I Pet 4:12 - Sơ̆p Hlabơar Nơ̆r 'Bok Kei-Dei

¹² Ơ lu 'nhŏng oh mă inh 'mêm kơeng, iĕm đei boih tơdrong gleh truh wă pơlong lăng tơdrong lui iĕm, mă iĕm 'nĕ kơ lăng hlĭch tơdrong kiơ hŏ, yua kơ tơdrong noh gô truh rim 'nu kơ lu bơngai lui.

I Pet 4:12 ပူးပေါင်းရင်းမြစ်များ

Bôk Bơthô 5:8

Dah ih 'bôh lăm tơring ih đei bơngai mă đe pơjuă pơđep sư dah 'bôh pơm ưh kơ trŏ, ưh kơ tơpăt hơnơ̆ng, lei ih 'nĕ kơ chrêu kơ đon; yua kơ đei bơngai pơm tih kư̆m đei bơngai tih hloh kơ sư oei răp lăng, đơ̆ng noh oei đei 'bok mă tih hloh đĭ kơ bre noh dơ̆ng.

Êsai 28:21

Kră Yang gô iung pơm thoi Sư pơm tơ kông Parêsim, Sư gô hil thoi tơ thŭng Gibeôn, wă pơm tơdrong jang Sư, jơ̆ tơdrong jang hơnat păng pơm tơdrong hlĭch chrơp.

Da 11:35

Kŭm đei lăm lu bơngai hơgei pơ̆k, wă kơ hŏk pơhrăm kơ lu sư, wă pơm ăn kơ lu sư rơgoh păng jing kok, truh tơ năr tôch, yua kơ tơdrong 'nâu gô đei năr pơkă.

I Kor 10:13

Gah tơdrong đe pơhlŭ wă kơ iĕm kiơ̆ sư pơm yoch, lu 'nhŏng oh bơ̆n nai đe kư̆m pơhlŭ mơ̆n. Mă-lei 'Bok Kei-Dei wei-lăng bơ̆n, Sư ưh kơ ăn đe pơhlŭ bơ̆n truh tơ bơ̆n pơm tơdrong yoch ôh, Sư gô tơgŭm bơ̆n tơpă wă kơ bơ̆n huay kơ lui kơ đe pơhlŭ.

I Kor 3:13

Na mưh truh năr sek tơlang ning-mônh, 'Bok Kei-Dei wă pơlong lăng hnam mă bơ̆n pơm noh hăm kơjăp dah ưh. Tơdrong pơlong noh thoi lĕ kơ ŭnh sa, na sư wă pơlong lăng tơdrong bơ̆n jang kơ Sư hăm yua ưh.

II Tim 3:12

Dôm lu bơngai mă gơnang kơ Kră Yang Yêsu Krist wă pơm đon 'lơ̆ng tơpăt, lu sư gô đei tơdrong đe areh pơm kơnê̆ kơ lu sư.

I Pet 2:11

Ơ lu 'nhŏng oh mă inh 'mêm kơeng, bơ̆n bơngai lui oei tơ ala teh âu dang ei, lu bơ̆n thoi bơngai tơmoi đĕch; teh đak âu teh đak đe, ưh kơ trŏ kơ teh đak bơ̆n ôh. Thoi noh na inh apinh iĕm pơgơ̆t bĕ dôm tơdrong iĕm pơm ưh kơ lăp kơ măt lăng, jơhngơ̆m iĕm oei 'maih pơm, 'maih pơtuah akâu kơdih kuă ăn kiơ̆ tơdrong 'Bok Kei-Dei.

I Pet 4:4

Lu sư 'bôh iĕm ưh pă kiơ̆ thoi lu sư boih, na lu sư lăng iĕm hlĭch tơpă păng che bơle kơ iĕm.

I Pet 5:9

Thoi noh na bơ̆n athei lui mă kơjăp wă kơ bơ̆n gơh puh sư mă ataih. Iĕm kư̆m băt boih đĭ-đăng 'nhŏng oh bơngai lui oei jơ̆p-jang kơ teh đak tă đei tơdrong gleh thoi iĕm mơ̆n.