I Pot 12:1 - Sơ̆p Hlabơar Nơ̆r 'Bok Kei-Dei

¹ Rôbôam năm tơ pơlei Sichem, yua kơ đĭ-đăng bơngai Isơrael năm akŭm tơ noh bơih wă pôk sư pơm pơtao.

I Pot 12:1 ပူးပေါင်းရင်းမြစ်များ

Bl 12:6

Abram yak găn dêh char âu, truh tơ tơnơm 'long kôih tơ Mamrê, jê̆ pơlei Sichem. Kơplah noh lu kon pơlei Kanaan oei oei tơ lăm dêh char noh.

I Pot 11:43

Đơ̆ng noh sư lôch sư năm oei hơdai hăm lu 'bok kơdră sư păng đe 'bŭ sư lăm pơlei Đawit, 'bă sư, Rôbôam kon drŏ-nglo sư pơgơ̆r pơtrơp sư.

I Pot 12:25

Jêrôbôam pơjing hnam tơ Pơlei Sechem kơjăp tơ kơpal groi Êphraim, sư oei hloi tơ noh, sư lĕch đơ̆ng noh năm pơm Pơlei Pênuel.

II Ho 11:1

Rêhôbôam wih brŏk tơ Jêrusalem, akŭm pơđĭ lu linh bơngai Juđa păng Bênjamin, đei minh-hrĕng tơhngam-jĭt rơbâu 'nu wă tơblah hăm lu bơngai Isơrael, wă kơ pơdrâu iŏk dêh char ăn kơ Rêhôbôam dơ̆ng.

Horiso 60:6

Kră Yang đei khan đơ̆ng lăm anih rơgoh Sư. “Inh chơt hiôk, Inh gô asong tơring Sichem păng pơtŏ thŭng Sikôt.

Je 41:5

đei tơhngam-jĭt 'nu bơngai drŏ-nglo hơkôih sŏk kang hek hơbĕn ao, raih akâu lu sư kơdih hăm săng, lu sư năm đơ̆ng pơlei Sichem, Silô păng Samari, chĕp ba lu tơmam phe 'ba păng lu tơmam 'bâu phu wă năm pơyơ̆r tơ hnam Kră Yang.

Jang 7:16

Đe tung atâu lu sư tơ Pơlei Sichem 'bŭ sư jê̆ bơsat Abraham. Abraham răt teh bơsat noh đơ̆ng đe Emmor. Lu sư oei tơ Pơlei Sichem.

Jôsuê 20:7

Thoi noh kon pơlei Isơrael, rơih iŏk pơlei Kades lăm char Galilê, tơ kơpal kông char Naptali; Pơlei Sichem tơ kơpal kông Êphraim păng pơlei Kiriat Arba, noh đe krao pơlei Hêbrôn, oei tơ kơpal kông lăm char Juđa.

Jôsuê 24:1

Jôsuê krao akŭm đĭ adrĕch adrung Isơrael tơ Sichem. Sư krao akŭm đĭ lu kră pơgơ̆r, lu kră sek tơlang păng lu yŏng pơgơ̆r linh; lu sư akŭm đĭ 'bơ̆t anăp Kră Yang 'Bok Kei-Dei.

Jôsuê 24:32

Kơting Jôsep mă kon pơlei Isơrael iŏk chĕp ba đơ̆ng char Êyiptơ, 'bŭ tơ pơlei Sichem, lăm teh mă Jakôp răt đơ̆ng kon drŏ-nglo Hamôr, 'bă kơ Pơlei Sichem, minh-hrĕng tơpei jên hu;a kon sâu Jôsep đei teh noh jing teh jang sa mir 'ba lu sư.

Lu 9:1

Abimêlek kon drŏ-nglo Jêrup Baal năm tơ pơlei Sichem năm tơ lu adrĕch adrung gah mĕ sư păng đĭ hnam dơnŏ gah mĕ sư na khan:

Lu 9:6

Đĭ-đăng bơngai lăm pơlei Sichem păng Bêt Milô, pơgơ̆p hơdai băl 'bơ̆t tơnơm 'long kôih păng gơ̆ng tơmo tơ pơlei Sichem, na pơk ăn kơ Abimêlek pơm pơtao.