I Pot 11:36 - Sơ̆p Hlabơar Nơ̆r 'Bok Kei-Dei

³⁶ Inh gô ăn minh adrĕch adrung kơ kon drŏ-nglo sư wă kơ Đawit đĭch đam Inh oei đei minh pôm ŭnh kơđeng ling-lang 'bơ̆t anăp Inh, lăm pơlei Jêrusalem, pơlei mă Inh rơih iŏk wă 'măn Anăn Inh lăm noh.

I Pot 11:36 ပူးပေါင်းရင်းမြစ်များ

II Sam 21:17

Mă-lei Abisai, kon yă Sêruia năm dŏng pơtao, blah bơngai Philistin 'noh păng pơlôch lê̆ lu sư. Kơplah noh lu linh pơtao Đawit pơkă: “Pơtao ih 'nĕ pă lĕch tơblah hơdai lu nhôn dơ̆ng, kơnh pơtao pĭt hŭt pla ŭnh kơđeng kon pơlei Isơrael.”

II Sam 22:29

Ơ Kră Yang Ih jơ̆ ŭnh kơđeng inh, pơchrang lăm jơhngơ̆m inh puh tơweh lê̆ măng mu tơdrong yoch păng tơdrong lôch.

II Sam 7:16

Adrĕch hnam ih ưh kơ đei khăi bơngai pơtrơp ih; Inh gô ăn tang-dŏ ih kơjăp khŏm khŏm. Păng dêh char pơtao ih oei kơjăp ling-lang khŏm khŏm.”

II Sam 7:29

Dang ei inh apinh Kră Yang tuh ăn pŭn hiôk kơ adrĕch hnam bơngai đĭch đam Ih, wă kơ sư oei đei 'bơ̆t anăp Ih ling-lang, yua kơ Ih ơ Kră Yang jơ̆ Kră Yang inh đei pơkă thoi noh. Apinh hơpơi kơ Ih ăn kơ adrĕch hnam đĭch đam Ih đei pŭn hiôk ling-lang.”

I Pot 11:13

Mă-lei Inh ưh kơ hek asong pơđĭ hloi ôh; mă-lei Inh gô 'măn lê̆ minh adrĕch adrung ăn kơ sư yua kơ Đawit đĭch đam Inh păng yua kơ pơlei Jêrusalem, pơlei mă Inh đei rơih.”

I Pot 11:32

Mă-lei yua kơ Đawit đĭch đam Inh păng Jêrusalem pơlei mă Inh rơih iŏk boih, đơ̆ng rim adrĕch adrung Isơrael Inh gô lê̆ kơ sư minh adrĕch.

I Pot 11:37

Inh rơih iŏk ih, ăn kơ ih pơm pơtao pơgơ̆r lu bơngai Isơrael, ih gô pơgơ̆r đĭ-đăng kiơ̆ kơ jơhngơ̆m ih wă.

I Pot 12:17

Mă-lei lu bơngai oei tơ lu pơlei lăm Juđa. Rôbôam oei pơgơ̆r lu sư.

I Pot 14:21

Rôbôam kon drŏ-nglo Sôlômôn pơgơ̆r lăm dêh char Juđa; kơplah sư tŏk pơgơ̆r, sư puăn-jĭt mônh sơnăm bơih; sư pơgơ̆r mơjĭt-tơpơh sơnăm tơ Pơlei Jêrusalem, pơlei mă Kră Yang rơih đơ̆ng lăm rim adrĕch adrung Isơrael, wă 'măn Anăn Sư tơ noh. Mĕ pơtao anăn Naama bơngai Ammôn.

