I Pot 1:13 - Sơ̆p Hlabơar Nơ̆r 'Bok Kei-Dei

¹³ Ih năm hloi bĕ tơ pơtao Đawit păng khan kơ sư: Ơ pơtao, yŏng inh! Ih hăm pơkă pơkăm hăm đam drŏ-kăn ih khan: Sôlômôn kon drŏ-nglo inh, ih gô pơtrơp pơm pơtao tơplih inh, sư oei kơpal tang-dŏ pơtao dah kiơ? Liơ dang ei tă tơ Adonija pơm pơtao?

I Pot 1:13 ပူးပေါင်းရင်းမြစ်များ

I Pot 1:11

Na Nathan khan kơ Batsêba mĕ Sôlômôn. “Ih ưh kơ băt ôh hă Adonija kon drŏ-nglo yă Hagit pơm pơtao, mă Đawit pơtao bơ̆n kư̆m ưh kơ băt mơ̆n tơdrong noh hă?

I Pot 1:14

Kơplah ih oei tơ noh pơma dơnuh hăm pơtao, inh gô mơ̆t kiơ̆ ih păng wă pơsĭt dôm nơ̆r ih.”

I Pot 1:17

Yă Batsêba tơl: “Ơ pơtao, ih đei pơkă pơkăm boih hăm inh đam ih, hăm anăn Kră Yang 'Bok Kei-Dei ih: ‘Sôlômôn kon drŏ-nglo inh gô pơm pơtao tơplih inh, sư gô hơ-oei kơpal tang-dŏ pơtao inh.’

I Pot 1:24

Nathan khan: “Ơ pơtao ih hăm đei khan kơ Adônja gô hơ-oei kơpal tang-dŏ pơtao pơgơ̆r pơtrơp ih?

I Pot 1:30

Thoi inh đei pơkă pơkăm boih hăm ih hăm anăn Kră Yang 'Bok Kei-Dei Isơrael tơpă: Sôlômôn kon drŏ-nglo ih gô pơm pơtao pơgơ̆r pơtrơp inh, sư gô hơ-oei kơpal tang-dŏ tơplih inh, năr 'nâu boih inh gô pơm pơkeh tơdrong noh.”

I Pot 1:35

Iĕm năm kiơ̆ đơ̆ng rŏng sư tŏk truh tơ anih pơtao, sư gô hơ-oei kơpal tang-dŏ pơtao pơgơ̆r pơtrơp inh. Inh pơjao ăn kơ sư pơm pơtao lu bơngai Isơrael păng lu bơngai Juđa.”

I Pot 1:48

păng khan: ‘Kơkuh bơnê ư-ang kơ Kră Yang 'Bok Kei-Dei bơngai Isơrael, năr 'nâu Ih đei ăn kơ măt inh đei 'bôh boih kon drŏ-nglo inh hơ-oei kơpal tang-dŏ pơtao inh.’ ”

I Pot 2:12

Sôlômôn hơ-oei kơpal tang-dŏ pơtao Đawit 'bă sư păng dêh char pơtao sư kơjăp 'lơ̆ng tơpă.

I Ho 28:5

Lăm lu kon drŏ-nglo inh, tơpă Kră Yang ăn kơ inh đei lơ kon drŏ-nglo Sư rơih iŏk Sôlômôn, kon drŏ-nglo inh, pơm pơtao lăm dêh char pơtao Kră Yang pơgơ̆r wei-lăng Isơrael.

I Ho 29:23

Sôlômôn iung pơm pơtao Kră Yang pơtrơp kơ Đawit, 'bă Sư mơdrŏng tih; đĭ-đăng Isơrael chu kiơ̆ nơ̆r sư.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Je 33:21

lei na gơh pơrăm nơ̆r pơgơ̆p Inh hăm Đawit, đĭch đam Inh, wă khan sư ưh pă đei kon sâu drŏ-nglo wă pơm pơtao pơgơ̆r dơ̆ng păng pơrăm nơ̆r pơgơ̆p Inh hăm lu 'Bok soi, bơngai Lêwi, lu bơngai jang kơ Inh kư̆m lei-lăi.

Both 17:18

Kơplah mă sư pơm pơtao, pơtao athei pơm kiơ̆ khôi juăt 'nâu, mă đơ̆ng lu 'bok soi adrĕch bơngai Lêwi, chih wei minh sơ̆p răk kơdih.