I Pot 10:3 - Sơ̆p Hlabơar Nơ̆r 'Bok Kei-Dei

³ Sôlômôn tơl tơwih dôm nơ̆r sư jet 'noh. Ưh kơ đei nơ̆r jet ayơ hlơp mă Sôlômôn ưh kơ băt tơl tơwih ăn kơ sư.

I Pot 10:3 ပူးပေါင်းရင်းမြစ်များ

II Sam 14:17

Đam drŏ-kăn pơtao tơchĕng khan dơ̆ng: ‘Apinh nơ̆r đơ̆ng pơtao yŏng tơ'ngla inh pơma pơkă ăn hiôk-hian, yua kơ pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei, băt kơ lăng tơdrong 'lơ̆ng păng tơdrong kơnê̆. Apinh Kră Yang 'Bok Kei-Dei ih oei hăm ih!’ ”

II Sam 14:20

Jôap, đĭch đam pơtao, pơm thoi noh, wă hơlơ̆ kơ tơdrong truh 'nâu. Mă-lei yŏng tơ'ngla gơh hơgei nhen thoi linh jang 'lơ̆ng Kră Yang 'Bok Kei-Dei băt rơđah đĭ dôm tơdrong kơpal teh âu.

I Pot 10:1

Wă yă pơtao dêh char Sêba kơtơ̆ng đe ư-ang kơ pơtao Sôlômôn đơ̆ng anăn Kră Yang, sư năm tơ noh wă pơlong lăng tơdrong hơgei Sôlômôn hăm tơdrong pơpơn tơnat.

I Pot 10:2

Yă pơtao sư truh tơ pơlei Jêrusalem hơdai hăm lơ bơngai lơ aseh lăk-đa chơ pơgang 'bâu phu, đei maih lơ păng lu tơmo gĭt kư̆m lơ. Lăp sư năm truh tơ Sôlômôn bơih, sư roi kơ pơtao Sôlômôn dôm đon sư tơchĕng wă jet 'noh.

I Pot 10:4

Lăp yă pơtao dêh char Sêba 'bôh dôm tơdrong gơh hơgei Sôlômôn păng hnam pơtao sư đei pơm,

I Pot 3:12

'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.

II Ho 9:2

Sôlômôn tơl tơwih đĭ dôm tơdrong yă pơtao jet, ưh kơ đei nơ̆r jet ayơ mă hlơp tơnat mă ưh kơ gơh tơl kơ yă.

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

Êsai 42:16

Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

Mathiơ 13:11

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Sư ưh kơ ăn kơ lu bơngai tơpôl noh băt ôh.

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

Kôlôsê 2:3

Yua kơ bơ̆n lui kơ Yêsu Krist, na Yêsu Krist tơbăt ăn kơ bơ̆n tôm tơdrong noh mă tam mă tơbăt kơ đe đơ̆ng sơ̆.