I Pot 1:1 - Sơ̆p Hlabơar Nơ̆r 'Bok Kei-Dei

¹ Pơtao Đawit đĭ kră sơnăm đĭ kơjung boih, mă khan đe pơhrŭk ăn hơbĕn ao kơ sư lơ hơdôm blah ră mă-lei sư oei ưh kơ tơnŏ.

I Pot 1:1 ပူးပေါင်းရင်းမြစ်များ

Bl 18:11

Âu, Abraham păng Sara đĭ kră boih, sơnăm bre sư đĭ lơ, Sara ưh pă gơh pơjing hơ'lơ̆p kiơ̆ kơ bơngai drŏ-kăn hmă.

Bl 24:1

Abraham kră boih, sơnăm đĭ lơ, lăm tôm tơdrong Kră Yang đei ăn pŭn hiôk kơ sư.

II Sam 24:25

Đawit pơm minh pôm chơnang soi kơkuh, wă kơkuh kơ Kră Yang, pơtao pơyơ̆r kơ Kră Yang tơmam soi 'buh. Păng tơmam soi hiôk-hian. Kră Yang tơl tơwih nơ̆r pơtao krao apinh ăn kơ teh đak, păng tơdrong jĭ hơbuh pơdơh ưh pă pơrăm kon pơlei Isơrael dơ̆ng.

II Sam 5:4

Kơplah Đawit pơm pơtao, sư 'nao pêng-jĭt sơnăm păng sư pơgơ̆r lăm puăn-jĭt sơnăm.

I Pot 1:15

Na, yă Batsêba năm tơ lăm anih pơtao. Pơtao đĭ kră dêh boih. Đei Abisak drŏ-kăn bơngai Sunamit awih awăn kơ pơtao,

I Pot 1:2

Na lu đĭch đam sư khan kơ sư: “Lê̆ nhôn chă ăn kơ ih mă yŏng pơtao nhôn, minh 'nu adruh 'nao iung, wă kơ sư awih awăn păng wei-lăng ih. Sư gô 'bĭch 'bơ̆t cheng ih, wă kơ ih, yŏng pơtao nhôn tơnŏ.

I Ho 23:1

Đawit đĭ kră, sơnăm sư đĭ sot bơih, na sư pơchĕp ăn kơ kon drŏ-nglo sư Sôlômôn pơm pơtao Isơrael.

Horiso 90:10

Sơnăm lu nhôn arih kư̆m lăp truh tơpơh-jĭt. Dah đei pran 'biơ̆ truh tơ tơhngam-jĭt. Mă-lei tơdrong pơang lu sư, jơ̆ lăp pơmat-tat păng ơh sơ'ngon. Yua kơ tơdrong arih lu nhôn 'bônh kơ tôch, đơ̆ng noh lu nhôn păr hiong.

Bôk Bơthô 4:11

Kŭm thoi ei, 'bar 'nu 'bĭch hơdai tơtŏ; 'bĭch minh 'nu liơ gơh tơtŏ

Luka 1:7

Mă-lei bre sư ưh kơ đei hơ'lơ̆p yua kơ Êlisabet bơngai hơwŏng. Bre sư kư̆m kră ngăl boih.

Jôsuê 13:1

Jôsuê kră boih, arih sot lơ sơnăm Kră Yang khan kơ sư: Ih kră boih, oei đei lơ dêh char ưh tam mă blah iŏk.