I Pot 1:47 - Sơ̆p Hlabơar Nơ̆r 'Bok Kei-Dei

⁴⁷ Lu đĭch đam pơtao năm sơkat pŭn hiôk ăn kơ pơtao Đawit yŏng bơ̆n, lu sư khan: ‘Apinh Kră Yang 'Bok Kei-Dei ih ăn kơ anăn Sôlômôn ư-ang tih hloh kơ anăn ih, ăn kơ tang-dŏ pơtao sư tih hloh kơ tang-dŏ pơtao.’ Đawit kŭp kơ̆l kơkuh 'bơ̆t giơng sư 'bĭch;

I Pot 1:47 ပူးပေါင်းရင်းမြစ်များ

Bl 47:31

Jakôp khan dơ̆ng: Kon pơkă bĕ. Jôsep pơkă, đơ̆ng noh Isơrael sơtơ̆p kŭl-tăng 'bơ̆t kơ̆l giơng sư.

II Sam 21:3

Pơtao Đawit apinh bơngai Gibeôn: “Inh athei pơm kiơ kơ lu iĕm? Inh pơm thoi yơ gơh huai iŏk tơdrong đơ̆ng Sôl pơm yoch, wă kơ lu iĕm krao apinh Kră Yang ăn tơdrong pŭn hiôk kơ kon pơlei hăm lu tơmam Sư.”

II Sam 8:10

Pơtao Tôu wơh hloi Jôram kon tơdăm sư, năm kơkuh wang chơt hiôk păng pơư kơ pơtao Đawit. Blah pơtao Hadadêser jei sư. Mă tơpă sư pơtao Tôu kư̆m đei tơblah hăm pơtao Hadadêser. Jôram chĕp pơyơ̆r ăn kơ pơtao Đawit lu tơmam pơm hăm kong, maih păng hu.

I Pot 1:37

Kră Yang oei hơdai hăm ih mă yŏng inh thoi yơ, apinh Kră Yang kư̆m oei hơdai Sôlômôn thoi noh mơ̆n, păng pơm ăn tang-dŏ pơtao sư tih hloh kơ tang-dŏ pơtao Đawit yŏng inh dơ̆ng.”

Esơra 6:10

wă kơ lu sư soi pơyơ̆r lu tơmam soi 'bâu phu ăn kơ Kră Yang 'Bok Kei-Dei kơpal plĕnh lăp đon păng krao khan kơ tơdrong arih pơtao păng lu kon drŏ-nglo inh.

Le 12:32

Na chông puh ba rơmo păng triu kư̆m năm, thoi lu iĕm đei khan na năm bĕ; păng krao khan kơ inh đei pŭn hiôk mơ̆n.

Luka 19:38

“Bơnê kơ Pơtao bơ̆n truh tơ âu yua kơ Kră Yang wơh wă ăn kơ bơ̆n hiôk-hian. Bơnê kơ 'Bok Kei-Dei kơpal plĕnh ti.”

Hêbrơ 11:21

Jakôp kư̆m lui kơjăp, na hơdrol kơ sư wă lôch, sư iung rôp 'long jra kŭp kơ̆l khan kơ bre sâu sư kon Yôsep, ning-mônh 'Bok Kei-Dei gô tơgŭm bre sư.