I Pot 11:9 - Sơ̆p Hlabơar Nơ̆r 'Bok Kei-Dei

⁹ Kră Yang hil dêh kơ Sôlômôn, yua kơ jơhngơ̆m đon sư weh tơklah đơ̆ng Kră Yang 'Bok Kei-Dei Isơrael, Tơ'ngla mă đei tơ'bôh ăn kơ sư akâu 'bar 'măng bơih.

I Pot 11:9 ပူးပေါင်းရင်းမြစ်များ

II Sam 11:27

Hlôi kơ năr 'bŭ pơdong boih, Đawit athei đe năm iŏk sư oei lăm hnam pơtao; duch noh jing pơm akăn pơtao Đawit, tơpŭ ăn kơ pơtao minh 'nu kon drŏ-nglo, mă-lei dôm tơdrong Đawit pơm noh ưh kơ lăp đon Kră Yang ôh.

II Sam 6:7

Kră Yang hil dêh kơ Usa, yua kơ sư rôp pel 'bơm Hom pơgơ̆p noh; Kră Yang 'Bok Kei-Dei pơlôch hloi sư 'bơ̆t anih 'noh 'bơ̆t cheng Hom pơgơ̆p Kră Yang 'Bok Kei-Dei.

I Pot 11:8

Sư pơm ăn kơ đĭ lu akăn sư bơngai tơmoi thoi noh, na đĭ-đăng lu sư soh tơmam 'bâu phu păng soi kơkuh kơ yang lu sư.

I Pot 3:5

Tơ pơlei Gibeôn Kră Yang tơ'bôh akâu sư kơ Sôlômôn lăm tơdrong apo kiơ̆ kơmăng Kră Yang 'Bok Kei-Dei khan: “Apinh bĕ tơdrong kiơ ih wă kơ Inh ăn kơ ih.”

I Pot 9:2

Na Kră Yang tơ'bôh akâu sư ăn kơ Sôlômôn wơ̆t mă 'bar, kư̆m thoi Kră Yang tơ'bôh kơ sư tơ pơlei Gibeôn.

I Ho 21:7

Nơ̆r tơtă âu jơ̆ minh nơ̆r tơtă kơnê̆ dêh 'bơ̆t anăp Kră Yang 'Bok Kei-Dei na sư phak pơmat lu bơngai Isơrael.

Le 4:14

Na Kră Yang hil mĭl kơ Môis na khan: Hăm trŏ Arôn bơngai Lêwi, 'nhŏng ih dah kiơ? Inh băt bơngai 'noh sư gơh pơma hơgei păng to, sư oei năm wă sơng ih; lăp sư 'bôh ih, lăm jơhngơ̆m sư hiôk dêh.

Tơdrông Pơđơk 4:23

Kơchăng bĕ ling-lang wă kơ wei-lăng jơhngơ̆m ih, Yua kơ tơdrong arih tơm lĕch đơ̆ng noh.

Hôsia 4:11

Sik hơmu so păng sik hơmu 'nao pơm tơhiong lê̆ tơdrong hơgei lu sư.

Jo 12:9

Thoi noh, tơdrong Kră Yang hil mĭl dêh kơ bre sư; đơ̆ng noh Kră Yang tŏk.

Both 3:26

Mă-lei Kră Yang khan; yua kơ đơ̆ng lu iĕm na Kră Yang hil kơ inh, kuă kơ mơ̆ng nơ̆r inh Kră Yang khan kơ inh: Tôm boih; 'nĕ pă roi gah tơdrong 'nâu dơ̆ng kơ Inh.

Both 7:4

Yua kơ lu adrĕch 'nâu gô pơhlŭ kon drŏ-nglo ih, achăng lê̆ Inh, na awih awăn kơ lu yang nai, đơ̆ng noh kơnh Kră Yang gô hil mĭl kơ iĕm, na sư gô pơlôch ih hloi.

Both 9:20

Kră Yang kư̆m blĕk hil dêh kơ Arôn, mah truh kơ wă pơlôch sư; inh kư̆m krao khan ăn kơ Arôn lăm kơplah noh.

Both 9:8

Tơ Hôrêp lu iĕm kư̆m hlôi tơblĕk Kră Yang; na Sư blĕk hil dĭng mah Sư wă pơlôch pơđĭ lu iĕm,

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.