I Pot 15:4

Mă-lei yua kơ Đawit, na Kră Yang 'Bok Kei-Dei ăn kơ sư minh pôm ŭnh kơđeng lăm pơlei Jêrusalem, ăn kơ kon drŏ-nglo sư pơgơ̆r pơtrơp sư, pơm ăn kơ pơlei Jêrusalem oei kơjăp,

I Pot 2:4

păng wă kơ Kră Yang gô pơsĭt nơ̆r Sư pơkă hăm inh khan: ‘Tơdah lu kon sâu ih kơchăng arih sa, tơdah lu sư wă yak năm 'bơ̆t anăp Inh, pơm kiơ̆ tơdrong juăt Inh hăm đĭ jơhngơ̆m klơm klak, lei ih ưh kơ'bah ôh bơngai hơ-oei kơpal tang-dŏ pơtao Isơrael pơtrơp ih.’

I Pot 8:29

Apinh măt Ih măng năr wei-lăng Hnam âu, anih mă Ih khan: Anăn Ih gô oei lăm hnam noh, wă kơ Ih mơ̆ng dôm nơ̆r lu đĭch đam Ih krao khan kơ anih 'nâu.

I Pot 9:3

Kră Yang khan kơ sư: “Inh kơtơ̆ng bơih dôm nơ̆r ih krao khan apinh 'bơ̆t anăp Inh. Inh 'măn lê̆ pha bơih Hnam 'nâu mă ih pơm wă kơ rơgoh, wă kơ anăn Inh oei lăm noh ling-lang; măt păng jơhngơ̆m Inh gô oei tơ noh ling-lang.

II Pot 8:19

Mă-lei, Kră Yang mơnat yua kơ Đawit đĭch đam sư, na sư ưh kơ wă pơlôch pơrăm lê̆ adrĕch adrung Juđa ôh, yua kơ Sư pơkă wă 'măn minh pôm ŭnh kơđeng ăn kơ Đawit păng adrĕch adrung sư ling-lang khŏm khŏm.

II Ho 12:13

Thoi noh pơtao Rêhôbôam pơm kơ sư kơdih kơjăp oei lăm pơlei Jêrusalem, Rêhôbôam 'nao puăn-jĭt mônh sơnăm kơplah sư pơm pơtao, sư pơgơ̆r lăm mơjĭt-tơpơh sơnăm lăm pơlei Jêrusalem, pơlei mă Kră Yang đei rơih iŏk đơ̆ng lăm adrĕch Isơrael, wă 'măn anăn Sư tơ noh; mĕ Rêhôbôam anăn Naama, bơngai Ammôn.

II Ho 21:7

Lei ră Kră Yang ưh kơ wă pơlôch Sư adrĕch pơm pơtao, yua kơ Sư đei pơgơ̆p boih hăm Đawit, Sư đei pơkă boih wă ăn minh pôm ŭnh kơđeng kơ adrĕch Đawit kon sâu sư ling-lang, hlŏng hloi.

Horiso 132:17

Tơ noh inh gô ăn hơke Đawit bluh chăt; Inh đei hơmet lê̆ ŭnh kơđeng kơ bơngai mă inh đei tuh đak rơmă.

Hêbrơ 12:22

Mă-lei kông mă 'Bok Kei-Dei wă tơ'bôh kơ bơ̆n, ưh kơ sĭ kơ kông Sinai lu bơngai noh sơ̆ ôh. Bơ̆n gô tŏk truh tơ kông Siôn tơ plĕnh ti mă đe anăn Pơlei Jêrusalem, pơlei tơ'ngla 'Bok Kei-Dei mă arih ling-lang. Tơ ei ưh kơ băt dôm rơbâu rơngan 'nu lu linh jang 'lơ̆ng akŭm kơkuh kơ 'Bok Kei-Dei hiôk chơt.

Tơdrông Tơ'bôh 21:10

Đang sư pơma thoi noh boih, na inh ưh kơ băt thoi yơ Yang Bơhngol 'Lơ̆ng ăn kơ linh jang pôk anhăk ba inh tơ kông tih kơjung, na sư tơ'bôh kơ inh Pơlei Jêrusalem 'nao, mă đe anăn Pơlei 'Lơ̆ng 'Bok Kei-Dei, jur đơ̆ng plĕnh.