I Pot 11:31 - Sơ̆p Hlabơar Nơ̆r 'Bok Kei-Dei

³¹ Đơ̆ng noh sư khan kơ Jêrôbôam: “Iŏk bĕ kơ ih mơjĭt hlak, Kră Yang 'Bok Kei-Dei Isơrael đei khan: 'Nâu, Inh gô iŏk hek lê̆ dêh char 'nâu đơ̆ng ti Sôlômôn, gô ăn kơ ih mơjĭt adrĕch adrung.

I Pot 11:31 ပူးပေါင်းရင်းမြစ်များ

II Sam 19:43

Bơngai Isơrael tơl bơngai Juđa: “Lu nhôn hăm hnam pơtao 'bơm hloh kơ lu iĕm mơjĭt wơ̆t, na gah Đawit lu nhôn jê̆ hloh kơ lu iĕm; na liơ mă lu iĕm klai kơ lu nhôn? Lu nhôn boih pơđâu adrol wă sơng pơtao brŏk dah kiơ?” Mă-lei nơ̆r pơma lu bơngai Juđa tơl; oei trăp hloh kơ nơ̆r pơma bơngai Isơrael.

I Pot 12:15

Thoi noh, pơtao ưh kơ mơ̆ng ôh nơ̆r kon pơlei pơla pơma, yua kơ tơdrong 'noh truh đơ̆ng Kră Yang ăn, wă pơsĭt nơ̆r Sư mă Kră Yang yua boih Ahija bơngai Silô khan kơ Jêrôbôam, kon drŏ-nglo Nêbat.

I Pot 14:2

Na Jêrôbôam khan kơ akăn sư. “Ih pơm thoi bơngai nai, wă kơ đe ưh kơ băt ih akăn inh. Na năm tơ Pơlei Silô, Ahija bơngai khan Lê̆ adrol oei tơ noh, sư đei khan lê̆ adrol gah inh gô pơm pơtao lu kon pơlei pơla 'nâu.

I Pot 14:8

Inh iŏk lê̆ teh đak đơ̆ng hnam Đawit na pơjao ăn kơ ih; mă-lei ih ưh kơ pơm rok kiơ̆ Đawit đĭch đam Inh, sư wei răk tơdrong juăt Inh păng kiơ̆ nơ̆r Inh tơtă hăm đĭ jơhngơ̆m, sư pơm tơdrong 'lơ̆ng tơpăt 'bơ̆t anăp Inh.”

II Pot 17:21

Kơplah Kră Yang tơklah lê̆ lu bơngai Isơrael đơ̆ng adrĕch Đawit, lu sư pôk Jêrôbôam, kon drŏ-nglo Nêbat pơm pơtao; sư pơhlŭ đe Isơrael tơklah đơ̆ng Kră Yang, pơm kơ lu sư pơm yoch tih.

II Ho 10:15

Thoi noh, pơtao ưh kơ wă mơ̆ng kiơ̆ kon pơlei, yua kơ tơdrong noh trŏ thoi Kră Yang 'Bok Kei-Dei khan wă kơ pơsĭt kơ nơ̆r Kră Yang đei khan kơ Ahija bơngai pơlei Silô khan kơ Jêrôbôam kon drŏ-nglo Nêbat.

I Sam 15:27

Samuel wih rŏng wă năm, Sôl rôp tơdrơi ao sư, na ao hiah hloi.

I Sam 15:28

Samuel khan kơ sư: Năr 'nâu Kră Yang kư̆m hek teh đak Isơrael đơ̆ng ih kư̆m thoi noh mơ̆n, na pơjao ăn kơ bơngai nai đơ̆ng, trŏ hloh kơ ih.