I Pot 10:5 - Sơ̆p Hlabơar Nơ̆r 'Bok Kei-Dei

⁵ tơmam sŏng sa kơpal gơ'bang, tang-dŏ lu bơngai jang sư hơ-oei, tơdrong jang lu đĭch đam sư, hơbĕn ao lu sư hrŭk, lu bơngai năm ba kơchŏk đak nhă pơtao păng dôm tơmam soi pơyơ̆r lăm Hnam kơkuh kơ Kră Yang, yă pơtao ưh pă gơh pơma kiơ.

I Pot 10:5 ပူးပေါင်းရင်းမြစ်များ

I Pot 10:4

Lăp yă pơtao dêh char Sêba 'bôh dôm tơdrong gơh hơgei Sôlômôn păng hnam pơtao sư đei pơm,

I Pot 10:6

Sư khan kơ pơtao Sôlômôn: “Dôm tơdrong inh kơtơ̆ng đe roi lăm char inh gah nơ̆r pơma păng tơdrong gơh hơgei ih trŏ tơpă bơih.

II Pot 16:18

Yua kơ sư wă kơ lăp đon pơtao đe Asiri, na sư kư̆m teng yuih lê̆ khăn dăng kuă kơ tŏ kơ trong đơ̆ng Hnam akŭm truh tơ 'măng dur, 'măn ăn kơ pơtao năm lăm năr pơdơh Sa'bat.

I Ho 26:16

Suppim păng Hôsa hlang lăng trŏ 'măng jang Bơmơ̆t, 'măng jang Salêket, 'bơ̆t trong suăn năm tơ 'bar tŏ anih gak.

I Ho 9:18

Lu sư gak 'Măng Jang Pơtao gah hơlĕch truh tơ dang ei lu sư wei gak 'măng jang kơđông bơngai Lêwi.

II Ho 23:13

Sư 'bôh pơtao dơ̆ng jê̆ jrăng 'bơ̆t trong wă mơ̆t; lu yŏng linh păng lu bơngai hlôm keng dơ̆ng jê̆ pơtao; đĭ-đăng kon pơlei oei lăm char chơt hiôk 'nă hal hlôm keng, kư̆m đei lu bơngai hơri pơtơm pôk pơư reh brŏ, na kơkuh bơnê ư-ang kơ pơtao. Athalia hơloh hek ao sư kơdih na ôr re khan: Blah blơ̆, blơ̆ boih.

II Ho 9:4

lu tơmam sa tơ gơ'bang, tang-dŏ lu yŏng pơgơ̆r sư hơ-oei, lu bơngai awih awăn sư hơbĕn ao lu sư hrŭk, lu bơngai awih awăn ăn đak nhă hơbĕn ao tai lu sư hrŭk păng dôm lu tơmam soi 'buh pơyơ̆r lăm hnam Kră Yang, na yă pơtao Seba lăng hlĭch ưh pă băt pơma liơ.

Êsêkiên 44:3

Lăp pơtao đĕch, yua kơ sư yŏng na gơh ngôi tơ noh păng sa 'bĕng 'bơ̆t anăp Kră Yang gô mơ̆t rok trong kơdeng 'măng jang păng lĕch kư̆m trong noh.”

Êsêkiên 46:2

Yŏng pơgơ̆r gô mơ̆t trong kơdeng, gah 'măng jang noh, sư gô dơ̆ng 'bơ̆t jrăng 'măng jang; kơplah noh lu 'bok soi pơyơ̆r tơmam soi 'buh, tơmam soi apinh hiôk-hian, na sư gô kơkuh drap 'bơ̆t anăp 'măng jang, đơ̆ng noh gô lĕch. 'Măng jang noh ưh pă tang dĭng truh tơ kơsơ̆ măng.

Luka 18:10

“'Bar 'nu bơngai năm tơ hnam akŭm 'Bok Kei-Dei tơm wă krao khan. Minh 'nu 'nei bơngai Pharisi, minh 'nu dơ̆ng bơngai chă iŏk jên thuê̆.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.