I Pot 10:28 - Sơ̆p Hlabơar Nơ̆r 'Bok Kei-Dei

²⁸ Pơtao Sôlômôn chă aseh đơ̆ng dêh char Êyiptơ păng char Kue; lu bơngai mă pơtao Sôlômôn yua wă mơdro ăn kơ sư năm tơ char Kue chă răt lu sư răt huay kơ kăp dêh.

I Pot 10:28 ပူးပေါင်းရင်းမြစ်များ

Bl 41:42

Pơtao plôh hloi tơkhiĕn đơ̆ng ti sư tơ'bot ăn kơ Jôsep, athei đe pơhrŭk ăn kơ sư ao che rơmuăn păng tơ'băk ăn kon kiơng maih 'bơ̆t hơko sư;

Bl 47:17

Thoi noh lu kon pơlei pơla ba sem dơrong tơ Jôsep tơplih 'ba sư, hăm aseh, lu triu, khŭl rơmo păng aseh iĕ. Sơnăm noh, sư tơplih iŏk lu kon sem dơrong păng 'ba.

II Ho 9:28

Pơtao Sôlômôn răt aseh đơ̆ng dêh Êyiptơ păng đơ̆ng dêh char nai.

Tơdrông Pơđơk 7:16

Inh lơ̆k boih kơpal giơng khăn che brông 'lơ̆ng. Đơ̆ng dêh char Êyiptơ.

Êsai 19:9

Lu đe dui brai se păng lu đe tanh che kok gô ưh pă hơmĕng.

Êsai 36:9

Ih ưh kơ gơh puh tơweh lê̆ minh 'nu yŏng linh iĕ hloh lăm lu yŏng tơ'ngla inh, mă khan ih gơnang kơ dêh Êyiptơ wă kơ đei gre aseh păng lu linh kư̆m ưh kơ kĕ.

Êsêkiên 27:7

Che rơmuăn đei reng đơ̆ng Êyiptơ dăng pĕng kial, thoi hla-kơ, che pơm yơ̆p noh hăm che dreng jơk hơhĭm đơ̆ng bŏl đak dơsĭ Êlisa.

Both 17:16

Mă-lei pơtao ei 'nĕ kơ mah hiơ̆k dêh wă kơ đei aseh lơ, wă chông ba kon pơlei brŏk hơlơ̆k dơ̆ng tơ dêh Êyiptơ chă aseh; đơ̆ng Kră Yang khan: Lu iĕm 'nĕ pă wih brŏk dơ̆ng trong noh.