I Pet 4:11 - Sơ̆p Hlabơar Nơ̆r 'Bok Kei-Dei

¹¹ Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.

I Pet 4:11 ပူးပေါင်းရင်းမြစ်များ

Horiso 145:13

Dêh char Ih oei oei ling-lang tơdrong Ih pơgơ̆r dĭng truh tơ ning-mônh khŏm khŏm. Kră Yang pơsĭt dôm nơ̆r Sư pơkă. Ih 'mêm kơ đĭ dôm tơmam đêl Ih pơjing.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Je 23:22

Mă-lei tơdah lu sư đơ̆ng lăm khŭl Inh, lei lu sư kư̆m roi boih nơ̆r Inh kơ lu kon pơlei pơla Inh, pơm ăn kơ kon pơlei Inh weh đơ̆ng trong kơnê̆, đơ̆ng tơdrong pơm kư̆ kă.”

Da 4:3

Ô! Dôm tơdrong mơsêh Sư tơdrong hlĭch chrơp Sư tih dêh tơpă, dêh char Sư jơ̆ dêh char oei oei ling-lang, tơdrong Sư pơgơ̆r oei oei rim jơhnơr.

Da 4:34

Dĭng truh tôch kơ năr đêl pơkă, inh âu, Nebukatnessar inh ngoi muh măt tơ plĕnh, tơdrong hơgei đei dơ̆ng tơ inh păng inh pơư pơang anăn Kră Yang 'Bok Kei-Dei Tih hloh. Inh gô pơư pơang anăn Kră Yang 'Bok Kei-Dei mă arih ling-lang, dêh char Sư oei đei đơ̆ng chăl âu truh tơ chăl nai.

Da 7:14

Sư đei tơdrong mơsêh, gơh kĕ, ư-ang păng đĭ dêh char, đĭ adrĕch kon bơngai, đĭ nơ̆r pơma awih awăn kơ Sư. Tơdrong pran kơtang, mơsêh mơyang tơdrong oei oei pơgơ̆r ling-lang ưh kơ tôch păng dêh char Sư đe pă đei pơrăm boih.

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Yo 13:31

Đơ̆ng rŏng kơ Juđa lĕch na Yêsu khan: “Inh băt kơ dang ei đe gô ư-ang Inh Kon Bơngai. Hăm đe gô ư-ang kơ 'Bă Inh 'Bok Kei-Dei ăn Inh lôch tang kon bơngai.

Jang 7:38

Lăp lu đe Isơrael oei akŭm kơkuh kơ 'Bok Kei-Dei tơ char glă ei sơ̆ đei linh jang 'lơ̆ng 'Bok Kei-Dei pơma kơ Môis tơ kông Sinai, na Môis pơtruh nơ̆r ei kơ lu kơdră bơ̆n. Môis sư iŏk nơ̆r đơ̆ng 'Bok Kei-Dei wă ăn kơ bơ̆n arih ling-lang, pơtruh nơ̆r ei ăn kơ bơ̆n ră.

Rom 11:36

Yua kơ Sư gơh pơjing kơdih tôm tơdrong păng Sư gơh pơgơ̆r wei-lăng tôm tơdrong. Tôm tơdrong noh wă kơ đĭ-đăng bơngai ư-ang kơ Sư. Na bĕ bơ̆n ư-ang kơ Sư ưh kơ layơ tôch. A-men.”

Rom 12:3

'Bok Kei-Dei ăn kơ inh pơm jơ̆ng 'bang Sư wă kơ inh bơtho ăn kơ iĕm tơdrong Sư, Sư wă kơ iĕm huay kơ pơang kơ đe khan iĕm bơngai hơgei hloh kơ bơngai nai. 'Bok Kei-Dei ăn kơ iĕm hơgei pơm kiơ, gơh jang tơdrong kiơ, iĕm kư̆ kơ jang đĕch kăl kiơ pơang kơ đe.

Rom 16:27

'Bok Kei-Dei arih ling-lang, minh 'nu Sư đĕch Kră Yang hlôh wao tôm tơdrong. Bơ̆n sơđơ̆ng kơ Yêsu Krist na bơ̆n băt ư-ang kơ 'Bok Kei-Dei ling-lang ưh kơ layơ tôch. A-men.

