I Pet 5:13 - Sơ̆p Hlabơar Nơ̆r 'Bok Kei-Dei

¹³ Lu bơngai lui tơ Pơlei Babilôn nhôn, 'Bok Kei-Dei rơih iŏk lu sư thoi sư rơih lu iĕm mơ̆n, lu sư đei nơ̆r jet gia pơma dơnuh păng iĕm. Markôs sư dang kon inh, sư hơdai lei-lăi jet gia iĕm mơ̆n.

I Pet 5:13 ပူးပေါင်းရင်းမြစ်များ

Horiso 87:4

“Inh gô roi gah Êyiptơ păng Babilôn lu bơngai char mă băt kơ inh. To Philistin, Tirơ păng Êthiôpi; Lu bơngai âu tơpŭ tơ Siôn.”

Jang 12:12

Đơ̆ng rŏng kơ sư tơchĕng boih, sư năm tơ hnam Mari mĕ Yôhan. Yôhan noh đe kư̆m anăn sư Markôs. Tơ ei đei lơ bơngai oei akŭm krao khan.

Jang 12:25

Gah bre 'Barna'ba păng Sôl dơ̆ng, bre sư ăn jên kơ kră pơgơ̆r lu bơngai lui boih, na bre sư đơ̆ng Pơlei Jêrusalem brŏk tơ Pơlei Antiôs. Bre sư kư̆m anhăk ba minh 'nu bơngai măt sư 'bar anăn, Yôhan Markôs.

Jang 15:37

Na 'Barna'ba khan: “Lei ba anhăk ba Markôs.”

Jang 15:39

Na bre Pôl păng 'Barna'ba pơjah pơjăng tơdrong noh khŏm khŏm na truh tơ bre sư tơklah dih băl. Đơ̆ng noh na 'Barna'ba anhăk Markôs tŏk thŏng-nan năm tơ dêh char Chiprơ.

Kôlôsê 4:10

Aritak, sư oei lăm hnam phak hơdai hăm inh, sư kư̆m hơdai jet gia iĕm. Markôs, oh 'Barna'ba pôm yă 'bok, sư kư̆m hơdai jet gia iĕm mơ̆n. Dah sư đei năm tơ iĕm, iĕm sơng iŏk sư hŏ, kiơ̆ thoi inh khan kơ iĕm boih.

II Yo 1:1

Inh kră wei-lăng bơngai lui chih hơpong kơ iĕm 'nhŏng oh. Yua kơ 'Bok Kei-Dei rơih iŏk iĕm na inh 'mêm kơ iĕm tơpă. Bơ̆n jing 'nhŏng oh bơngai lui. Mă-lei ưh kơ sĭ kơdrô̆ inh ôh 'mêm kơ iĕm, dôm lu bơngai băt tơdrong 'Bok Kei-Dei tơpă sư kư̆m 'mêm kơ iĕm mơ̆n.

II Yo 1:13

Lu 'nhŏng oh bơngai lui đơ̆ng nhôn mă 'Bok Kei-Dei rơih boih, lu sư kư̆m đei nơ̆r jet gia pơma apơi rơnguơ̆ ră kơ iĕm mơ̆n.

Tơdrông Tơ'bôh 17:5

Klĕng bơngai drŏ-kăn noh đe chih anăn sư, mă đe chih tơwer hrĕp. Đe chih thoi âu: “Pơlei Babilôn pơlei tih dêh mĕ kơ lu drŏ-kăn đi, tơ'bôh kơ đe tơdrong 'mê̆ jơ̆p kơ teh đak.”

Tơdrông Tơ'bôh 18:2

Sư pơma 'bơ̆r re kơ đe thoi âu: “Pơlei Babilôn, pơlei tih dêh, pơchah răm boih, ăn ngôi kơ yang sơmăt mă đe anăn yang kơnê̆ oei, păng đĭ lu sem brem sem păr pơm tơpu oei hơdai lăm noh 'mê̆-'mach dêh.