I Pet 5:8 - Sơ̆p Hlabơar Nơ̆r 'Bok Kei-Dei

⁸ Bơ̆n athei chơ̆n jơhngơ̆m păng kơchăng kơdih, yua kơ yŏng pơgơ̆r yang kơnê̆ mă ayăt kơ bơ̆n, sư nơnăm jơ̆p-jang arum thoi kiĕk wă rôp sa bơ̆n.

I Pet 5:8 ပူးပေါင်းရင်းမြစ်များ

Esther 7:6

Esther tơl: Minh 'nu bơngai ayăt kơnê̆ noh jơ̆ Haman! Kơplah noh Haman hli dêh 'bơ̆t anăp pơtao păng yă pơtao Esther.

Jop 2:2

Kră Yang jet Satan: “E đơ̆ng yơ?” Satan tơl Kră Yang, “inh chă lăng nơnăm juang jơ̆p-jang kơ teh đak.”

Horiso 104:21

Lu dăm-brang mơlôh grĕnh chă sa, chă sa tơmam mă đơ̆ng Kră Yang 'Bok Kei-Dei ăn kơ lu sư.

Horiso 109:6

Ăn bĕ bơngai kơnê̆ pơm kơ lu sư, Ăn bơngai jâu dơ̆ng gah 'ma kơ lu sư.

Tơdrông Pơđơk 19:12

Pơtao hil nhen thoi dăm-brang grĕnh Mă-lei đei tơdrong sư mơnat thoi ngom kơpal 'nhĕt.

Tơdrông Pơđơk 20:2

Tơdrong pơtao hil thoi dăm-brang grĕnh, Bơngai bu kơ chu pơgreh pơtao gô hiong tơdrong arih kơdih akâu.

Tơdrông Pơđơk 28:15

Bơngai kơnê̆ pơgơ̆r kon pơlei dơnuh hin; Nhen thoi dăm-brang grĕnh gơhuh nhen thoi chơgơu druh sem bri wă rôp sa.

Êsai 50:8

Tơ'ngla mă jô̆ inh 'lơ̆ng tơpăt oei jê̆; bơngai bu pơ̆n ayăt hăm inh Bĕ bơ̆n iung dơ̆ng hơdai hăm inh. Bu wă jâu inh Athei năm jê̆ inh bĕ!

Je 2:15

Dăm-brang ôr grĕnh, hơnganh bruh tơ sư. Pơm ăn kơ teh đak sư jing juơ. Lu pơlei tih sư đe soh pơrăm ưh pă đei bơngai oei.

Je 51:38

Lu kon pơlei ôr hơdai thoi dăm-brang, grĕnh thoi dăm-brang kon.”

Êsêkiên 19:7

Sư pơrăm lu pơlei kơjăp; păng pơm kơ lu pơlei lu sư jing juơ tơtŭng, teh đak păng kon pơlei oei lăm noh hli ngăl kơ nơ̆r sư ôr gơhuh.

Êsêkiên 22:25

Lu 'bok khan lê̆ adrol lăm lu iĕm đei pơgơ̆p băl nhen thoi dăm-brang grĕnh hơrum sa tơmam đêl lu sư rôp. Lu sư châu sa bơngai, tơtông iŏk lu mŭk tơmam gĭt, pơm kơ lơ bơngai drŏ-kăn jing adro po lăm pơlei.

Da 6:24

Kiơ̆ thoi pơtao đei athei, dôm lu bơngai đêl kêng Đaniel noh hăm lu kon akăn sư, athei đe klơ̆m lê̆ tơ lăm sơlŭng dăm-brang noh. Lu sư tam mă truh tơ kơđĕl sơlŭng ră mă-lei kơplah noh lu dăm-brang plŏng rôp hek hok kơting đĭ hloi.

Hôsia 11:10

Sư gô grĕnh thoi dăm-brang, na lu bơngai Isơrael gô kiơ̆ rŏng Kră Yang, mưh Sư arum, na kon sâu Sư đơ̆ng gah bơmơ̆t gô truh hli tơtơ̆.

Hôsia 13:8

Inh gô châu lu sư thoi chơgơu yŏng bruh kơ đe rôp tơgar iŏk kon sư. Inh gô châu hek hơđah kơtơh lu sư, đơ̆ng noh inh gô kăp sa lu sư thoi dăm-brang yŏng. Lu sem bri gô hek sa lu sư.

Jôel 3:16

Kră Yang ôr gơhuh đơ̆ng pơlei Siôn, Sư ôr pơret thoi grơ̆m glaih đơ̆ng Jêrusalem. Tơ kơpal plĕnh tơ ala teh pơpơ̆ tơdrŏ ngăl, mă-lei Sư bơih anih kon pơlei pơla Sư kơ'nơp gơnang, jing minh kơđông kơjăp kơ lu kon sâu Isơrael.