Rom 3:2

Lu bơngai Juđê tih hloh kơ lu bơngai nai 'biơ̆ mơ̆n yua kơ 'Bok Kei-Dei chih pơkă kơ lu sư tơdrong juăt Sư hơdrol kơ lu bơngai nai păng pơkă khan wă tơgŭm lu sư tơpă.

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

I Kor 12:4

Yang Bơhngol 'Lơ̆ng ăn kơ bơ̆n lơ tơdrong hơgei wă kơ gơh jang tơdrong Sư, mă-lei dôm tơdrong 'noh đơ̆ng lăp minh 'nu Sư đĕch ăn kơ bơ̆n.

I Kor 3:10

'Bok Kei-Dei mơnat kơ inh, ăn kơ inh hơgei gơh pơm hnam. Inh man anih hnam 'lơ̆ng boih, na đei bơngai nai pơm hnam 'bơ̆t ei. Mă-lei bơngai bu mă pơm hnam 'bơ̆t ei athei pơm mă 'lơ̆ng.

I Kor 6:20

yua kơ 'Bok Kei-Dei huai iŏk bơ̆n păng tơmam gĭt Sư tơpă. Thoi noh na bơ̆n dah pơyơ̆r bĕ akâu bơ̆n kơ Sư wă pơư pơang anăn Sư.

II Kor 2:17

Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.

II Kor 9:13

Lu sư gô 'bôh tơdrong iĕm tơgŭm lu sư, na lu sư gô bơnê kơ 'Bok Kei-Dei ăn kơ iĕm lui kơ Yêsu Krist kơjăp băt chu kơ Sư. Lu sư gô ư-ang 'Bok Kei-Dei tơdrong iĕm hơlăng kơ lu sư hăm đe nai tơmam.

Êphêsô 1:19

Păng wă kơ iĕm băt kơ Sư Kră Yang mơsêh tăp pang mơyang tăp dăr gơh tơgŭm lu bơ̆n bơngai lui kơ Sư,

Êphêsô 4:29

Iĕm 'nĕ kơ pơma kơnê̆, athei pơma mă 'lơ̆ng tơgŭm pơyua lu bơngai mă mơ̆ng iĕm.

Êphêsô 5:20

Bơ̆n athei băt bơnê kơ 'Bă tơm bơ̆n 'Bok Kei-Dei lăm tôm tơdrong păng bơ̆n athei krao chă Yŏng bơ̆n Yêsu Krist na bơ̆n gơh krao khan bơnê kơ 'Bok Kei-Dei.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Philip 1:11

Yua kơ iĕm pơm tôm tơdrong 'lơ̆ng tơpăt păng gơnang kơ Yêsu Krist đơ̆ng dang ei, na đĭ-đăng bơngai gô ư-ang kơ 'Bok Kei-Dei tơpă.

Philip 2:11

Đĭ-đăng bơngai gô kơnăl kơ Sư Kră Yang, na kon bơngai ư-ang kơ 'Bă Sư 'Bok Kei-Dei.

Kôlôsê 4:6

Bơ̆n athei pơma pơhiôk lu sư ling-lang, wă kơ bơ̆n gơh drơ̆ng lu sư mă trŏ.

I Tes 2:4

Sơ̆ 'Bok Kei-Dei pơlong nhôn, na ăn kơ nhôn bơtho tơdrong 'nao 'lơ̆ng Sư. Yua kơ thoi noh na nhôn bơtho iĕm. Nhôn bơtho tơdrong Sư, ưh kơ sĭ wă kơ kon bơngai lăp đon kơ nhôn ôh. Nhôn wă kơ 'Bok Kei-Dei lăp đon kơ nhôn. Nhôn bơtho tơdrong Sư, ưh kơ sĭ thoi kon bơngai tơchĕng 'maih ôh, nhôn bơtho kiơ̆ thoi 'Bok Kei-Dei wă. 'Bok Kei-Dei pơlong lăng nhôn ling-lang wă băt kơ nhôn pơm trŏ dah ưh.

