I Pet 5:6 - Sơ̆p Hlabơar Nơ̆r 'Bok Kei-Dei

⁶ Thoi noh na bơ̆n athei chu ala kơ 'Bok Kei-Dei ngăl yua kơ Sư Yang, Sư mơsêh; na trŏ năr Yêsu Krist jur ning-mônh Sư gô pôk pơư iĕm.

I Pet 5:6 ပူးပေါင်းရင်းမြစ်များ

I Pot 21:29

“Ih hăm 'bôh Ahap tơjur akâu iŏk đon ala 'bơ̆t anăp Inh ưh? Yua kơ sư tơjur akâu iŏk đon ala 'bơ̆t anăp Inh, na Inh ưh kơ ăn tơdrong pơmat truh, 'bơ̆t chăl sư 'nâu ôh; mă-lei lăm chăl kon drŏ-nglo sư Inh gô ăn tơdrong gleh truh kơ hnam sư.”

II Pot 22:19

Yua kơ ih đei jơhngơ̆m tơbral bơih, băt tơjur akâu kơdih 'bơ̆t anăp Kră Yang 'bơ̆t ih kơtơ̆ng Inh pơma hil kơ teh 'nâu hăm kon pơlei lăm noh, dĭng lu sư jing juơ rơhiăng, kon pơlei sư pŭ hiap pơtê̆, mă-lei yua kơ ih hek ao, păng nhơ̆m hơdrĭ 'bơ̆t anăp Inh; yua kơ noh inh kư̆m kơtơ̆ng nơ̆r ih bơih.

II Ho 12:12

Đơ̆ng pơtao băt tơjur akâu tơbral, na Kră Yang, ưh pă hil ưh kơ đei pơrăm đĭ; tơpă kư̆m đei tơdrong 'lơ̆ng mơ̆n lăm char Juđa.

II Ho 30:11

Mă-lei đei lu mơ'nah đơ̆ng lăm teh đak Aser, Manase, hăm teh đak Sabulôn chu tơjur akâu păng năm truh tơ pơlei Jêrusalem.

II Ho 32:26

Na Hesekia kư̆m wih tơjur akâu sư păng tơbral, kon pơlei Jêrusalem kư̆m lei-lăi, na lăm chăl Hesekia tơdrong Kră Yang hil mĭl ưh kơ đei truh tơ lu sư dơ̆ng.

II Ho 33:12

Kơplah sư đei tơdrong gleh truh pơmat-tat, na sư krao apinh Kră Yang 'Bok Kei-Dei sư păng tơjur akâu tơbral tơpă 'bơ̆t anăp Kră Yang 'Bok Kei-Dei lu 'bok sư.

II Ho 33:19

Nơ̆r sư krao apinh Kră Yang 'Bok Kei-Dei đei tơl tơwih ăn kơ sư thoi yơ, dôm lu tơdrong yoch kơnê̆ mă sư đei pơm, lu anih kơjung mă sư đei pơm, man rup yang Asêria păng traih rup yang adrol kơ sư tam mă tơbral tơjur akâu sư, âu đei chih răk đĭ tơ lăm sơ̆p hla bơar Hôsai.

II Ho 33:23

Mă-lei sư ưh kơ đei tơbral tơjur akâu kơdih 'bơ̆t anăp Kră Yang thoi Manase, 'bă sư, rai pơm kơnê̆ hloh.

II Ho 36:12

Sư pơm tơdrong kơnê̆ dêh 'bơ̆t anăp Kră Yang 'Bok Kei-Dei sư, ưh kơ wă tơjur akâu 'bơ̆t anăp Jêrêmi 'bok khan lê̆ adrol nơ̆r đơ̆ng Kră Yang

Jop 36:22

Âu, Kră Yang 'Bok Kei-Dei đei tơdrong Mơsêh Mơyang Tih Hloh kơ đĭ-đăng, Hăm đei 'bok thây ayơ bơtho tơ'bôh thoi Kră Yang ưh?

Horiso 75:10

Inh gô ret lê̆ đĭ hơke lu bơngai kơnê̆, mă-lei gah hơke lu bơngai tơpăt gô hơtŏk kơjung.

Horiso 89:13

Ih đei kơkŏng ti mơsêh mơyang Tơpang ti Ih pran kơtang Ti 'ma Ih yơ̆r kơjung.

Le 10:3

Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Le 3:19

Tơpă, Inh băt mă đơ̆ng iĕm iŏk jơhngơ̆m apinh pơgŏ pơtao Êyiptơ, sư kư̆m ưh kơ ăn iĕm năm!

Le 32:11

Mă-lei Môis krao apinh hloi Kră Yang 'Bok Kei-Dei sư khan, Ơ Kră Yang, liơ Ih ơh blĕk hil mĭl kơ kon pơlei pơla Ih, khŭl bơngai mă Ih đei chông tơlĕch bơih đơ̆ng char Êyiptơ hăm tơdrong mơsêh tih hăm ti pran kơtang Ih?

