thoi nơ̆r lu tơdăm păng khan: “'Bă inh tơ'băk ăn kơ iĕm 'long ăt trăp bơih, inh gô tơ'băk ăn kơ iĕm 'long ăt trăp hloh kơ 'noh dơ̆ng. 'Bă inh bơtho phak pơjĭ iĕm hăm sơnguĕt akar, inh gô phak bơtho iĕm hăm hơguăt sôch.”

I Pot 12:14 ပူးပေါင်းရင်းမြစ်များ

I Pot 12:13

Pơtao tơl tơwih kơ kon pơlei pơla hăm nơ̆r tơdrăp, sư ưh kơ tơl tơwih kơ kon pơlei pơla kiơ̆ thoi lu đe kră athei ôh.

Le 1:13

Lei na bơngai Êyiptơ rôp pơgŏ bơngai Isơrael jang gleh hrat pơmat-tat tơpă.

Le 1:14

Lu sư pơmat kon pơlei Isơrael hăm tơdrong jang hrat pơjuă teh pơm găch păng lơ tơdrong jang nai lăm mir chŭn. Dôm tơdrong jang lu bơngai Êyiptơ rôp pơgŏ kon pơlei Isơrael jang gleh pơmat-tat dêh.

Tơdrông Pơđơk 12:5

Tơdrong tơdă lu bơngai tơpăt jing trŏ. Mă-lei đei lu bơngai kơnê̆ pơđâu chă hơlĕnh.

Tơdrông Pơđơk 13:10

Tơdrong pơang lĕch tơdrong pơjah; Gah tơdrong hơgei oei lăm bơngai băt mơ̆ng đe bơtho khan.

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

Tơdrông Pơđơk 17:14

Pơtơm tơhil pơjah noh nhen thoi bơnơ̆ bơ̆ đak pơchah. Thoi noh na jah pơdơh tơhil adrol kơ blĕk rai dêh.

Tơdrông Pơđơk 29:12

Tơdah lu kră pơgơ̆r mơ̆ng nơ̆r pơma hơlĕnh. Lei đĭ lu bơngai jang tă jing pơm kơnê̆ ngăl.

Tơdrông Pơđơk 5:13

Inh ưh kơ chu bơih nơ̆r lu 'bok bơtho khan; Inh kư̆m kuă kơ pơgling đon mơ̆ng kiơ̆ nơ̆r đe bơtho khan kơ inh.

Bôk Bơthô 7:8

Pơkeh ming tơdrong jang 'lơ̆ng hloh kơ 'nao pơtơm pơm plơ̆ng, chơ̆n jơhngơ̆m 'lơ̆ng hloh 'bônh kơ pơang.

Da 6:7

Đĭ kơ lu yŏng kơiĕng pơtao păng yŏng linh păng yŏng pơgơ̆r tơring lăm dêh char, lu bơngai bơ̆jang tih, lu sư pơđâu băl lăp đon boih wă apinh ih ăn tơdrong pơkăm gơret tơpă lăm pêng-jĭt năr, bơngai bu mă krao khan kơ yang nai dah krao apinh bu nai 'nguaih kơ pơtao, na, ơ pơtao, lu bơngai noh klơ̆m hơtat lê̆ sư tơ lăm war dăm-brang.

Ya 3:14

Lu iĕm 'bok bơtho, dah iĕm oei 'nhĕng đe, iĕm jang tơgar băl 'maih pơm yŏng păng iĕm pơang kơ đe khan iĕm hơgei tơdrong 'Bok Kei-Dei hloh kơ lu bơngai nai, noh iĕm hơlĕnh đĕch boih, ưh kơ trŏ iĕm hơgei tơpă ôh.