I Pot 1:34 - Sơ̆p Hlabơar Nơ̆r 'Bok Kei-Dei

³⁴ Tơ noh bre 'bok soi Sadok hăm Nathan bơngai khan lê̆ adrol tuh đak rơmă 'bâu phu pôk sư pơm pơtao Isơrael, lu iĕm hlôm tơgiĕp na jreo re khan: Pơtao Sôlômôn arih sot!

I Pot 1:34 ပူးပေါင်းရင်းမြစ်များ

II Sam 15:10

Apsalôm kư̆m wơh lu bơngai năm tơ jơ̆p lăm lu adrĕch adrung Isơrael na pơkă khan: “Lăp 'nhŏng oh kơtơ̆ng re đe hlôm keng, lei athei wang ôr khan: ‘Apsalôm pơm pơtao tơ Hêbrôn!’ ”

II Sam 2:4

Lu bơngai Juđa năm truh tơ Hêbrôn tơ noh na lu sư tuh đak rơmă kơ Đawit pôk sư pơm pơtao bơngai Juđa. Đe năm roi ăn kơ Đawit: “Kon pơlei Jabes Gileat 'bŭ hơmet Sôl.”

II Sam 5:3

Đĭ-đăng lu kră bơngai Isơrael năm tơ pơtao Đawit tơ Hêbrôn; pơtao Đawit đei pơm tơdrong pơgơ̆p hăm lu sư tơ Hêbrôn 'bơ̆t anăp Kră Yang, na lu sư tuh đak rơmă pôk Đawit pơm pơtao Isơrael.

I Pot 1:25

Năr 'nâu sư jur năm pơyơ̆r tơmam soi rôp rơmo tơno, kon rơmo dăm bek păng triu lơ dêh, na sư kư̆m đei krao wơ̆n đĭ-đăng kon drŏ-nglo pơtao, Jôap yŏng linh, 'bok soi Abiathar; lu sư oei et sa 'bơ̆t anăp Adonija păng jreo ôr 'bơ̆r re khan: ‘Adonija pơtao arih sot!’

I Pot 1:35

Iĕm năm kiơ̆ đơ̆ng rŏng sư tŏk truh tơ anih pơtao, sư gô hơ-oei kơpal tang-dŏ pơtao pơgơ̆r pơtrơp inh. Inh pơjao ăn kơ sư pơm pơtao lu bơngai Isơrael păng lu bơngai Juđa.”

I Pot 1:39

Tơ noh 'bok soi Sadok iŏk hơke mong đak pơgang 'bâu phu đơ̆ng lăm bơsŭn anih akŭm tuh kơpal kơ̆l Sôlômôn. Đe hlôm tơgiĕp păng đĭ-đăng kon pơlei pơla ôr jreo pơma khan: “Sôlômôn pơtao arih sot!”

I Pot 19:16

Păng tuh đak rơmă 'bâu phu kơ Jêhu kon drŏ-nglo Nimsi pôk sư pơm pơtao đe Isơrael; đơ̆ng noh ih athei tuh đak rơmă 'bâu phu kơ Êlisê kon drŏ-nglo Saphat đơ̆ng Pơlei Abel Mêhôla jing bơngai khan lê̆ adrol tơplih ih.

II Pot 11:12

Jêhôiada chông hloi kon tơdăm pơtao noh lĕch, pơyơ̆l ăn kơ sư môk pơtao, păng ăn kơ sư sơ̆p hla bơar tơdrong juăt. Thoi noh đe pôk sư pơm pơtao, tuh đak 'bâu phu kơpal kơ̆l sư, păng đĭ-đăng lu đe ei tap ti ôr jreo, khan: “Pơtao arih ling-lang khŏm khŏm.”

II Pot 11:14

Yă ei lăng 'bôh pơtao dơ̆ng 'bơ̆t anih kơjung kiơ̆ thoi tơdrong juăt kơ̆m giĕng hmă, đei lu yŏng linh păng đei lu bơngai hlôm tơgiĕp dơ̆ng jê̆ sư păng đĭ-đăng kon pơlei lăm dêh char sư hiôk chơt hlôm tơgiĕp ngăl. Yă Athalia hek hloi ao sư kơdih păng hơdrăi rơ̆n khan: “Blơ̆ blĕch! Blơ̆ blĕch!”

