I Pot 11:29 - Sơ̆p Hlabơar Nơ̆r 'Bok Kei-Dei

²⁹ Kơplah 'noh Jêrôbôam lĕch đơ̆ng pơlei Jêrusalem rok trong, Ahija bơngai khan lê̆ adrol pơlei Silô tơ'bơ̆p sư, Ahija hrŭk minh blah ao tai 'nao, 'bar 'nu măr sư đĕch oei tơ 'noh.

I Pot 11:29 ပူးပေါင်းရင်းမြစ်များ

Bl 4:8

Đơ̆ng noh Kain pơtơm oh sưb Abel năm; kơplah măr sư oei tơ bri, na Kain plŏng bruh tơ Abel oh sư păng pơlôch hloi.

II Sam 14:6

Inh đĭch đam ih. Inh đei 'bar 'nu kon drŏ-nglo; bre sư tơteh tơtôn băl tơ chŭn tơ mir, ưh kơ đei bơngai bu plah, na bơngai âu teh bơngai to lôch.

I Pot 11:11

Na Kră Yang khan kơ Sôlômôn: “Yua kơ ih pơm tơdrong 'nâu, ih ưh kơ wei răk tơdrong Inh pơgơ̆p păng tơdrong juăt Inh tơtă kơ ih, na Inh gô hek lê̆ teh đak mă ih pơgơ̆r 'nâu, asong ăn kơ đĭch đam ih.

I Pot 12:15

Thoi noh, pơtao ưh kơ mơ̆ng ôh nơ̆r kon pơlei pơla pơma, yua kơ tơdrong 'noh truh đơ̆ng Kră Yang ăn, wă pơsĭt nơ̆r Sư mă Kră Yang yua boih Ahija bơngai Silô khan kơ Jêrôbôam, kon drŏ-nglo Nêbat.

I Pot 12:2

Jêrôbôam kon drŏ-nglo Nêbat, kơtơ̆ng tơdrong noh kơplah sư oei tơ dêh Êyiptơ anih sư kơdâu ôn kơ pơtao Sôlômôn, sư wih brŏk đơ̆ng dêh Êyiptơ.

I Pot 14:2

Na Jêrôbôam khan kơ akăn sư. “Ih pơm thoi bơngai nai, wă kơ đe ưh kơ băt ih akăn inh. Na năm tơ Pơlei Silô, Ahija bơngai khan Lê̆ adrol oei tơ noh, sư đei khan lê̆ adrol gah inh gô pơm pơtao lu kon pơlei pơla 'nâu.

I Pot 14:4

Akăn Jêrôbôam pơm kiơ̆ thoi noh. Sư iung, năm truh tơ hnam Ahija Pơlei Silô. Măt Ahija ưh kơ bang yua kơ sư đĭ kră bơih.

II Ho 10:15

Thoi noh, pơtao ưh kơ wă mơ̆ng kiơ̆ kon pơlei, yua kơ tơdrong noh trŏ thoi Kră Yang 'Bok Kei-Dei khan wă kơ pơsĭt kơ nơ̆r Kră Yang đei khan kơ Ahija bơngai pơlei Silô khan kơ Jêrôbôam kon drŏ-nglo Nêbat.

II Ho 9:29

Đĭ-đăng tơdrong jang Sôlômôn pơm pơjing đơ̆ng blŭng truh tơ tôch đei chih tơ lăm sơ̆p hla bơar hơ'mon Nathan bơngai khan lê̆ adrol, lăm hla bơar Ahija bơngai khan lê̆ adrol, bơngai Silô, chih lăm sơ̆p hla bơar Iđô, 'bok mă đei khan lê̆ adrol gah tơdrong Jêrôbôam, kon drŏ-nglo Nêbat.

Jôsuê 18:1

Đĭ-đăng kon pơlei Isơrael, đei akŭm tơ pơlei Silô, pơm pơdơ̆ng Bơsŭn anih akŭm blŭng-a tơ noh: Lu sư pơgơ̆r jơ̆p teh đak.