I Pot 10:8 - Sơ̆p Hlabơar Nơ̆r 'Bok Kei-Dei

⁸ Pŭn hiôk tih tơpă kơ lu đĭch đam ih bơngai mă oei hơdai ih! Lu bơngai mă oei awih awăn 'bơ̆t anăp ih ling-lang păng kơtơ̆ng dôm tơdrong gơh hơgei ih.

I Pot 10:8 ပူးပေါင်းရင်းမြစ်များ

I Pot 10:7

Kơplah inh tam mă truh tơ âu păng măt inh ưh tam mă 'bôh inh ưh kơ lui ôh dôm tơdrong mă đe roi 'noh; tơdrong mă inh kơtơ̆ng lăp minh puăt tơdrong gơh hơgei păng tơdrong mơdrŏng ih oei hloh kơ dôm tơdrong inh kơtơ̆ng.

I Pot 12:6

Thoi noh Pơtao Rôbôam pơđâu hăm lu đe kră mă đêl bơ̆jang kơ Sôlômôn 'bă sư, kơplah 'bă sư oei arih: Sư jet: Lu iĕm pơđâu liơ, wă kơ inh tơl tơwih ăn kơ kon pơlei pơla 'nâu?

Tơdrông Pơđơk 10:21

Nơ̆r 'bơ̆r lu bơngai tơpăt rong arih lơ bơngai; Mă-lei lu bơngai kơwao lôch, yua kơ ưh kơ hlôh.

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

Tơdrông Pơđơk 22:29

Ih hăm 'bôh ưh lu bơngai hơgei đei jang tơnăp? Sư gô dơ̆ng 'bơ̆t anăp lu pơtao sư ưh kơ dơ̆ng hơdai 'bơ̆t anăp lu bơngai hmă.

Tơdrông Pơđơk 8:34

Pŭn hiôk dêh bơngai bu mơ̆ng kiơ̆ nơ̆r Inh; Oei lăng măng năr 'bơ̆t 'măng jang Inh, gô răp 'bơ̆t 'măng hnam Inh.

Je 40:10

Inh athei oei lăm pơlei Mispa, tang măt kơ lu iĕm chă pơma dơnuh hăm lu bơngai Kalđê dah lu sư truh tơ bơ̆n; gah lu iĕm gơh chă phĕ plei hơmu, plei đum bơyan phang păng plei ôliwơ, na hmĕt đak sư mong lăm ge, na oei bĕ lăm pơlei mă iĕm đei oei boih.”

Luka 11:28

Mă-lei Yêsu khan: “Bơngai bu mơ̆ng nơ̆r 'Bok Kei-Dei păng pơm kiơ̆, sư boih hiôk hloh.”

Luka 11:31

Truh năr 'Bok Kei-Dei sek tơlang ning-mônh, đei yă pơtao đơ̆ng dêh Sêba jô̆ kơ lu jơhnơr iĕm dang ei bơngai yoch tih, yua kơ sơ̆ sư đơ̆ng dêh ataih kư̆m adrin năm mơ̆ng pơtao Sôlômôn bơtho hơgei. Iĕm âu đei bơngai bơtho hơgei hloh kơ pơtao Sôlômôn bơtho ră mă-lei kuă kơ tơbral kơdih tơdrong yoch.