I Pet 4:16 - Sơ̆p Hlabơar Nơ̆r 'Bok Kei-Dei

¹⁶ Mă-lei dah bu đei tơdrong gleh yua kơ sư kiơ̆ Yêsu Krist, bơngai noh thoi lĕ kơ pŭn, bơngai noh hiôk, sư huay kơ mơlâu kơ đe ôh. Sư athei adrin ră roi pơư pơang kơ đe tơdrong Yêsu Krist hăm 'Bok Kei-Dei rai pran hloh.

I Pet 4:16 ပူးပေါင်းရင်းမြစ်များ

Êsai 24:15

Thoi noh ư-ang bĕ kơ Kră Yang ơ lu bơngai oei lăm teh đak gah hơlĕch, ư-ang bĕ kơ anăn Kră Yang 'Bok Kei-Dei đe Isơrael ơ lu bơngai oei lăm lu bŏl đak dơsĭ.

Êsai 50:7

Kră Yang Tih Hloh tơgŭm inh, inh ưh kơ mơlâu ôh. Na inh pơm kơ măt inh lăng tơ anăp, inh băt kơ inh gô ưh kơ đei tơdrong kiơ mơlâu.

Êsai 54:4

'Nĕ kơ hli; yua kơ iĕm gô ưh kơ đei mơlâu ôh. 'Nĕ kơ bơngơ̆t; yua kơ đe ưh pă pơm kơ iĕm mơlâu dơ̆ng bơih. Ih gô hiơt tơdrong mơlâu kơplah iĕm oei mơlôh sơ̆, păng ưh pă 'blŏk dơ̆ng tơdrong mơlâu kơplah iĕm adro.

Jang 11:26

Lăp sư chă 'bôh boih, sư anhăk ba Sôl tơ Pơlei Antiôs. Kơplah minh sơnăm bre sư bơtho lu bơngai lui tơ Pơlei Antiôs. Bre sư bơtho tơdrong 'Bok Kei-Dei na lơ bơngai năm mơ̆ng. Tơ ei đe anăn lu bơngai lui, bơngai Krist. Đơ̆ng sơ̆ đe ưh kơ anăn thoi noh ôh.

Jang 26:28

Agripa khan kơ Pôl: “Ih bơtho thoi noh ih ngêh kơ inh wă lui kơ Yêsu Krist dang ei hloi hă?”

Jang 28:22

Mă nhôn wă mơ̆ng tơdrong ih bơtho yua kơ lơ bơngai jơ̆p kơ teh đak khan khŭl iĕm kiơ̆ Yêsu ưh kơ 'lơ̆ng.”

Jang 5:41

Na lu jơ̆ng 'bang Yêsu lĕch đơ̆ng hnam sek tơlang ei, lu sư hiôk jơhngơ̆m yua kơ 'Bok Kei-Dei ăn kơ lu sư pŭ anat yua kơ tơdrong Yêsu.

Philip 1:20

Inh adrin wă kơ inh huay kơ mơlâu kơ đe, na jơhngơ̆m inh oei nuih mă đơ̆ng sơ̆ khơ̆ dang ei. Inh pơư pơang anăn Yêsu kơ đe ling-lang; mă đe pơlôch inh kơnh pơgê, noh kư̆m yua kơ tơdrong inh pơư pơang anăn Yêsu, na inh huay kơ mơlâu kơ đe ôh.

Philip 1:29

'Bok Kei-Dei 'mêm kơ iĕm na Sư ăn kơ iĕm lui kơ Yêsu, mă ưh kơ sĭ Sư ăn kơ iĕm lui kơ Yêsu lui hiôk, kơkuh kơ Sư kơkuh hiôk đĕch ôh. Sư wă kơ iĕm pơư pơang kơ đe anăn Yêsu Krist mă tơpă, na mă Sư kư̆m ăn kơ iĕm pŭ pơmat tơdrong Yêsu mơ̆n.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

Ya 2:7

Lu sư kư̆m pơma kơnê̆ kơ Yêsu Krist Kră Yang bơ̆n mă 'lơ̆ng tơpăt.

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.

I Pet 4:14

Hiôk chơt bĕ lu iĕm dah đe che bơle kơ iĕm lui kơ Yêsu Krist, iĕm hiôk yua kơ iĕm đei Yang Bơhngol 'Lơ̆ng mơsêh mơyang đơ̆ng 'Bok Kei-Dei jur oei hăm iĕm boih.

I Pet 4:19

Mă 'Bok Kei-Dei ăn tơdrong gleh truh kơ bơ̆n, bơ̆n athei pơm 'lơ̆ng hơnơ̆ng păng pơjao kơ Sư tơdrong arih bơ̆n; yua kơ Sư pơjing bơ̆n, Sư ưh kơ lê̆ bơ̆n ôh.