I Pot 1:6 - Sơ̆p Hlabơar Nơ̆r 'Bok Kei-Dei

⁶ 'Bă sư ưh kơ đei wă pơm kơ sư sơ'ngon ôh, hăm nơ̆r jet: “Liơ e pơm thoi noh?” Adonija jơ̆ minh 'nu bơngai 'lơ̆ng hơbŏ dêh, mĕ sư tơpŭ kơ sư đơ̆ng rŏng kơ Apsalôm.

I Pot 1:6 ပူးပေါင်းရင်းမြစ်များ

II Sam 14:25

Kơplah noh lăm đĭ-đăng bơngai Isơrael ưh kơ đei minh 'nu bơngai ayơ đei pơư kơ akâu jăn sư 'lơ̆ng hloh thoi lĕ Apsalôm 'lơ̆ng; iŏk đơ̆ng tơpang jơ̆ng truh tơ kơ̆l, ưh kơ đei lao 'bơ̆t yơ.

I Pot 2:22

Mă-lei pơtao Sôlômôn tơl mĕ sư: “Liơ ih apinh Abisak bơngai drŏ-kăn Sunamit ăn kơ Adonija pơm akăn? Liơ mĕ ưh kơ apinh iŏk đĭ dêh char 'nâu ăn kơ sư hloi, yua kơ sư 'nhŏng inh, liơ mĕ ưh kơ apinh ăn kơ sư 'bok soi Abiathar păng Jôap kon drŏ-nglo Sêruia hai.”

I Ho 3:2

mă pêng, Apsalôm kon drŏ-nglo mĕ sư Maaka, kon drŏ-kăn Tanmai pơtao dêh Gêsur; mă puăn Ađônija, kon drŏ-nglo mĕ sư Hagit;

Tơdrông Pơđơk 22:15

Tơdrong kơtul kơhlôh 'bôh oei chô̆ jơhngơ̆m lu hơ'lơ̆p. Mă-lei đei yua 'long teh bơtho tơdrong kơtul lĕch tơ ataih kơ sư.

Tơdrông Pơđơk 29:15

'Long băl teh chrih bơtho ăn tơdrong gơh hơgei: Mă-lei đei kon hơ'lơ̆p pơm kiơ̆ kơ sư wă pơm kơ mĕ sư mơlâu.

I Sam 10:23

Đe kơdâu chă sư tơ noh. Na chông Sôl lĕch năm tơ anăp tŏk-bŏk kon pơlei, sư kơjung hloh kơ đe, đe dang kiơ̆ hơngiĕng sư đĕch.

I Sam 3:13

Inh đei khan lê̆ adrol bơih Inh gô phak hnam dơnŏ sư ling-lang, yua kơ sư băt boih bre kon drŏ-nglo sư pơm yoch pơjăm Kră Yang 'Bok Kei-Dei, mă-lei sư ưh kơ găn bre sư.

I Sam 9:2

Kis đei kon drŏ-nglo, anăn sư Sôl, sư oei tơdăm kư̆m 'lơ̆ng hơbŏ. Lăm bơngai Isơrael ưh kơ đei bu 'lơ̆ng hơbŏ thoi sư; sư bơngai tih kơjung hloh kơ đe.