I Pot 11:38 - Sơ̆p Hlabơar Nơ̆r 'Bok Kei-Dei

³⁸ Tơdah ih chu kiơ̆ nơ̆r Inh pơkă, năm lăm trong Inh, pơm 'lơ̆ng tơpăt 'bơ̆t anăp Inh, hăm wei răk khôi juăt Inh păng nơ̆r Inh tơtă thoi Đawit đĭch đam Inh đei pơm, lei Inh gô oei hơdai ih. Inh gô pơm kơ adrĕch hnam ih kơjăp thoi Inh đei pơm kơ Đawit păng Inh gô ăn bơngai Isơrael kơ ih.

I Pot 11:38 ပူးပေါင်းရင်းမြစ်များ

II Sam 7:11

Kơplah Inh pôk pơjing bơngai sek tơlang pơgơ̆r bơngai Isơrael Inh, Inh gô ăn kơ ih huay pă hli oei hiôk-hian ưh pă đei ayăt chă pơrăm ih dơ̆ng păng Kră Yang pơkă khan Sư gô tơiung pơdơ̆ng kơ ih minh pôm hnam.

II Sam 7:16

Adrĕch hnam ih ưh kơ đei khăi bơngai pơtrơp ih; Inh gô ăn tang-dŏ ih kơjăp khŏm khŏm. Păng dêh char pơtao ih oei kơjăp ling-lang khŏm khŏm.”

I Pot 11:37

Inh rơih iŏk ih, ăn kơ ih pơm pơtao pơgơ̆r lu bơngai Isơrael, ih gô pơgơ̆r đĭ-đăng kiơ̆ kơ jơhngơ̆m ih wă.

I Pot 11:39

Thoi ei na inh gô phak lu adrĕch adrung Đawit mă-lei ưh kơ ling-lang ôh.”

I Pot 11:4

Truh tơ Sôlômôn kră pă kĕ lu akăn sư pơhlŭ pơlung sư kiơ̆ yang lu sư; jơhngơ̆m sư ưh pă chu yom kơ Kră Yang 'Bok Kei-Dei thoi jơhngơ̆m đon Đawit 'bă sư.

I Pot 3:14

Tơdah ih yak năm kiơ̆ trong Inh păng wei răk tơdrong juăt păng nơ̆r Inh tơtă thoi Đawit, 'bă ih, lei Inh gô pơthim ăn kơ ih arih sot soi.”

I Pot 6:12

“Gah Hnam akŭm mă ih oei pơm dang ei 'nâu, tơdah ih chu pơm kiơ̆ nơ̆r Inh tơtă păng chĕp răk dôm tơdrong juăt Inh bơtho khan, wei răk nơ̆r Inh tơtă păng pơm kiơ̆, lei inh gô pơsĭt lu nơ̆r inh đei pơkă kơ 'bă ih Đawit lăm chăl arih ih.

I Ho 17:10

đơ̆ng chăl Inh ăn đei kră pơgơ̆r wei-lăng kon pơlei pơla Inh Isơrael păng Inh gô ăn đĭ-đăng lu ayăt chu yom kiơ̆ ih. “Inh roi ăn kơ ih băt Kră Yang gô pơm ăn kơ dêh char pơtao ih kơjăp.

Le 1:21

Yua kơ lu yă kơ'mĭn đei jơhngơ̆m hli yom tơpă kơ Kră Yang 'Bok Kei-Dei, na Kră Yang 'Bok Kei-Dei ăn kơ hnam dơnŏ lu sư hiôk jơnap,

Le 19:5

Na, tơdah lu iĕm chu yom Inh păng wei răk dôm tơdrong Inh pơgơ̆p pơkă, lei lăm đĭ-đăng kơ dêh char, lu iĕm boih jing tơmam gĭt Inh. Mă khan đĭ-đăng teh đak jing tơmam Inh ngăl.

Sa 3:7

“Kră Yang Tih Hloh khan thoi âu: ‘Tơdah ih năm yak kiơ̆ lăm trong Inh, chu yom, wei răk dôm nơ̆r Inh bơtho, na ih gô wei-lăng hnam Inh păng bơwei cham hnam Inh, Inh gô ăn kơ ih nơnăm tŏk-bŏk lu bơngai mă oei kơkuh kơ Inh âu.

Both 12:25

'Nĕ kơ sa pham, wă kơ iĕm păng kon sâu iĕm gơh đei pŭn hiôk, yua kơ pơm 'lơ̆ng trŏ thoi Kră Yang lăp đon.

Both 15:5

Tơdah iĕm chu mơ̆ng kiơ̆ nơ̆r Kră Yang 'Bok Kei-Dei iĕm păng kơchăng pơm kiơ̆ nơ̆r tơtă mă inh đei bơtho khan ăn kơ iĕm năr âu.

Both 31:8

Kră Yang boih gô năm adrol kơ ih, Sư gô oei hơdai hăm ih păng Sư ưh kơ achăng lê̆ ih, kư̆m ưh kơ weh ataih đơ̆ng ih. Ih 'nĕ kơ hli păng 'nĕ kơ rơdu jơhngơ̆m.

Jôsuê 1:5

Đĭ lăm chăl arih ih, ưh kơ đei bu kĕ blah ih, Inh gô oei hơdai hăm ih thoi Inh oei hơdai hăm Môis, Inh ưh kơ achăng ih păng ưh kơ lê̆ ih ôh.

I Sam 2:35

Na inh gô rơih chă kơ Inh kơdih minh 'nu 'bok soi tơnăp tơpăt, bơngai noh gô pơm lăp kơ jơhngơ̆m Inh; Inh gô ăn kơ sư đei minh adrĕch 'lơ̆ng tơpăt wă kơ pơm 'bok soi ling-lang hloi hăm bơngai mă Inh đei hling đak pơgang 'bâu phu.