I Pot 1:42 - Sơ̆p Hlabơar Nơ̆r 'Bok Kei-Dei

⁴² Kơplah sư oei pơma, blư kơ Jônathan kon 'bok soi Abiathar truh, na Adonija khan: “Mơ̆t tơ âu bĕ, ih boih minh 'nu bơngai đe pơyom sĭt, rŏ lăng ih ba tơdrong 'nao 'lơ̆ng.”

I Pot 1:42 ပူးပေါင်းရင်းမြစ်များ

II Sam 15:27

Pơtao khan dơ̆ng: “Ih hăm hlôh, ih hăm 'bok soi Abiathar athei wih dơ̆ng tơ pơlei mă hiôk rơnŭk hơdai hăm 'bar 'nu kon drŏ-nglo iĕm, Ahimaas kon drŏ-nglo ih păng Jônathan kon drŏ-nglo Abiathar.

II Sam 15:36

'Bar 'nu bre sư kư̆m đei 'bar 'nu kon drŏ-nglo oei tơ noh, Ahimaas kon drŏ-nglo Sađŏk păng Jônathan, kon drŏ-nglo Abiathar; ih wơh bre sư athei năm roi tơbăt ăn kơ inh dôm tơdrong ih đei kơtơ̆ng.”

II Sam 17:17

Jônathan păng Ahimaas dơ̆ng gô tơ đak glung Ên Rôgel, đei minh 'nu bơngai drŏ-kăn juăt kơ năm roi tơbăt ăn kơ lu sư, na bre sư roi ăn kơ Đawit. Bre sư ưh kơ pơ̆n mơ̆t lăm pơlei hli kơ đe 'bôh.

II Sam 18:27

Linh gak khan: “Inh 'bôh bơngai kơdâu adrol nhen Ahimaas, kon drŏ-nglo 'bok soi Sađŏk.” Pơtao khan: “Noh jơ̆ minh 'nu bơngai 'lơ̆ng, sư boih bơngai ba tơdrong 'lơ̆ng 'nao.”

I Pot 1:41

Adonija păng đĭ-đăng lu bơngai mă sư wơ̆n sŏng sa đang boih, lu sư kơtơ̆ng nơ̆r ôr jreo. Jôap kơtơ̆ng đe hlôm keng, na jet: “Đei nơ̆r jơwa ôr jreo lăm pơlei 'nei đei tơdrong kiơ kih?”

I Pot 1:43

Mă-lei Jônathan tơl: “Ưh ôh, pơtao Đawit yŏng bơ̆n pôk ăn kơ Sôlômôn pơm pơtao boih.

I Pot 22:18

Pơtao đe Isơrael khan kơ Jêhôsaphat: “Inh đei roi kơ ih bơih sư 'nâu ưh kơ đei khan lê̆ adrol 'lơ̆ng kiơ gah inh, sư ling-lang khan lê̆ adrol kơnê̆ ngăl”

II Pot 9:22

Lăp 'bôh Jêhu na Jôram jet: “Ơ Jêhu, hăm trŏ kơ ih năm wă kơ hiôk-hian?” Mă-lei, Jêhu tơl khan: “Na! Mưh khan mĕ ih yă Jêsebel oei kơkuh pơm yang,a pơm pơjâu, na wă hiôk hơiă liơ gơh?”

Êsai 57:21

Kră Yang 'Bok Kei-Dei inh khan: “Lu bơngai kơnê̆ ưh kơ đei hiôk-hian.”