Tơdrông Pơđơk 29:23

Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 40:4

Rim anih thŭng thong gô tŏk kơjung, Rim kông, rim groi gô tơjur tơ kơđeh, lu anih hơlôk hơlak gô pơm dơnă, lu anih kông krang, gô jing dơnă 'lơ̆ng.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Je 13:18

Khan bĕ kơ pơtao păng mĕ pơtao: “Jur bĕ đơ̆ng tang-dŏ pơtao hơ-oei tơ teh, yua kơ môk pơtao ư-ang huŏng đơ̆ng kơ̆l boih.

Je 44:10

Dĭng truh tơ năr 'nâu lu sư ưh kơ wă chu tơbral, ưh kơ hli yom, ưh kơ wă arih kiơ̆ khôi juăt păng tơdrong juăt Inh mă đei ăn boih kơ lu iĕm hăm lu 'bok yă lu iĕm.”

Êsêkiên 17:21

Đĭ-đăng lu linh sư mă pran kơtang hloh gô lôch kơ đao, hơlă, mă lu bơngai oei arih gô tơklah tơklang jơ̆p kơ kial. Na ih gô băt kơ, Inh boih Kră Yang, đei khan thoi noh.

Êsêkiên 21:6

“Ơ kon bơngai, gah ih ôr krao bĕ hăm jơhngơ̆m pơchah; athei ơh sơ'ngon ôr krao 'bơ̆t anăp lu sư.

Da 5:22

Ơ Pơtao Belsatsar, kon pơtao Nebukatnessar ih kư̆m lei-lăi, mă ih băt boih dôm tơdrong noh ră, jơhngơ̆m ih kư̆m ưh kơ đei chu iŏk tŏ sĕt.

Lêwi 26:41

Thoi noh Inh kư̆m pơm plơ̆ kơ lu sư, ba lu sư tơ dêh char lu bơngai ayăt kơ lu sư, tơdah jơhngơ̆m lu sư ưh kơ chu kăt tơdra akar, băt chu tơjur akâu lu sư kơdih tơ ala păng chu iŏk tơdrong bơtho pơjĭ yua tơdrong yoch lu sư.

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Mathiơ 23:12

Bơngai bu pơma pơang akâu sư wă kơ đe pôk sư pơm tih, bơngai noh ning-mônh sư gô mơlâu hloh kơ đe. Bơngai bu ưh kơ hơnhŏ chă pơang akâu sư kơ đe, bơngai noh 'Bok Kei-Dei mơnat, ăn kơ sư pơm tih.

Luka 1:52

Sư tơjur tŭk đĭ lu bơngai mă pơm tih sơ̆, na atŏk dơ̆ng lu bơngai mă pơm iĕ hloh kơ đe.

Luka 14:11

Yua kơ bơngai bu pơang akâu kơdih, sư gô mơlâu. Bơngai bu ưh kơ hơnhŏ, sư 'noh boih đe gô pôk pơư kơ sư.”

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Rom 5:6

Sơ̆ bơ̆n ưh kơ băt tơgŭm akâu bơ̆n pơm 'lơ̆ng thoi yơ, na mưh trŏ kơ năr 'Bok Kei-Dei pơkă na đei Yêsu Krist lôch tang bơ̆n bơngai yoch.

I Kor 10:22

Dah bơ̆n oei kiơ̆ đe sa et tơmam đe sơmah kơ yang kơnê̆, 'noh dang bơ̆n pơlong Kră Yang hăm 'mêm kơ bơ̆n păng tơgar iŏk bơ̆n đơ̆ng yang kơnê̆ dah ưh. Iĕm tơchĕng bơ̆n pran tih dang yơ na mă pơlong 'Bok Kei-Dei thoi noh?

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.

I Tim 2:6

Sư ăn akâu Sư kơdih lôch tang wă huai iŏk đĭ-đăng kon bơngai. Truh boih sơnăm 'Bok Kei-Dei pơkă Kon Sư lôch ei sơ̆, sơnăm 'noh boih Yêsu lôch tang huai iŏk kon bơngai, wă kon bơngai băt kơ 'Bok Kei-Dei pơklaih đĭ-đăng bơngai đơ̆ng yoch.

Ya 4:10

Iĕm athei pơma sơdrĭ tơ ala kơ Sư, na Sư 'brơ̆k mơnat tơiung iĕm.

Ya 4:7

Thoi noh na iĕm athei chu yom kơ 'Bok Kei-Dei, apinh 'Bok Kei-Dei pơpuh yang Satan yŏng pơgơ̆r yang kơnê̆, 'nĕ ăn oei jê̆ iĕm, na yang Satan ưh kơ pơ̆n oei jê̆ iĕm, jăk hloi tơ nai.

Ya 5:10

Ơ 'nhŏng oh, bơ̆n athei adrin pơm kiơ̆ thoi lu bơngai pơtruh nơ̆r 'Bok Kei-Dei sơ̆ bĕ; yua kơ sơ̆ đe pơm kơ lu sư lơ tơdrong pơmat-tat, mă-lei lu sư ưh kơ achăng lê̆ tơdrong lui ôh.