I Pet 4:15 - Sơ̆p Hlabơar Nơ̆r 'Bok Kei-Dei

¹⁵ Bơ̆n đei tơdrong gleh truh yua kơ tơdrong yoch bơ̆n, noh pha. Thoi noh na bơ̆n 'nĕ kơ pơlôch đe, 'nĕ kơ tơtông, 'nĕ kơ pơm kơnê̆, 'nĕ kơ pơm pơhloh kơ tơdrong jang đe.

I Pet 4:15 ပူးပေါင်းရင်းမြစ်များ

Le 22:2

tơdah bơngai tơtông klĕ oei chơkơ̆ 'măng na đe rôp păng teh pơlôch, bơngai teh pơlôch ưh kơ đei yoch.

Mathiơ 5:11

“Hiôk bĕ lu iĕm, mă đe pơjăm pơjuă iĕm, pơm kơnê̆ kơ iĕm, dah bâu roi 'bơm iĕm tôm tơdrong yua kơ iĕm lui kơ Inh.

I Tes 4:11

Iĕm 'nĕ pơm thoi bơngai nơng nơ̆k nơ̆k tu, nơ̆k nơ̆k bơbah nŏng kơ chă pơhrơ đe jang. Na iĕm athei kơchăng tơdrong jang wă kơ 'me sa kơdih hnam dơnŏ. Nhôn kư̆m bơtho iĕm thoi noh mơ̆n ki.

II Tes 3:11

Na dang ei nhôn oei bơtho iĕm thoi noh kơlih kơ nhôn kơtơ̆ng đe khan đei bơngai lui lăm lu iĕm alah tơpă. Lu sư ưh kơ wă jang tơdrong kiơ 'biơ̆ hloi. Lu sư ling-lang nŏng kơ wih wơ̆t chă ngôi hnam âu, hnam to.

I Tim 5:13

Lu sư nơ̆k nơ̆k tu, nơ̆k nơ̆k bơbah ling-lang nŏng kơ chă ngôi hnam âu hnam to ưh kơ wă jang păng chă pơma plĕch kơ đe, pơma tơdrong ưh kơ trŏ kơ nơ̆r pơma.

II Tim 2:9

Kơlih kơ inh bơtho tơdrong 'nao 'lơ̆ng Sư, na inh đei tơdrong gleh pơmat-tat đe chĭt lê̆ inh lăm hnam phak dang ei, kư̆m thoi đe chĭt lu bơngai mă pơm kơnê̆ mơ̆n. Mă-lei đe ưh kơ gơh chĭt lê̆ nơ̆r 'Bok Kei-Dei ôh.

I Pet 3:14

Dah đe pơm kơnê̆ kơ bơ̆n yua kơ bơ̆n pơm 'lơ̆ng, noh bơ̆n rai hiôk hloh. Iĕm 'nĕ kơ hli kơ tơdrong lu sư pơm, iĕm 'nĕ kơ tơrơ kơ tơdrong lu sư ngơ̆r.

I Pet 3:17

Phŏ phŏ 'Bok Kei-Dei wă kơ bơ̆n pơmat mơ̆n mă khan bơ̆n pơm 'lơ̆ng. Na tơ̆ng đe pơmat bơ̆n yua kơ bơ̆n pơm 'lơ̆ng, noh bơ̆n hiôk hloh kơ tơdrong đe pơmat bơ̆n yua kơ bơ̆n pơm kơnê̆.