I Pot 11:37 - Sơ̆p Hlabơar Nơ̆r 'Bok Kei-Dei

³⁷ Inh rơih iŏk ih, ăn kơ ih pơm pơtao pơgơ̆r lu bơngai Isơrael, ih gô pơgơ̆r đĭ-đăng kiơ̆ kơ jơhngơ̆m ih wă.

I Pot 11:37 ပူးပေါင်းရင်းမြစ်များ

II Sam 3:21

Đang kơ et sa Apner pơma dơnuh hăm Đawit khan: “Inh gô akŭm pơđĭ lu bơngai Isơrael năm ba brŏk tơ pơtao, lu sư gô pơgơ̆p pơkă pơkăm hăm ih, na ih pơm yŏng pơtao pơgơ̆r đĭ-đăng kơ dêh char Isơrael, thoi kơ ih đei hơpơi.” Đawit ăn kơ Apner brŏk na sư brŏk hiôk-hian.

I Pot 11:26

Jêrôbôam kon drŏ-nglo Nêbat, bơngai Êphraim oei tơ pơlei Sêrêđa, sư đĭch đam Sôlômôn; mĕ sư adro, anăn Sêrua; sư wă iung blah pơtao Sôlômôn mơ̆n.

I Pot 11:36

Inh gô ăn minh adrĕch adrung kơ kon drŏ-nglo sư wă kơ Đawit đĭch đam Inh oei đei minh pôm ŭnh kơđeng ling-lang 'bơ̆t anăp Inh, lăm pơlei Jêrusalem, pơlei mă Inh rơih iŏk wă 'măn Anăn Inh lăm noh.

I Pot 11:38

Tơdah ih chu kiơ̆ nơ̆r Inh pơkă, năm lăm trong Inh, pơm 'lơ̆ng tơpăt 'bơ̆t anăp Inh, hăm wei răk khôi juăt Inh păng nơ̆r Inh tơtă thoi Đawit đĭch đam Inh đei pơm, lei Inh gô oei hơdai ih. Inh gô pơm kơ adrĕch hnam ih kơjăp thoi Inh đei pơm kơ Đawit păng Inh gô ăn bơngai Isơrael kơ ih.

I Pot 12:20

Lăp lu kon pơlei Isơrael kơtơ̆ng ang Jêrôbôam brŏk bơih, lu sư wơh bơngai năm krao sư akŭm hơdai păng pôk sư pơm pơtao pơgơ̆r lu bơngai Isơrael. Ưh kơ đei bơngai bu kiơ̆ adrĕch Đawit lăp adrĕch Juđa đĕch kiơ̆.

I Pot 14:7

Roi bĕ kơ Jêrôbôam 'nâu Kră Yang 'Bok Kei-Dei Isơrael khan: “Inh pôk atŏk ih đơ̆ng lăm kon pơlei pơla, ăn kơ ih pơm pơtao Isơrael kon pơlei pơla inh.

Both 14:26

Lu iĕm iŏk jên hu noh răt dôm tơmam kiơ mă iĕm wă, rơmo dah triu, sik hơmu, dah tơdrô kơtang, tơmam sa kiơ mă iĕm 'maih wă sa; na iĕm păng hnam dơnŏ gô huch sa chơt hiôk 'bơ̆t anăp Kră Yang 'Bok Kei-Dei iĕm.