I Pet 4:14 - Sơ̆p Hlabơar Nơ̆r 'Bok Kei-Dei

¹⁴ Hiôk chơt bĕ lu iĕm dah đe che bơle kơ iĕm lui kơ Yêsu Krist, iĕm hiôk yua kơ iĕm đei Yang Bơhngol 'Lơ̆ng mơsêh mơyang đơ̆ng 'Bok Kei-Dei jur oei hăm iĕm boih.

I Pet 4:14 ပူးပေါင်းရင်းမြစ်များ

I Pot 10:8

Pŭn hiôk tih tơpă kơ lu đĭch đam ih bơngai mă oei hơdai ih! Lu bơngai mă oei awih awăn 'bơ̆t anăp ih ling-lang păng kơtơ̆ng dôm tơdrong gơh hơgei ih.

II Pot 2:15

Kơplah lu khŭl bơngai khan lê̆ adrol oei lăm Pơlei Jêrikô, lu sư 'bôh Êlisê, na lu sư khan: “Yang Êli mơ̆t tơ Êlisê bơih.” Lu sư năm tơ'bơ̆p Êlisê păng drap bon 'bơ̆t anăp Êlisê.

Horiso 146:5

Pŭn dêh kơ bơngai bu đei Kră Yang 'Bok Kei-Dei Jakôp tơgŭm Sư. Bơngai bu hơmĕng kơ Kră Yang 'Bok Kei-Dei sư!

Horiso 49:9

Yua kơ huai iŏk tơdrong arih lu sư kăp dêh tơpă. Sư wă răt ưh kơ kĕ.h

Horiso 89:51

Ơ Kră Yang, tơdrong mă lu ayăt kơ Ih pơjăm. Lu sư pơjăm boih kơnao yak lu bơngai mă Ih đei hling đak 'bâu phu tơ kơ̆l.

Êsai 11:2

Yang Bơhngol Kră Yang gô oei kơpal Sư, Yang Bơhngol ăn kơ sư đei đon gơh hơgei păng mơsêh mơyang, Yang Bơhngol ăn kơ sư hlôh băt păng hli yom kơ Kră Yang.

Êsai 25:8

Kră Yang pơtôch lê̆ bơih tơdrong lôch hiong ling-lang, Kră Yang gô sŭt lê̆ đak măt đơ̆ng muh măt rim 'nu, păng iŏk lê̆ tơdrong mơlâu đơ̆ng kon pơlei pơla Sư đơ̆ng jơ̆p-jang kơ teh đak. Kră Yang khan thoi noh.

Êsai 51:7

Ơ kon pơlei băt tơdrong 'lơ̆ng tơpăt. Đei răk tơdrong juăt Inh lăm jơhngơ̆m, mơ̆ng bĕ Inh! 'Nĕ hli kơ đe pơjăm, 'nĕ hli kơ lu sư pơma kơnê̆ chrih pơjăm iĕm.

Mathiơ 5:11

“Hiôk bĕ lu iĕm, mă đe pơjăm pơjuă iĕm, pơm kơnê̆ kơ iĕm, dah bâu roi 'bơm iĕm tôm tơdrong yua kơ iĕm lui kơ Inh.

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Luka 6:22

“Hiôk bĕ lu iĕm mă đe areh arĕnh, pơm kuă kơ iĕm, pơjăm pơjuă iĕm, khan iĕm bơngai kơnê̆ yua kơ iĕm lui kơ Inh Kon Bơngai.

Yo 15:21

Iĕm kiơ̆ Inh na lu sư pơm kơnê̆ kơ iĕm yua kơ lu sư ưh kơ băt kơ 'Bă Inh mă wơh Inh.

Yo 8:48

Lu bơngai Juđê khan kơ Sư: “Trŏ boih nhôn khan Ih bơngai Samari yang mơ̆t.”

Yo 9:28

Kơlih kơ sư khan thoi noh, na lu sư hil tơpă păng khan: “Ih 'maih lui lăi kơ Sư. Nhôn ưh kơ lui ôh. Nhôn lui kơ Môis đĕch.

