I Pet 4:10 - Sơ̆p Hlabơar Nơ̆r 'Bok Kei-Dei

¹⁰ 'Bok Kei-Dei ăn kơ lu bơngai lui bơ̆n tôm tơdrong hơgei phara, na bơ̆n athei jang kiơ̆ kơ Sư ăn kơ bơ̆n hơgei noh, wă kơ bơ̆n gơh tơgŭm băl.

I Pet 4:10 ပူးပေါင်းရင်းမြစ်များ

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Mathiơ 24:14

Gô lu bơngai lui kơ Inh bơtho tơdrong 'nao 'lơ̆ng 'Bok Kei-Dei wă pơgơ̆r kon bơngai jơ̆p-jang kơ teh đak 'mơ̆i na truh năr tôch.

Mathiơ 24:21

yua kơ năr noh kơnh đei tơdrong anat anot tih hloh kơ đơ̆ng năr 'Bok Kei-Dei pơjing plĕnh teh sơ̆ khơ̆ dang ei. Mă-lei đơ̆ng rŏng kơ noh kư̆m huay kơ mah dang noh mơ̆n.

Mathiơ 24:45

“Bơngai đĭch, sư athei jang tơnăp kiơ̆ thoi yŏng sư pơkă, na yŏng sư lăp đon pơjao ăn kơ sư pơm kai wei-lăng lu buăl sư dơ̆ng na mưh trŏ kơ jơ sŏng sa sư chă asong kơ lu bôl sư tơmam sa.

Mathiơ 25:17

Bơngai mă iŏk 'bar hlak jên maih yŏng sư noh, kư̆m pơm lei-lăi, đei lơi kơ sư 'bar hlak jên maih dơ̆ng.

Mathiơ 25:44

Kơplah noh lu sư kư̆m pơma dŏng kơdih khan: ‘Ơ Kră Yang, layơ nhôn 'bôh Ih pơngot, layơ nhôn 'bôh Ih ol kơ đak, dah bơngai tơmoi, dah kơ'bah kơ hơbĕn ao, dah jĭ jăn păng Ih khan đe tah Ih tơ hnam phak mă nhôn ưh kơ năm ngôi păng tơgŭm?’

Markôs 10:45

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Luka 12:42

Na Kră Yang Yêsu khan: “Bơngai đĭch, sư athei jang tơnăp kiơ̆ thoi yŏng sư pơkă, na yŏng sư lăp đon. Na yŏng sư pơjao ăn kơ sư pơm kai wei-lăng lu buăl sư dơ̆ng, na mưh trŏ kơ jơ sŏng sa na sư chă asong kơ lu buăl sư tơmam sa.

Luka 19:13

Hơdrol kơ sư wă năm, sư krao mơjĭt 'nu bơngai jang kơ sư. Sư pơjao ăn rim 'nu kơ lu bơngai jang kơ sư minh hlak jên hu so sơ̆. Sư pơkă athei chă blơ̆ sa kơdih kơdih truh tơ năr sư wih dơ̆ng. Lăp sư pơjao ăn kơ lu đe noh đang boih na sư năm.

Luka 8:3

Yă Jôanna akăn Chusa. Chusa noh sư wei-lăng tơmam pơtao Hêrôt. Yă Susana păng kư̆m đei lơ drŏ-kăn nai dơ̆ng kiơ̆ hơdai Yêsu. Lu sư tơgŭm Yêsu păng lu bơngai pơhrăm păng Sư bơ̆n tơmam, bơ̆n jên.

Rom 15:25

Mă-lei dang ei inh năm tơ Pơlei Jêrusalem hơdrol 'mơ̆i yua kơ đe ată jên athei ăn kơ lu bơngai lui tơ noh.

Rom 15:27

Lu bơngai mă tơgŭm jên noh lu sư lăp đon kơ tơgŭm tơpă, yua kơ lu sư dang hre kơ lu bơngai Juđê, đơ̆ng lu bơngai Juđê bơtho lu sư tơdrong 'Bok Kei-Dei sơ̆, noh na lu sư tơgŭm lu bơngai Juđê jên.

I Kor 15:10

Mă-lei 'Bok Kei-Dei mơnat kơ inh. 'Bok Kei-Dei mơnat kơ inh ưh kơ sĭ Sư mơnat đĕch ôh, Sư tơgŭm ăn kơ inh bơ̆jang lơ hloh kơ lu đe nai. Mă-lei ưh kơ trŏ kơ inh kơdih ôh, 'noh yua kơ đơ̆ng 'Bok Kei-Dei mơnat na Sư tơgŭm ăn kơ inh.

I Kor 3:10

'Bok Kei-Dei mơnat kơ inh, ăn kơ inh hơgei gơh pơm hnam. Inh man anih hnam 'lơ̆ng boih, na đei bơngai nai pơm hnam 'bơ̆t ei. Mă-lei bơngai bu mă pơm hnam 'bơ̆t ei athei pơm mă 'lơ̆ng.

I Kor 4:7

Bu pôk ih pơm tih hloh kơ đe? 'Bok Kei-Dei ăn kơ ih tôm tĕch tôm-tơ̆l tôm tơdrong ih gĭt ih wă, mă-lei ih oei pơang akâu kơdih thoi noh na ih kư̆m dang lĕ khan dôm tơdrong ih đei noh ih đei kơdih ngăl.

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

II Kor 9:1

Gah tơdrong ra jên wă tơgŭm lu bơngai lui dơnuh, inh ưh kơ kăl kơ chih roi dơ̆ng boih,

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

Êphêsô 4:11

Na jô̆ gah tơdrong Sư asong kơ lu bơngai mă Sư 'mêm, Sư asong ăn tơdrong jang Sư, mơ'nah pơm jơ̆ng 'bang Sư, mơ'nah chă pơtruh nơ̆r Sư, mơ'nah pơm 'bok bơtho năm chă bơtho đe, mơ'nah pơm 'bok bơtho wei-lăng lu bơngai lui kơtă pơlei.

II Tim 1:18

Inh apinh 'Bok Kei-Dei mơnat kơ Ônêsip lăm năr Sư wă sek tơlang ning-mônh. Ih băt boih Ônêsip tơgŭm inh lơ tơpă kơplah tơ Pơlei Êphêsô sơ̆.

Tit 1:7

Bơngai bu mă pơm kră wei-lăng lu bơngai lui sư athei pơm mă 'lơ̆ng 'nĕ kơ pơm yoch hŏ, kơlih kơ sư pơm kră wei-lăng tơdrong 'Bok Kei-Dei. Lu bơngai pơang akâu kơdih, lu bơngai khĕnh, lu bơngai et sik suai, dah lu bơngai tôn teh đe, dah sư hưch hanh kơ sa jên lơ păng trŏ tơdrong jang sư mă-lei pơgŏ athei iŏk jên đe, lu bơngai thoi noh ưh kơ gơh pơm kră wei-lăng lu bơngai lui ôh.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

I Pet 5:12

Silas 'nhŏng oh bơ̆n bơngai lui, inh lăng sư lui kơjăp tơpă, na kơthơ âu sư chih tơgŭm inh. Nhi chih minh 'bar nơ̆r wă tơbăt kơ iĕm tơdrong bơ̆n lui âu, tơdrong 'Bok Kei-Dei 'mêm mơnat kơ bơ̆n tơpă, na apinh iĕm lui kơjăp bĕ tơdrong noh.