Am 1:2

Amôs khan: Kră Yang gô krao ôr đơ̆ng Siôn. Sư gô ôr pơret nơ̆r sư đơ̆ng Jêrusalem. Dôm lu 'nhĕt 'nhot bơngai wei triu kro jô păng tơ kơ̆l Kông Karmel 'long pơgê kư̆m jô kro mơ̆n.

Am 3:4

Hăm trŏ dăm-brang ôr lăm bri, tơdah sư ưh kơ đei rôp sa sem kiơ? Dah dăm-brang ưh kơ đei rôp sa kiơ hăm trŏ sư ôr đơ̆ng lăm trôm anih sư.

Am 3:8

Kơplah dăm-brang ôr grĕnh, hăm đei bu mă ưh kơ hli? Dah Kră Yang bơtho khan boih hăm đei bu ưh kơ khan lê̆ adrol?

Sa 11:3

Đei nơ̆r ôr nhơ̆m hmoi lu bơngai wei triu! Yua kơ pơrăm đĭ boih tơdrong ư-ang lu sư; đei lu kon dăm-brang grĕnh ôr! Yua kơ tơdrong 'lơ̆ng rŏ Jôrđăn răm đĭ boih.

Sa 3:1

Đơ̆ng noh, Kră Yang ăn kơ inh 'bôh 'bok soi tơm Jôsua oei dơ̆ng 'bơ̆t anăp linh jang Kră Yang păng Satana oei gah 'ma kơ sư wă kêng sư.

Mathiơ 13:39

Bơngai mă rei găr 'nhĕt noh wă khan yŏng pơgơ̆r yang kơnê̆. Bơyan 'ba noh wă khan năr tôch ning-mônh. Lu bơngai kĕch noh wă khan lu linh jang 'lơ̆ng.

Mathiơ 24:42

Thoi noh na iĕm athei kơchăng bĕ, yua kơ iĕm ưh kơ băt layơ Inh mă Kră Yang iĕm wă jur dơ̆ng.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 4:1

Đơ̆ng noh na Yang Bơhngol 'Lơ̆ng anhăk ba Yêsu tơ char glă kơdrô̆ Sư, wă kơ yŏng pơgơ̆r yang kơnê̆ anăn sư Satan pơlong lăng Sư.

Mathiơ 4:11

Satan kơdâu weh hloi đơ̆ng Sư, na blư bla kơ linh jang 'lơ̆ng năm tơgŭm Sư.

Markôs 4:15

Lăp đe bơtho nơ̆r 'Bok Kei-Dei, lu bơngai mơ'nah thoi lĕ kơ găr 'ba đêl đe rei mơ'nah huŏng 'bơ̆t trong. Lu sư kơtơ̆ng ră nơ̆r 'Bok Kei-Dei, na yang Satan yŏng pơgơ̆r yang kơnê̆, sư tơgar iŏk nơ̆r đêl đe bơtho 'noh.

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.

Luka 21:36

Thoi noh na iĕm athei kơchăng păng krao khan ling-lang wă kơ iĕm kĕ ĕnh dôm tơdrong noh na dơ̆ng 'bơ̆t anăp Inh Kon Bơngai ning-mônh.”

Luka 22:31

“Ơ Pêtrôs, ih mơ̆ng Inh 'biơ̆ bĕ. Yang Satan apinh 'Bok Kei-Dei wă pơlong lăng tơdrong lui lu iĕm thoi lĕ đe wă um 'ba.

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

II Kor 2:11

Na dang ei đĭ-đăng kơ bơ̆n 'nĕ pă jô̆ yo kơ bơngai mă yoch noh, hli kơ sư hiong lăm tơdrong yang Satan, yua kơ bơ̆n băt kơ yang Satan sư pơhlŭ hơgei dêh.

Êphêsô 4:27

hli kơ yang kơnê̆ pơhlŭ iĕm.

Êphêsô 6:11

Thoi kơ lu linh wă năm tơblah, lu sư chĕp tôm kơ tơmam tơblah, wă kơ tơblah jei sư, na bơ̆n kư̆m lei-lăi athei gơnang kơ 'Bok Kei-Dei tơgŭm bơ̆n tôm tơdrong wă kơ bơ̆n đei jơhngơ̆m pran huay kơ lui kơ yang Satan pơhlŭ.

I Tim 2:15

Mă-lei lu bơngai drŏ-kăn gô đei jơhngơ̆m hiôk yua kơ sư tơpŭ kon. Păng sư athei lui kơ 'Bok Kei-Dei khŏm khŏm păng 'mêm kơ 'Bok Kei-Dei hăm đĭ-đăng bơngai. Sư athei pơm jơhngơ̆m 'lơ̆ng tơpăt păng 'nĕ kơ pơm kư̆ kă.

I Tim 2:9

Gah tơdrong hơbĕn ao lu bơngai drŏ-kăn, inh ưh kơ wă kơ sư hrŭk hơbĕn ao wă pơang akâu kơdih đĕch. Păng inh ưh kơ wă kơ sư pơm sŏk sư wă pơang kơ đe; păng ưh kơ wă kơ sư 'bot tơmam maih hơdah anam kăp. Inh ưh kơ wă kơ sư hrŭk ao rŏ kăp jên mơ̆n.

