I Pet 4:4 - Sơ̆p Hlabơar Nơ̆r 'Bok Kei-Dei

⁴ Lu sư 'bôh iĕm ưh pă kiơ̆ thoi lu sư boih, na lu sư lăng iĕm hlĭch tơpă păng che bơle kơ iĕm.

I Pet 4:4 ပူးပေါင်းရင်းမြစ်များ

Mathiơ 23:25

“Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm hăt hot kơ ôp pơnhan hăm kơchŏk hơdrol kơ sŏng sa, khan trŏ tơdrong juăt 'Bok Kei-Dei, mă-lei tơmam sa iĕm lăm pơnhan hăm kơchŏk đak iĕm noh iĕm tơgar iŏk đơ̆ng đe.

Luka 15:13

Đơ̆ng rŏng kơ năr noh kon hơdruch sư iŏk dôm mŭk tơmam mă đêl 'bă sư ăn kơ sư, na jăk tơ dêh nai. Tơ ei sư pơm kư̆ kă, sư pơhuach đĭ mŭk tơmam sư.

Jang 13:45

Lăp đe Juđê 'bôh lơ bơngai năm akŭm tơpă, lu sư 'nhĕng. Lu sư pơjăm Pôl păng che bơle kơ sư, jâu sư khan bơngai kơnê̆.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Rom 13:13

Bơ̆n athei pơm mă 'lơ̆ng thoi bơngai jang kơ'năr, 'nĕ pă et sik suai hli kơ pơm kư̆ kă; drŏ-nglo drŏ-kăn kư̆m 'nĕ kơ ngôi kư̆ kă; 'nĕ pơjah pơjăng păng đe, 'nĕ kơ 'nhĕng đe.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

I Pet 3:16

Thoi noh bơ̆n athei pơm 'lơ̆ng tơpăt ling-lang, wă kơ lu bơngai mă pơjăm bơ̆n kiơ̆ tơdrong Yêsu, sư jing mơlâu yua kơ sư ưh kơ 'bôh tơdrong bơ̆n pơm yoch kiơ.

II Pet 2:12

Lu bơngai noh, lu sư thoi sem brem mă ưh kơ gơh tơchĕng, sư hơ̆r kơ wă pơm kiơ sư pơm hloi. Mĕ 'bă sem brem noh pơjing sư sơ̆ lăp pơjing ăn kơ đe rôp 'buh sa đĕch. Lu bơngai mă pơma kơnê̆ kơ đe kư̆m thoi noh, lu sư ưh kơ hlôh na lu sư gô răm thoi sem brem noh tơpă.

II Pet 2:22

Tơdrong lu sư pơm âu boih trŏ thoi tơdrong đe khan: “Kŏ hăk lê̆ boih mă luăn sa kơdih dơ̆ng; nhŭng akâu rơgoh mă năm pung trôk.”

Ju 1:10

Na lu bơngai mă wă pơhlŭ iĕm noh, dôm tơdrong lu sư jơ̆l ưh kơ hlôh na lu sư pơma kơnê̆ thoi noh. Lu sư hưch hanh pơm kư̆ kă thoi sem brem ưh kơ băt mơlâu; tơdrong noh sư hlôh, tơdrong noh lu sư hăt dêh. Kơlih kơ lu sư pơm thoi noh, ning-mônh lu sư wă răm.