I Pot 1:40 - Sơ̆p Hlabơar Nơ̆r 'Bok Kei-Dei

⁴⁰ Đĭ-đăng kon pơlei pơla kiơ̆ đơ̆ng rŏng, hlôm 'lal chhôk hơnôk dêh tơpă, teh mah pơpơ̆ kyĭng kyơ̆ng đơ̆ng jơwa nơ̆r lu sư ôr jreo.

I Pot 1:40 ပူးပေါင်းရင်းမြစ်များ

I Pot 1:39

Tơ noh 'bok soi Sadok iŏk hơke mong đak pơgang 'bâu phu đơ̆ng lăm bơsŭn anih akŭm tuh kơpal kơ̆l Sôlômôn. Đe hlôm tơgiĕp păng đĭ-đăng kon pơlei pơla ôr jreo pơma khan: “Sôlômôn pơtao arih sot!”

I Pot 1:41

Adonija păng đĭ-đăng lu bơngai mă sư wơ̆n sŏng sa đang boih, lu sư kơtơ̆ng nơ̆r ôr jreo. Jôap kơtơ̆ng đe hlôm keng, na jet: “Đei nơ̆r jơwa ôr jreo lăm pơlei 'nei đei tơdrong kiơ kih?”

I Pot 1:45

'Bok soi Sadok, Nathan bơngai khan lê̆ adrol tuh đak rơmă 'bâu phu tơ kơ̆l pôk sư pơm pơtao tơ pơlei Gihôn; đơ̆ng noh lu sư tŏk năm hăm tơdrong chhôk hal, păng đei jơwa nơ̆r pơma ơ-ơ̆r ơ-ăr jơ̆p tơ lăm pơlei tih mă iĕm đei kơtơ̆ng boih noh.

II Pot 11:14

Yă ei lăng 'bôh pơtao dơ̆ng 'bơ̆t anih kơjung kiơ̆ thoi tơdrong juăt kơ̆m giĕng hmă, đei lu yŏng linh păng đei lu bơngai hlôm tơgiĕp dơ̆ng jê̆ sư păng đĭ-đăng kon pơlei lăm dêh char sư hiôk chơt hlôm tơgiĕp ngăl. Yă Athalia hek hloi ao sư kơdih păng hơdrăi rơ̆n khan: “Blơ̆ blĕch! Blơ̆ blĕch!”

II Pot 11:20

Đĭ-đăng kon pơlei chơt hiôk ngăl, păng pơlei ei gơh hiôk hơđơ̆ng, đơ̆ng rŏng kơ đe pơlôch yă Athalia hăm đao gưm 'bơ̆t anih hnam pơtao.

Horiso 97:1

Kră Yang pơgơ̆r, ơ teh chhôk hal bĕ; Ơ lu bŏl đaka chơt hiôk bĕ.

Da 3:5

Tơdah iĕm kơtơ̆ng keng, brŏ, tơgiĕp, 'lal, lillul đe hlôm re, lei lu iĕm athei drap bon kơkuh kơ rup man mă pơtao pơdơ̆ng âu:

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Luka 19:37

Kơplah lu sư jur đơ̆ng kông Ôliwơ, na đei lơlap lơlang lu bơngai lui lu sư chhôk na pơma re 'bơ̆r wă ư-ang kơ 'Bok Kei-Dei, yua kơ lu sư băt Yêsu Kon 'Bok Kei-Dei gơh pơm lơ tơdrong mơsêh mơyang tơpă. Na lu sư khan:

I Sam 11:15

Đĭ-đăng kon pơlei wang năm tơ Gilgal; tơ ei, 'bơ̆t anăp Kră Yang lu sư pơk Sôl pơm pơtao. Tơ ei lu sư pơyơ̆r tơmam soi bơnê kơ Kră Yang. Đơ̆ng noh, Sôl păng đĭ-đăng kon pơlei Isơrael et sa chơt hiôk pă băt dang yơ.

I Sam 4:5

Wă Hom Pơgơ̆p Kră Yang tung tơmơ̆t truh tơ lăm kơđông linh, đĭ-đăng bơngai Isơrael jreo hiôk chơt tih, teh mah pơpơ̆.