I Pot 1:41 - Sơ̆p Hlabơar Nơ̆r 'Bok Kei-Dei

⁴¹ Adonija păng đĭ-đăng lu bơngai mă sư wơ̆n sŏng sa đang boih, lu sư kơtơ̆ng nơ̆r ôr jreo. Jôap kơtơ̆ng đe hlôm keng, na jet: “Đei nơ̆r jơwa ôr jreo lăm pơlei 'nei đei tơdrong kiơ kih?”

I Pot 1:41 ပူးပေါင်းရင်းမြစ်များ

I Pot 1:40

Đĭ-đăng kon pơlei pơla kiơ̆ đơ̆ng rŏng, hlôm 'lal chhôk hơnôk dêh tơpă, teh mah pơpơ̆ kyĭng kyơ̆ng đơ̆ng jơwa nơ̆r lu sư ôr jreo.

I Pot 1:42

Kơplah sư oei pơma, blư kơ Jônathan kon 'bok soi Abiathar truh, na Adonija khan: “Mơ̆t tơ âu bĕ, ih boih minh 'nu bơngai đe pơyom sĭt, rŏ lăng ih ba tơdrong 'nao 'lơ̆ng.”

Jop 20:5

Lu bơngai pơm kơnê̆ chhôk lăp tŏ sĕt đĕch, Păng tơdrong chơt hiôk lu bơngai ưh kơ lui kư̆m lăp minh bruh mơ̆n.

Le 32:17

Kơplah noh Jôsuê kơtơ̆ng kon pơlei pơla ôr, sư khan kơ Môis khan: “Đei jơwa tơdrong tơblah tơ lăm anih kon pơlei.”

Tơdrông Pơđơk 14:13

Mă khan kơplah oei hiĕk chơt, kư̆m đei lăm jơhngơ̆m ơh sơ'ngon. Păng tuch-luch tơdrong chơt hiôk noh jing tơdrong ơh sơ'ngon tih.

Mathiơ 21:15

Lu 'bok soi tih, lu thây bơtho đe Juđê 'bôh tơdrong mơsêh Sư pơm noh păng kơtơ̆ng lu đe hơ'lơ̆p wang hô pơma ư-ang kơ Sư khan: “Hôsana, bơnê kơ 'Bok Krist Kon Sâu pơtao Đawit.” Lu sư 'bôh thoi noh, lu sư blĕk dêh.

Jang 21:31

Na lu kon pơlei pơla wă pơlôch hloi Pôl ră, mă-lei đei minh 'nu bơngai năm pơtruh tơ 'bok tih linh khan: “Đĭ-đăng lăm Pơlei Jêrusalem dang ei đơđơu đơđao mao.”