I Tim 3:11

Lu bơngai drŏ-kăn wă jang lăm hnam 'Bok Kei-Dei, sư kư̆m athei pơm mă 'lơ̆ng tơpăt mơ̆n; 'nĕ kơ pơma plĕch kơ đe, 'nĕ kơ et sik suai. Sư athei pơm tôm tơdrong 'lơ̆ng tơpăt ngăl.

II Tim 4:17

Năr đe sek tơlang inh ei đei Kră Yang Yêsu Krist oei hăm inh. Sư tơdŏng inh, Sư ăn kơ inh jơhngơ̆m pran, na inh bơtho tơdrong 'nao 'lơ̆ng Sư kơ đĭ-đăng khŭl bơngai. Na đe wă klơ̆m inh tơ dăm-brang ră mă-lei Kră Yang Yêsu Krist tơdŏng inh.

Tit 1:8

Bơngai bu pơm kră bơngai lui, năr tơmoi truh tơ sư, sư tơkan sơng iŏk atŏk tơ hnam sư. Păng sư lăp đon kơ tơdrong 'lơ̆ng tơdrong kiơ̆ trŏ. Sư pơm đon chơ̆n. Sư đei đon 'lơ̆ng tơpăt păng 'Bok Kei-Dei hăm bôl buăl mơ̆n,

Tit 2:12

Thoi noh na 'Bok Kei-Dei athei bơ̆n hŭt đĭ dôm tơdrong kơnê̆, 'nĕ pă kiơ̆ đon lu bơngai ưh kơ lui. Đon lu bơngai ưh kơ lui sư 'maih pơm lơ tơdrong kư̆ kă đĕch. 'Bok Kei-Dei athei bơ̆n pơm jơhngơ̆m đon dim 'lơ̆ng tơpăt kơ Sư hăm bôl buăl ala teh âu mơ̆n,

Tit 2:2

Ih athei bơtho khan kơ lu 'bok kră 'nĕ pă et sik suai, 'nĕ kơ pơm kư̆ kă. Athei sư iŏk đon iơ̆m dim păng ih athei sư lui mă kơjăp, băt 'mêm kơ 'Bok Kei-Dei hăm bôl buăl. Mă đei tơdrong gleh pơmat dang yơ athei sư adrin khŏm khŏm đĕch.

Tit 2:6

Bơtho lu bơngai drŏ-nglo oei moh 'nĕ kơ pơm kư̆ kă.

Ya 4:7

Thoi noh na iĕm athei chu yom kơ 'Bok Kei-Dei, apinh 'Bok Kei-Dei pơpuh yang Satan yŏng pơgơ̆r yang kơnê̆, 'nĕ ăn oei jê̆ iĕm, na yang Satan ưh kơ pơ̆n oei jê̆ iĕm, jăk hloi tơ nai.

I Pet 1:13

Thoi noh na iĕm athei pơgơ̆t 'biơ̆ jơhngơ̆m iĕm hăm kơchăng hli kơ pơm yoch; păng athei tơchĕng ling-lang gah tơdrong Yêsu Krist wă ăn kơ iĕm tơdrong hiôk jơnap lăm năr Sư jur kơnh păng iĕm athei lui kơ tơdrong Sư wă ăn noh.

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.

Tơdrông Tơ'bôh 12:10

Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.

Tơdrông Tơ'bôh 12:12

Thoi noh na ơ lu mă oei tơ plĕnh, gah lu iĕm hiôk boih, mă-lei mơnat kơ lu đe mă oei tơ teh păng oei tơ đak dơsĭ, yua kơ yang Satan huŏng tơ teh truh tơ lu sư boih. Satan jơhngơ̆m sư kơnê̆ 'maih hil 'maih areh kơ đe, yua kơ sư băt kơdih khei 'năr sư tơ teh ưh pă đunh boih.”

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 20:10

Yang kơnê̆ Satan mă pơgơ̆r lu sư tơblah ei đe kư̆m tơlơ̆ sư tơ lăm dơnâu ŭnh. Sem brem mă kơnê̆ păng sem brem mă gơh pơm tơdrong hlĭch chrơp kư̆m tơ noh mơ̆n. Đĭ lu sư oei tơ dơnâu ŭnh hăl hang pơmat-tat măng năr ưh kơ layơ tôch.

Tơdrông Tơ'bôh 20:2

Sư rôp yă-grai 'bih so sơ̆, mă đe anăn yang sơmăt, dah yang Satan. Na sư chô̆ pơkơ̆ng lăm minh-rơbâu sơnăm,

Lu 14:5

Samsơn jur năm tơ pơlei Timna hơdai hăm mĕ 'bă sư. Lăp lu sư truh 'bơ̆t pơgar hơmu pơlei Timna 'bôh đei minh pơm kon dăm-brang grĕnh bruh châu Samsơn.