II Pot 9:13

Lu sư wang hăt hot iŏk hơbĕn ao kơdih lơ̆k tơ ala jơ̆ng Jêhu lơ̆k rok lu kơnao kung. Đơ̆ng noh lu sư hlôm tơgiĕp păng ôr re khan: “Jêhu pơm pơtao!”

II Pot 9:3

Ih iŏk get đak 'bâu phu, tuh kơpal kơ̆l sư păng khan: “Kră Yang khan thoi âu: Inh tuh đak 'bâu phu ăn kơ ih pơm pơtao Isơrael.” Đơ̆ng noh ih athei pơih 'măng lĕch weh hloi, 'nĕ kơ hiơ̆ hŏ.

II Pot 9:6

Thoi noh, Jêhu gruih iung mơ̆t lăm hnam, na bơngai tơdăm ei tuh đak 'bâu phu kơpal kơ̆l sư păng khan: “Kră Yang 'Bok Kei-Dei Isơrael khan thoi âu: Inh rơih iŏk ih ăn kơ đe tuh đak 'bâu phu ăn kơ ih pơm pơtao đe Isơrael wei-lăng kon pơlei Kră Yang.

II Ho 23:11

Jêhôiada hăm lu kon drŏ-nglo Sư chông kon pơtao lĕch, pơyơ̆l ăn kơ sư môk pơtao păng ăn kơ sư sơ̆p hla bơar khôi juăt, na pôk sư pơm pơtao; sư tuh đak rơmă tơ kơ̆l Jôas păng khan: “Pơtao arih ling-lang!”

Horiso 45:7

Kră Yang lăp kơ tơdrong tơpăt păng areh tơdrong kơnê̆. Thoi noh Kră Yang 'Bok Kei-Dei, Jơ̆ Kră Yang 'Bok Kei-Dei Ih, tuh boih đak rơmă kơ Ih. Hăm đak rơmă tơdrong chơt hiôk hloh kơ buăl ih.e

Horiso 89:20

Inh chă 'bôh boih Đawit, đĭch đam Inh, Tuh boih kơ sư đak rơmă 'lơ̆ng rơgoh Inh.

Horiso 89:36

Adrĕch adrung sư oei oei ling-lang, Tang-dŏ pơtao sư gô sot thoi măt 'năr 'bơ̆t anăp Inh.

Êsai 45:1

Kră Yang khan kơ Sirus bơngai Sư rơih tuh đak pơgang 'bâu phu. Inh rôp ti 'ma sư bơih wă pơm kơ lu dêh char chu kơ sư, na Inh iŏk lê̆ tơmam tơblah lu pơtao, wă pơih 'măng Jang pơlei, 'bơ̆t anăp sư, na đe ưh kơ gơh tang dơ̆ng!

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

I Sam 10:1

Samuel iŏk minh gĕl getchai iĕ mong đak rơmă 'bâu phu, na tuh tơ kơ̆l Sôl, đơ̆ng noh chŭm sư păng khan: 'Nâu Kră Yang tuh đak rơmă 'bâu phu kơ ih wă kơ ih pơgơ̆r kon pơlei Sư.

I Sam 10:24

Samuel khan kơ kon pơlei: Lu iĕm lăng 'nâu bơngai mă Kră Yang rơih iŏk? Lăm đĭ-đăng kon pơlei hoh-hoy ưh kơ đei bu dang sư ôh. Đĭ-đăng kon pơlei jreo păng ôr khan: Ăn kơ pơtao arih ling-lang!

I Sam 16:3

Ih krao Jese dai năm mơ̆n. Inh gô bơtho ăn kơ ih băt tơdrong kiơ ih gô pơm, Inh tơ'bôh ăn kơ ih bơngai bu ih gô tuh đak rơmă wă pơk sư pơm pơtao bơ̆jang kơ Inh.