Yo 9:34

Lu sư khan: “Ih măt tol đơ̆ng 'nao tơpŭ kơ ih sơ̆ kơlih kơ tơdrong yoch, na liơ ih wă bơtho lu nhôn dơ̆ng?” Lu sư pơpuh tơlĕch hloi bơngai ei tơ 'ngoaih.

Jang 13:45

Lăp đe Juđê 'bôh lơ bơngai năm akŭm tơpă, lu sư 'nhĕng. Lu sư pơjăm Pôl păng che bơle kơ sư, jâu sư khan bơngai kơnê̆.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Jang 28:22

Mă nhôn wă mơ̆ng tơdrong ih bơtho yua kơ lơ bơngai jơ̆p kơ teh đak khan khŭl iĕm kiơ̆ Yêsu ưh kơ 'lơ̆ng.”

Jang 5:41

Na lu jơ̆ng 'bang Yêsu lĕch đơ̆ng hnam sek tơlang ei, lu sư hiôk jơhngơ̆m yua kơ 'Bok Kei-Dei ăn kơ lu sư pŭ anat yua kơ tơdrong Yêsu.

II Kor 12:10

Yua kơ inh wă pơư pơang anăn Yêsu Krist, na inh đei tơdrong rơdu tơrăn, đei tơdrong đe pơjăm, đei tơdrong gleh truh, tơdrong đe pơm pơmat inh, tơdrong anat anot, mă-lei jơhngơ̆m inh hiôk rai pran.

II Kor 4:10

Akâu nhôn chu iŏk tơdrong pơmat-tat, dang lôch thoi Yêsu sơ̆, noh dang akâu nhôn tơbăt kơ đe Yêsu oei arih.

II Kor 4:16

Thoi noh nhôn wă jang ling-lang ưh kơ lê̆ ôh, mă khan sĕch akar nhôn rai hŏnh, mă-lei jơhngơ̆m nhôn lăm to dang lĕ kơ ming 'nao rim năr.

Galati 1:24

Thoi noh na lu sư ư-ang 'Bok Kei-Dei ăn kơ inh lui kơ Sư.

Hêbrơ 11:26

Sư tơchĕng lê̆ đe pơmat sư yua kơ sư kiơ̆ tơdrong 'Bok Krist, hiôk hloh kơ sư iŏk dôm mŭk tơmam pơtao tơ dêh Êyiptơ yua kơ ning-mônh sư băt kơ 'Bok Kei-Dei gô apah sư lơ hloh.

Ya 1:12

Bơngai bu đei tơdrong đe pơlong lăng sư, tơdrong gleh truh kơ sư mă sư oei lui kơ 'Bok Kei-Dei kơjăp, bơngai noh hiôk rai loi; 'Bok Kei-Dei gô ăn kơ sư arih hiôk-hian ling-lang tơpă. Tơdrong 'noh Sư pơkă kơ rim 'nu bơngai, bơngai bu mă 'mêm kơ Sư.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

I Pet 3:14

Dah đe pơm kơnê̆ kơ bơ̆n yua kơ bơ̆n pơm 'lơ̆ng, noh bơ̆n rai hiôk hloh. Iĕm 'nĕ kơ hli kơ tơdrong lu sư pơm, iĕm 'nĕ kơ tơrơ kơ tơdrong lu sư ngơ̆r.

I Pet 3:16

Thoi noh bơ̆n athei pơm 'lơ̆ng tơpăt ling-lang, wă kơ lu bơngai mă pơjăm bơ̆n kiơ̆ tơdrong Yêsu, sư jing mơlâu yua kơ sư ưh kơ 'bôh tơdrong bơ̆n pơm yoch kiơ.

I Pet 4:16

Mă-lei dah bu đei tơdrong gleh yua kơ sư kiơ̆ Yêsu Krist, bơngai noh thoi lĕ kơ pŭn, bơngai noh hiôk, sư huay kơ mơlâu kơ đe ôh. Sư athei adrin ră roi pơư pơang kơ đe tơdrong Yêsu Krist hăm 'Bok Kei-Dei rai pran hloh.

II Pet 2:2

Mă-lei kư̆m đei lơ bơngai lui, kiơ̆ sư pơm tơdrong yoch kư̆ kă; kơlih kơ thoi noh na lu bơngai mă ưh kơ lui pơjăm tơdrong 'lơ̆ng tơpăt 'Bok Kei-Dei.