I Pot 1:36 - Sơ̆p Hlabơar Nơ̆r 'Bok Kei-Dei

³⁶ Bênaia kon drŏ-nglo Jêhôiada tơl pơtao, “A-men! Apinh Kră Yang 'Bok Kei-Dei ih yŏng inh, kư̆m khan thoi noh mơ̆n.

I Pot 1:36 ပူးပေါင်းရင်းမြစ်များ

II Sam 8:18

Bênaia kon tơdăm Jêhôiada pơm yŏng pơgơ̆r linh wei pơtao, lu kon pơlei Kêrêthit păng kon pơlei Pêlithit; gah lu kon drŏ-nglo Đawit tơgŭm sư chă đon.

I Pot 1:35

Iĕm năm kiơ̆ đơ̆ng rŏng sư tŏk truh tơ anih pơtao, sư gô hơ-oei kơpal tang-dŏ pơtao pơgơ̆r pơtrơp inh. Inh pơjao ăn kơ sư pơm pơtao lu bơngai Isơrael păng lu bơngai Juđa.”

I Pot 1:37

Kră Yang oei hơdai hăm ih mă yŏng inh thoi yơ, apinh Kră Yang kư̆m oei hơdai Sôlômôn thoi noh mơ̆n, păng pơm ăn tang-dŏ pơtao sư tih hloh kơ tang-dŏ pơtao Đawit yŏng inh dơ̆ng.”

I Ho 17:27

Ih hiôk ăn tơdrong pŭn hiôk kơ hnam đĭch đam Ih, wă kơ sư gơh oei đei ling-lang khŏm khŏm 'bơ̆t anăp Ih, yua kơ, ơ Kră Yang, tơmam kiơ ih ăn pŭn hiôk, gô đei pŭn hiôk ling-lang khŏm khŏm!”

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 63:1

Ơ Kră Yang 'Bok Kei-Dei Ih boih Kră Yang 'Bok Kei-Dei inh, inh krao chă Ih; thoi teh hrĕng kro, hơđang, ưh kơ đei đak. Bơhngol inh rơhing kơ Ih. Akâu jăn inh hơpơi kơ Ih.

Horiso 72:19

Trŏ hơri bơnê ư-ang anăn Sư ling-lang truh ning-mônh. Ăn tơdrong ư-ang Sư 'bĕnh-'bang jơ̆p kơ teh đak! A-men! A-men!

Horiso 89:20

Inh chă 'bôh boih Đawit, đĭch đam Inh, Tuh boih kơ sư đak rơmă 'lơ̆ng rơgoh Inh.

Horiso 89:26

Sư gô krao Inh: Ih boih 'Bă Inh. Kră Yang 'Bok Kei-Dei inh păng Tơmo Tih tơdrong dŏng pơklaih inh.

Je 11:5

Na Inh wă pơsĭt nơ̆r Inh pơkă pơkăm hăm lu 'bok yă iĕm, wă ăn kơ lu sư dêh char 'lơ̆ng đei ro thoi đak sut đak toh,’ char mă iĕm oei dang ei.” Inh tơl: “Ơ Kră Yang ăn đei bĕ thoi noh, A-men.”

Je 28:6

Jêrêmi 'bok khan lê̆ adrol khan: “Trŏ tơpă apinh Kră Yang pơm bĕ thoi noh; apinh Kră Yang pơm bĕ trŏ thoi nơ̆r ih đei khan lê̆ adrol wă iŏk pơdrâu đĭ đêl dôm tơmam gĭt lăm hnam Kră Yang păng chông ba brŏk đĭ-đăng lu bơngai Juđa đêl pơm bơnă đơ̆ng lăm char Babilôn wih tơ anih âu!

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

I Kor 14:16

Dah bu krao khan bơnê kơ 'Bok Kei-Dei yua nơ̆r hlĭch pơhiôk lăm jơhngơ̆m sư kơdih đĕch, lei thoi yơ bôl bơ̆n mă ưh kơ hlôh hơdai wang bơnê kơ 'Bok Kei-Dei tơdrong sư ưh kơ hlôh?

I Sam 25:29

Tơdah đei bu wă iung pơm kơnê̆ păng pơrăm tơdrong arih ih Kră Yang 'Bok Kei-Dei ih gô bơwei tơdrong arih lăm hơnŭng lu bơngai arih; gah tơdrong arih lu bơngai ayăt kơ ih, Kră Yang gô klơ̆m tŭk lê̆ mă ataih thoi hră prah 'brơ̆m tơmo.