I Tim 1:17

Bĕ bơ̆n ư-ang kơ 'Bok Kei-Dei, Sư Pơtao bơ̆n mă arih ling-lang. Đei minh 'nu Sư đĕch. Sư Kră Yang ưh kơ đei layơ lôch. Bơ̆n ưh kơ gơh 'bôh Sư ôh. Bĕ bơ̆n ư-ang kơ Sư ling-lang ưh kơ đei layơ tôch. A-men.

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

Tit 2:1

Mă-lei gah ih, athei bơtho tơdrong 'Bok Kei-Dei mă trŏ hŏ.

Tit 2:15

Dôm tơdrong inh bơtho ih âu ih bơtho ăn kơ đe dơ̆ng hŏ. Păng ih pơlung lu sư lui mă kơjăp. Ih khă lu sư 'nĕ pă pơm yoch. Ih tơbăt ăn kơ lu sư dôm tơdrong ih bơtho đơ̆ng nơ̆r 'Bok Kei-Dei, na ih athei đĭ-đăng kơ lu sư pơm kiơ̆ tơdrong ih bơtho noh.

Hêbrơ 13:7

Iĕm athei lăng tơdrong arih bơngai mă bơtho iĕm tơdrong 'Bok Kei-Dei sơ̆, tơdrong arih sư thoi yơ, sư lôch thoi yơ, iĕm athei rok kiơ̆ tơdrong lui sư noh.

Hêbrơ 5:12

Iĕm lui đunh boih, trŏ kơ iĕm pơm 'bok bơtho, bơtho lu bơngai nai dơ̆ng, mă iĕm âu oei kăl kơ đe bơtho iĕm, dang đe bơtho tơdrong 'Bok Kei-Dei kơ lu bơngai 'nao lui. 'Noh inh băt kơ iĕm oei gĭt kơ đak toh đĕch, ưh tam gơh ăn kơ iĕm sa tơmam arăng ôh.

Ya 1:19

Ơ lu 'nhŏng oh mă inh 'mêm kơeng, bơ̆n băt kơ thoi noh boih, na đĭ-đăng kơ bơ̆n athei adrin mơ̆ng tơdrong đe bơtho, mơ̆ng mă tơpă, 'nĕ hăt kơ pơma hil kơ đe bơtho.

Ya 1:26

Bơngai bu khan sư lui kơjăp, mă ưh kơ gơh gơ̆t 'bơ̆r, nŏng kơ chă hil kơ đe, pơang kơ đe lơ tơdrong mă sư pơngêh đon khan sư lui kơjăp, 'Bok Kei-Dei ưh kơ pơklaih sư ôh.

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Pet 4:10

'Bok Kei-Dei ăn kơ lu bơngai lui bơ̆n tôm tơdrong hơgei phara, na bơ̆n athei jang kiơ̆ kơ Sư ăn kơ bơ̆n hơgei noh, wă kơ bơ̆n gơh tơgŭm băl.

I Pet 4:16

Mă-lei dah bu đei tơdrong gleh yua kơ sư kiơ̆ Yêsu Krist, bơngai noh thoi lĕ kơ pŭn, bơngai noh hiôk, sư huay kơ mơlâu kơ đe ôh. Sư athei adrin ră roi pơư pơang kơ đe tơdrong Yêsu Krist hăm 'Bok Kei-Dei rai pran hloh.

I Pet 5:11

Pôm 'Bok Kei-Dei đĕch boih mơsêh mơyang pơgơ̆r ling-lang ưh kơ đei layơ tôch. A-men.

Ju 1:25

Thoi noh bĕ bơ̆n ư-ang kơ Sư, yua kơ pôm Sư đĕch Yang sĭt tơpă. Sư pơklaih bơ̆n đơ̆ng tơdrong phak, yua kơ Kră Yang bơ̆n Yêsu Krist lôch tang bơ̆n. 'Bok Kei-Dei boih mơsêh tăp pang mơyang tăp dăr, pơgơ̆r tôm tơdrong đơ̆ng blŭng-a sơ̆ khơ̆ dang ei, truh tơ ning-mônh ưh kơ layơ tôch. A-men.